Kiwal taariindi

Heɗiyankooɓe teɗɗuɓe on salminaama on ɓiyaama bismilla e kiiwal taarindi e dow e RFI Fulfulde. E oo ɗo taskaram men yewtan ko yowitii e yooro. Alhaali laygol jeerennde ndee nder Afrik. Holko woni sabu mum?, holko woni ɓattane  yaajugol ndee jeereende e ngurdam neɗɗo ? holli peeje darneteeɗe ngam safrude ɗee caɗeele ? Ngam yewtude e dow ndee toɓɓere en bismoto Alfa Umaar Bah, ko diiseteeɗo ka jaagorgal toppitiingal taariindi Gine.Ko adii e seedantaagal ma en keɗoo Bubacar Brigi Lih maroowo Burkinaajo. ka joofingol yewtere nden bismoto kadi Bubakar Mayga gooto e arɗiiɓe,"Recopa", walde dariinde fii faabagol aynooɓe, ɗurooɓe e kadi reenude taarindi leydi Burkina Faso.

Musiɓɓe teɗɗuɓe on salminaama on wi'aama kadi bismilla mon e oo taskaram Kiwal Taarindi e dow RFI Fulfulde. E oo ɗoo taskaram en yewtay ko yowitii e cimtol ngol fedde adunyankoore topitiinde fii metewo (meteo) e kala ko faati e ndiyam. E ngol cimtol  hertorɓe on fannu holliti e hitaande wonnde, e ujune ɗiɗi e cappanɗe jowi ko jaasataa milliyaaruuji jowi yimɓe taway no wuurdi e caɗeele ndyam.Ko ɓuri pelle noogay, wonndude e goomuuji daraniiɗi ɓamtaare jeertinii e ngol cimtol e ko faati e ŋakere ndiyam laaɓuɗam. Holko waawuɗen faamude e ngol cimtol. Holko foti wonude darnde ardiiɓe leyɗeele Afrik ? Holko ɗum waawi battinde e ngurɗam neɗɗo?Ngam yewtude e ɗee ɗoo toɓɓe en bismoto koɗo men Malaaɗo JALLO, ardiiɗo fedde sukaaɓe wiɗtotooɓe to ɓange taarindi ka ɗuɗe mawɗe. Himo tawaa kadi e kawtal pelle dillay to baŋŋe ndiyam e leydi e nder Afrik.Ko adii en tolnude mo, heɗoɗen jantoore nultondiraaɗo amen to Yawunde lesdi Kamerun, ɗon ɗo yimɓe cappanɗe tato e nayo no e saɗteende ndyam.En joofiniray yewtere nden Faatumata Kante, halfinaaɗo konngol "Recasced" woni kawtal pelle dariiɗe ngam hiwude taariindi ndii to dowla Gine.Ɗum non bismilla mon.

Toɓɓere Kiwal Taariindi hannde no yowitii e cumu  burruure nder Afrik. Yogga e ɗen leyɗeele no wondi e caɗeele mawɗe.  Holko woni sabu ɗii cumi buruure? Holko foti wonude darnde ardiiɓe ɗen leyɗeele ngam haɓude nguu cumu buruure ? Alasan JALLO ardiiɗo salndu jaagorgal Mali halfinaangal geɗɗe taariinde ndiyam e dabeeji ladde.

E oo ɗo taskaram men yewtan ko faati e ko naftoraade kiɗɗum e fransiire no wi’ee "recyclage". E ɗen nganndi Afrik ko duugal ɓurngal marde tuundi. E hitaande 2016 taskano wonnde no woodi e nder Afrik ko timmi toonu miliyonji teemedere tuundi.  Holno ɗum waawetee huutoreede e ngurdam neɗɗo. Ngam yewtude fii ndee toɓɓere en bismoto koɗo men wi'eteeɗo Moodu Fall, senegalnaajo anndiraaɗo Moodu poore sabu darnde makko nden fii haɓugol kala ko woni tuundi. Ko adii e seeditande makko, en keɗoto jantoore nultondiraaɗo RFI Fulfulde Boobo Julaaso, Yaya Demmbo Tammbura. Ka joofingol en bismoto Abdu Karim Sall, jaagorɗo leydi Senegaal halfinaaɗo geɗe taarindi.

E oo ɗo taskaram Abdullay e hoɓɓe  makko  yewtat ko yowitii e soppugol leɗɗe e nder Afrik, Ɗum no usta pitaaji e sukkugol leɓɓe e nder ladde nden. Holko ɗum waawi battinde hannde e ngurdam neɗɗo so ladde waasi leeɗe mayre, so nde yoorii ? Holno ɗum haɓirtee haa nde hecciɗa?

Musiɓɓe teɗɗuɓe on salminaama on wi'aama kadi bisimilla mon e kiwal taarindi ɗoo e Rfi Fulfulde. E oo ɗoo taskaram men yewtan ko yowi e cimtol ngol hertorɓe  fannu waylo waylo weyo hakkunde leyɗeele no wi'e Giek lollini ñannde noogay e jeetati lewru ɗiɗaɓuru. Ɗum ko fodde Terɗe leyɗelee teemeɗɗe ɗiɗi jeeyaɗe e leyɗeele, halfinaande ko fewti weeyo. Holko mbaawuɗen nangude walla jogitaaɗe e ngol cimtol ? Holli darnde ardiiɓe leyɗe Afrik foti daroraade ngam ɗum heɓa  battane muusude e jamma Afrik ? Ngam yewtude e dow ɗee ɗoo toɓɓe en bismoto koɗo men Aamadu Sebory Tuure ardiiɗo goomu hertiyankooɓe fannu waylo waylo weeyo. Himo tawaa kadi e fedde Giek. Ko adii e seeditannde makko, en keɗoto Faatumata Kante, halfinaaɗo konngol "Recasced" woni kawtal pelle dariiɗe ngam hiwude taariindi ndii to dowla Gine. En Joofiniran yewtere Hindu Ibrahiim ɗeɓɓo pullo mboororo  jeyaaɗo Caad, daraniiɗo hakeeji neɗɗo haɓanoowo mbayliigu weeyo e nguleeki . Ko kanko arɗii fedde "AFPAT" hawridinde rewɓe e worɓe lesdi caad. Ɗum non Bissimila mon.

Hannde, taskaram men Kiwal Taariindi yewtay ko yowitii e awo ngo rewaani laawol walla awo ngo yamiraaka e nder Afrik. Holko saaɓi ɗum, holko woni battane mun e faggudu ɗen leyɗeele Afriki? Holi foti wonde darnde ardiiɓe leyɗe Afrik ngam haɓuɗe ɗum? Ngam yewtude fii ndee toɓɓere en bismoto koɗo men Basiiru JARAA  Senegaalinaajo jannoowo ka dudɗal mawngal "Cheikh Anta Diop" to Dakaar ñeeñuɗo to banŋe awo liƴƴi. ko adii kon en heɗoto Baay Salll JALLO gooto e awooɓe hakkunde 'Saint louis' e Moritani. Ka joofingol en bismoto Sirebera Fatiim JALLO, Malinaajo, neoowo liyyi.

Musiɓe teɗɗuɓe on salminaama on bi'aama bisimilla mon e kiwal taarindi ɗoo e Rfi Fulfulde.E oo ɗo taskaram men yewtan ko faati e ko naftoraade kiɗɗum fransiire no wi’ee "recyclage".E ɗen nganndi Afrik ko duugal ɓurngal marnde tuundi. E hitaande 2016 taskano wonnde no woodi e nder Afrik ko timmi toonu miliyonji teemedere tuundi.  Holno ɗum waawetee huutoreede e ngurdam neɗɗo. Ngam yewtude fii ndee toɓɓere en bismoto koɗo men wi'eteeɗo Moodu Fall, senegalnaajo anndiraaɗo Moodu poore sabu darnde makko nden fii haɓugol kala ko woni tuundi. Ko adii e seeditande makko, en keɗoto jantoore nultondiraaɗo RFI Fulfulde Boobo Julaso, Yaya Demmbo Tammbura. Ka joofingol en bismoto Abdu Karim Sall, jaagorɗo leydi Senegaal halfinaaɗo geɗe taarindi.Bissimila mon.

Hannde, yeewtere men Kiwal Tariindi,no yowitii e demal wengaangal walla demal yowaangal e taabe no wi’e ka ɗemngal faransiire "agriculture hors sol". E nder Afrik leyɗe ɗuuɗuɗe no huutora ndu remuru. Sabu e wi’ide karalleeɓe,ɗii ɗuuɓi garooɗi,bamntal leydi ka ka ndema wengaade iwrata. Holko woni ndema wengaade walla ndema taabe taabe ? ko honɗum woni ngartam mun?Ngam yewtude e dow ɗee ɗoo toɓɓe, eɗen bismoo  Mammadu Idrisu Macci karallo Beninaajo to banŋe ndema hoore taabe .  En bismoto kadi sonna Sii Jeenaba Saal, wiɗtotooɗo to banŋe ndema to Isra ɗoo e Senegaal.

Keɗoɗee Kiiwal Taarindi ɗoo e Rfi fulfulde. E oo ɗoo taskaram, Abdullaay JALLO e hoɓɓe makko yewtay ko yowitii e battane ñawu koronaawirus e taarindi men. Holko woni caɗeele ko ɗum addi e taarindi? Ngam yewtude e dow ɗee ɗoo toɓɓe, eɗen bismoo Ceerno  Ahmed Seeku JALLO, malinaajo, arɗiiɗo AFAD, feɗɗe nde wonaa laamuyankoore, daraniinde tariindi.