L'uffanza a Martina en Engiadina Bassa, be paucs pass davent dal cunfin sco figlia d'in resgiader, oriund dal Tirol, e d'ina negozianta surmirana, ha furmà Karin Kohler-Pattis.Sco mamma da dus uffants e sco editura da cudeschs è ella disada dad esser flexibla, da chattar soluziuns pragmaticas, d'organisar e realisar projects. En in Profil raquinta Karin Kohler-Pattis dal temp sco «uffant da cunfin», da sia carriera sco maun dretg dal secretari da la Lia Rumantscha sco era da sia lavur dad oz, nua ch'ella edescha e translatescha cudeschs per uffants e giuvenils. In discurs davart cunfins linguistics e geografics, da laina e cudeschs, da la vita da famiglia a Domat, da Globi e da bels duets cun vuschs marcantas ch'èn en armonia.