Kiwal taariindi

Hannde yeewtere taskaram men yowitto ko e cumu ladde. Ɗum ko ko woowaa yiyeede si o sahaa yonti. Holno fotaa daroreede ngam falaade nguu cumu walla mbiyen ɗii giiteeli ladde. Holko ɗii waawi battinde e taariindi men haa teeŋti noon e nguurndam men? Ngam yeewtude e dow ndee toɓɓere en bismoto koɗo men Mamadou Kobera Diallo, Ginenaajo, Inspecteur halfinaaɗo kala ko yowiti e taariindi haa e ɓamtaare duumiinde e nder diiwal labbe.

Kono ko adi en heɗoto yiyannde woɓɓe e heɗiyankooɓe men ko faati e ndee toɓɓere.

Ka joofnirde en mbismoto Mariama Harouna BA Senegalnaajo ardiiɗo rajo ngaynaaka FM.

Tedduɓe ko nii woni mbaadi yeewtere men, ɗum non bisimilla mon

Tedduɓe on calminaama! Hannde e ooɗo taskaram en yewtay ko yowitii e ƴulɓe guurɗiwal. Ko ɓuri miliyoŋ teemedere ektaar ladde no e caɗeele e batte defirgol leɗɗe e nder Afrik. Ko ɗum waɗi pelle heewɗe e nder Afrik, ƴettii feere ngam fewnude ƴulɓe guurɗiwal hono “charbon bio “. Ɗum no tawaa e ko wallata haɓɓugol soppuru laddeeji e hiwude taarindi ndii. Holno ɗum feewnirtee? Holko ɗum waawi battinde e taarindi haa teeŋti noon e haɓugol soppuru ladde e nder Afrik.

Ngam yewtude e dow ɗee toɓɓe en mbismoto hoɓɓe men, Thierno Bocar Cisse Moritanaajo hertorɗo e oon fannu kono kadi peewnayɗo ko wi’etee bio charbon. Kono ko adii en heɗoto jantoore nde nultondiraaɗo men waɗani en e oo alhaali Oumar El Hadj Caam. Ka joofingol en mbismoto Ahmet Fall Senegalnaajo diloowo e on baŋŋe. Tedduɓe ko nii woni mbaadi yewtere mon

Tedduɓe on calminaama! Hannde e oo ɗoo taskaram en yewtay ko yowitii e dunkiiji to dawla Guinee. Duuɓi jooni hiɗi wondi e caɗeele e satteendeeji. Addo hiɗen ƴeewude ko woni nafa majji en yewtay ko fewti e sababuuji ɗen caɗeele majji e ko ɗum battinta e nder leyɗe goɗɗe ɗe Afrik. Ngam yewude e dow ɗee toɓɓe en bismoto Mamadou Diouhé BAH gooto e ardiiɓe fedde nde wonaa laamuyankoore wieteende des paroles et des actes kono kadi Mamadou Samba BARRY ardiiɗo eɓɓoore parc national Bafing woni maayo ɓalewo to Guinée. Kono ko adii en heɗoto jantoore nde gooto e nultondiraaɗo men waɗani en Labbe himo wi’ee Oumou Kesso Diallo.

Tedduɓe on calminaama e oo ɗoo taskaram en yewtay ko yowitii e nehugol ñaaki e ko woni nafa walla ngartam ñaaki e dow taariindi men haa e nguurɗam neɗɗo. Ngam yewtude e dow ndee toɓɓere en mbismoto hoɓɓe men.

Hono Mamadou Ly nehoowo ñaaki wiɗtotooɗo e jannginoowo ka duɗal toowngal Cheikh Anta Diop ngal Dakar e gollanoowo kadi fedde adunaare toppitiinde Golle wi’eteenɗe OIT, kono kadi e Oumar Diallo Alfoutiyou, Moritanaajo nehoowo ñaaki wiɗtiyanke jannginoowo ka duɗe toowɗe ɗe Nouakcchott e Cheikh Anta Diop.

Tedduɓe ko nii woni mbaadi yewtere men

E oo taskaram en yewtay ko yowitii e nawtoragol kiɗɗum. E nder Afrik, hesdintingol kiɗɗum ngam nawtoroo walla huutoraade ɗum na heddii e wonde ngoƴa mawɗo ngam hisnude walla reenude taariindi ndii. Ko non le pelle goɗɗe no darii toppitii ɗen tuuɗe haa ɗe waawee huutoreede. E ɗen pelle no tawaa RIMAT nde Moritani e Lac de Lasa nde Bamako to Mali.
Hoɓɓe amen ɓe men jaɓɓotoo ko Fatima Kane ardiiɗo Rimat fedde dillaynde to banŋe waylugol kurujuru woɓɓe no wi’i tuundi e Aysatu Sidibe Malinaajo gooto e ardiiɓe fedde Lac de Lasa waylande noone tuuɗe heewɗe nga ɗe huutoree. Kono ko adii en heɗoto Ruth Nasandra Na Biin suka deɓɓo kamerunaajo.

Joɗnde jeegoɓere ko faati e jeereende walla yoorunal joofi ñalnde 28 lewru 3ɓuru to Djerba, leydi Tunisie. Yuɓɓini ndee joɗnde ko fedde Faransnaare nde wonaa laamuyankoore wiyeteende CARI e Observatoire Sahara e Sahel, Ko ɓuri yimɓe 450 tawtoraama e ndee jonnde. Faandaare ndee ko heblagol jonnde COP 17 aroonde, yuɓɓinteende to Mongolie e lewru 8ɓuru hitaande 2026.

Ko non oo taskaram men yowitiiɗo e no darortee ngam haɓude jeereende walla yoorunal e nder Afrik. Ngam yewtude e dow ndee toɓɓere en mbismoto hoɓɓe men wi’eteeɓe Fatoumata Kante Ginenaajo daraniiɗo kiwal taariindi leydi Guinee e Ndikou Gueye senegalnaajo tawaaɗo e sarwis leydi ndii tammbiiɗo ko yowitii e tutugol leɗɗe e nder Senegal no wie agence nationale de la reforestation. Kono ko adii en heɗoto gooto e heɗiyankooɓe men Lamine Ibn Oumar Jallo.

Hannde yeewtere taskaram men yowitotoo ko e nafa e huutoragol ndiyam no haanirta nii e nder winndere nden haa teeŋti non e nder Afrik. Ko e aset ɓennuɗo oo ñalaande teddiniraande ndiyam mawninaa e nder winndere nden. Kono ko teskaa ko kuutoragol ndiyam laaɓɗam e nder winndere ndee ɓuri heewde ko e ndema.

Goɗɗum kadi ko caɗeele yowitiide e ndiyam, ko saaɓi ɗum ko mbayliigu weeyo e ɓi’ol heewɓe e hertorɓe baŋŋe ndiyam. Ngam yeewtude e dow ndee toɓɓere, en bismoto hoɓɓe men Magatte Niang ardiiɗo suudu toppitiindu yeeyugol ndiyam laaɓdam to Senegal no wi’e Sen Eau e kadi Oumar Dieng, karallo to baŋŋe ndiyam e gooto e ardiiɓe GRET fedde winnderanyankoore nde wonaa laamuyankoore. Kono ko adii en heɗoto miijooji ɗi heɗiyankooɓe men addani e tonngoode men whatsapp.

Hannde e oo ɗoo taskaram en yewtay ko yowitii e battane hare hakkunde Iran, Israel e Dowlaaji dentuɗi Amerik. Ndee hare fuɗii ko gila e aset ñande 28 lewru ɗiɗaɓuru ndee hitaande ɗoo caggal nde wari ardiiɗo mawɗo mo Iran. Gila nden hare nden no jokki hakkunde ɗee leyɗe haa e leyɗe godɗe taariiɗe walla wonduɗe e Amerik. Ɗum noon ko misilaaji e misilaaji haa e boyli petrol bonneteeɗi walla suneteeɗi. Ɗum non no battini no feewi e dow taariindi ndii. Ngam yewtude e ndee toɓɓere en jaɓɓoto koɗo men wieteeɗo Alpha Oumar Bah, ginenaajo hertorɗo e taariindi e bamtaare duumiinde e Lamine Ibn Oumar Diallo, Ginenaajo hertorɗo kala ko feewti e ndiyam e laddeeji.

Tedduɓe on calminaama! Bisimilla mon e taskaram men Kiwal Taariindi. Hannde e oo ɗoo taskaram en yewtay ko yowitii e nokkuuje haakooje maa mi wi'a hecciɗuɗe no wi’ee "espace vert" e ɗemngal faransiire. Ɗen nokkuuje no ŋakki e yogga e nder Afrik wano Moritani haa e leyɗe godɗe ɗe Afrik.

Etee ɗee nokkuuje no jogii nafoore to baŋŋe taarindi haa teeŋti noon e cellal neɗɗo. Ko woni ɗeen nafooje? Holno ɗii nokkuuji toppitirtee? Ngam yaajnaade heen en bismoto hoɓɓe men. Moussoukoro Sidibe Moritanaajo hertorɗo to baŋŋe taarindi e Algasimou Diallo, Ginénaajo ardiiɗo fedde nde wonaa laamuyankoore wi’eteende Guinée Verte. Kono ko adii en heɗoto Lamine Ibn Oumar Diallo mo Gambie e Demba Sall gooto e daraniiɗo e reenude taarindi Moritanie.

E oo ɗoo taskaram men hannde en yewtay ko yowitii e tuundi henndu foofeteendu e nder winndere nden, haa tentinii non e duunde Afrik. Ɗum non ko caggal nde teskaa ɗee jonte ɓennuɗe tuundi henndu foofeteendu e nder Senegaal. Holko woni sabu ɗum ? Holko ɗum waawi battinde e taarindi ndii haa e cellal neɗɗo? Holko foti wonde safaara walla pehe ngam
haɓude oo musiiba ? Ngam yaajnaade heen en bismoto Ibrahima Sori BAH gooto e ardiiɓe suudu halfinaandu Metewo Guinee. Kono ko adii ɗum en heɗoto miijooji ɗi heɗiyankooɓe men addani ka tongoode men Whatsapp. En jofniray e Aminata Mbow Senegalnaajo, ardiiɗo suudu halfinaandu henndu foofeteendu.
Ɗum non bissimillah mon