L'emprima experientscha cun il teater è stada traumatica per l'actur Jonathan Ferrari. Empè da sia rolla principala ha el stuì giugar la finala ina planta – quella giada visitava el la scolina. 

La vaira fascinaziun per il teater ha el scuvrì pli tard a Londra ed oz ha el ina passiun per il teater d'uffants. Derivond d'ina famiglia da sportists, n'eri betg evident che Jonathan daventia actur. L'element fisic è però impurtant per el era sin tribuna. Ma la vita da teater mussa era sias varts pli sombras: da la chila avant mintga represchentaziun enfin ad attatgas da panica, tut quests stadis enconuscha l'actur. Co ch'el vegn a frida cun tut questas emoziuns raquinta Jonathan Ferrari en quest «Profil».