កម្មករនិយោជិត​ផ្នែកវាយនភ័ណ្ឌ ​កាត់ដេរ​សំលៀកបំពាក់​ និង​ផលិតស្បែកជើង​ នាំគ្នាត្អូញត្អែរ​ពីតម្លៃ​ទំនិញនៅលើទីផ្សារ​ឡើងថ្លៃ ​ខណៈប្រាក់ខែ​គោល​របស់ពួកគាត់​ឡើងបាន​ត្រឹមតែ២​ដុល្លារ​ប៉ុណ្ណោះ ​សម្រាប់​ឆ្នាំ២០២២នេះ។ ​ពួកគាត់ខ្លះ ​ត្រូវព្យាយាម​កាត់បន្ថយ​ការចំណាយ​ប្រចាំថ្ងៃ ​តាមតែអាច​ធ្វើទៅបាន​ ដើម្បីទប់ទល់​នឹងកំណើនថ្លៃ​ទំនិញ​ និង​តម្លៃប្រេងឥន្ធនៈ។ ​សហជីព​លើកឡើង​ថាការឡើងថ្លៃ​ទំនិញនៅ​លើទីផ្សារនា​ពេលនេះ ​គឺពិតជា​បានប៉ះពាល់​ដល់កម្រិត​ជីវិភាព​របស់​កម្មករ​កម្មការិនី។​