កម្ពុជាមានដំរីស្រុកប្រមាណជាង ៧០ ក្បាល និងមានដំរីព្រៃចន្លោះពី ៦០០ ទៅ ៨០០ ក្បាលដែលកំពុងរស់នៅក្នុងព្រៃធម្មជាតិនៃភូមិភាគឦសាន តំបន់ជួរភ្នំក្រវាញ និងតំបន់ព្រៃឡង់។ ដើម្បីជួយសង្គ្រោះ និងអនុញ្ញាតឲ្យដំរីស្រុកអាចរស់នៅបែបធម្មជាតិក្នុងព្រៃសហគមន៍បាន ជ្រលងដំរី​មួយត្រូវបានបង្កើតឡើងក្នុងឆ្នាំ២០០៦ ដោយមានដាក់ដំរីស្រុកចំនួន ៧ក្បាល។ បច្ចុប្បន្ន ជ្រលងដំរីមួយនេះកំពុងក្លាយជាទីកន្លែងទេសចរណ៍ដ៏ទាក់ទាញ ហើយបានចូលរួមការពារធនធានធម្មជាតិ និងវប្បធម៌របស់ជនជាតិដើមភាគតិច៕