ព្រឹត្តិការណ៍មហោស្រពភាពយន្តអន្តរជាតិកម្ពុជាលើកទី១៤នឹងរៀបចំធ្វើជាថ្មីម្តងទៀតនៅទីក្រុងភ្នំពេញចាប់ពីថ្ងៃទី២១ ដល់ថ្ងៃទី២៩ ខែមីនា ឆ្នាំ២០២៥នេះ។ ខ្សែភាពយន្តជាតិ និងអន្តរជាតិចំនួន១៥១រឿង ក្នុងនោះមានភាពយន្តខ្នាតខ្លី ខ្នាតវែង ភាពយន្តឯកសារ និងគំនូរជីវចលនឹងត្រូវចាក់បញ្ចាំងដោយឥតគិតថ្លៃនៅតាមរោងភាពយន្តធំៗទាំង១០ នៅទីក្រុងភ្នំពេញ។ ព្រឹត្តិការណ៍មហោស្រពភាពយន្តនេះជាព្រឹត្តិការណ៍សំខាន់មួយដែលអ្នករៀបចំ​រំពឹងថាអាចជួយបង្កើនវិស័យសេដ្ឋកិច្ច និងទេសចរណ៍ ពិសេសលើកកម្ពស់ដល់វិស័យវប្បធម៌ និងភាពយន្តកម្ពុជា។