ពលរដ្ឋ​មួយចំនួនធំនៅសង្កាត់ព្រែកក្មេង ក្រុងអរិយក្សត្រ ​ខេត្ត​កណ្ដាល ​ប្រកប​មុខរបរ​ធ្វើ​ត្រី​ឆ្អើរ​ សម្រាប់ផ្គត់ផ្គង់ទៅតាមបណ្ដាខេត្តផ្សេងៗ ទាំងរដូវប្រាំង និងរដូវវស្សា។ក្នុងកាលៈទេសៈ កម្ពុជាជួបប្រទះនឹងការវាយប្រហារពីកងទ័ពថៃ តម្រូវការត្រីឆ្អើរមានការកើនឡើងច្រើនទ្វេដង។ បើ​ទោះ​ជា​មុខ​របរ​មួយ​នេះ​ ត្រូវនៅជិតកម្ដៅភ្លើងស្ទើរពេញមួយថ្ងៃ ​ចំណាយ​កម្លាំង​ច្រើន និង​ទទួល​បាន​ប្រាក់​ចំណេញ​តិចតួច​ក្ដី ក៏អាជីវករលក់ត្រីឆ្អើរមួយចំនួនបានលក់បញ្ចុះតម្លៃពិសេស សម្រាប់អ្នកទិញបរិច្ចាគជនភៀសសឹក និងកងទ័ពជួរមុខ៕