Ko mbiiɗon?

By RFI FulfuldeSociety & Culture

Ko mbiiɗon? episodes

January 16, 2023 Tuurisyaagal dowri: Holko waɗetee haa afriknaaɓe mawnina tuurisyaagal ngenndi?
Toɓɓere Ko Mbiiɗon? no haala hannde ko faati e nafoore tuurisyaagal e battane mum e faggudu leydi. Ko holno haanaa waɗeede haa ɓiɓɓe leyɗe mawnina, ɓe waɗta yiilaade e nokkeeli ɗi tuurisɓe juurotoo e nder leyɗe maɓɓe? Ngam heɓude ko laaɓi e ɗum, Umar JABUULA, e Tibuu BAH gollooɓe e ɗen baŋŋe ɓeydan en faaminde.
25 min
January 15, 2023 Jelika KELLI, jeyaaɗo Moritanio gollowoo e baŋŋe kuran jaɓɓaa ɗoo hannde
Hannde 15 lewru 01ɓuru hitaande 2023, njaɓɓotoɗen e nder njuɓɓudi yontere "Ko Mbiiɗon?" Ko Jelika KELLI, jeyaaɗo Moritanio gollowoo e baŋŋe kuran. E nder yewtere nden o ɓannginan en no golle makko sifori.
25 min
January 10, 2023 Njuɓɓudi Yontere no jaɓɓii, Maymuuna Mamuudu SALL, moritannaajo, anndiraaɗo SMS. Ko o moƴƴintinoowo otooji
Njuɓɓudi yontere Ko Mbiiɗon? alat hannde 08 lewru 01ɓuru hitaande 2023, njaɓɓotoo ko Maymuuna Mamuudu SALL, moritannaajo, anndiraaɗo SMS. Ko o moƴƴintinoowo otooji (mekanisiyen). Holko naadi mo e ngal cellal? E ndee yeewtere en njaɓɓoto sukka raperjo noddirteeɗo Run'J innde makko Haruna GIISE.
25 min
January 07, 2023 Taskaram men hannde no haala ko faati e ngurdam ɓiɓɓe jilluɓe
Yewtere men hannde no faati e ɓiɓɓe jilluɓe (metisiiɓe). Moktar JALLO ko ɓiɗɗo Senegaal e Moritani wuurɗo Faransi. Omo jogii sukaaɓe ɗiɗo ɓe yumma mum woni tuubaako. O aran ɗoo o yewta en ko faati e oo alhaali genndaaji jilluɗi. En keɗoto kadi seeditannde Jeynab SANNGARE, ko o metisiijo malinaajo ngonɗo kanko kadi Faransi. Ibrahima Ñaang, nultiniraaɗo rfi fulfulde Dakar waɗaani en jantoore ko faati e alhaali metiisaaɓe en taweteeɓe e nder laamorgo Senegaal.
25 min
January 01, 2023 Hannde njuɓɓudi yontere no jaɓɓii Mo'Velli ñaalankeejo ɓelɗo daande
Heɗiiɓe njaɓɓotoɗen e alat hannde ko sukka gimoowo belɗo daande. Innde makko nalaankoore ko Mo'Velli. En keɗoto yoga e gaaci ɗi o waɗata, kono kadi o artan e nder yewtere holno o naatiri e naalankagal? Holko woni saabu o suɓii wadde ɗum?
25 min
December 31, 2022 Fidak, luumo (fuwaar) Dakar ommbii dame mum, rfi fulfulde yewtidii e tawanooɓe weño ngon
Aset hannde 31 lewru 12ɓuru, timmode hitaande 2022, en njalti e nder estijo rfi fulfulde, eɗen "Cices Dakar" ɗoo. Hitaande kala luumo (fuwaar) mawngo. Luumo adunyankowo. Ngo fuɗɗiima gilla ñannde 15 nduu lewru. Ko aset hannde ngo uddetee. En ngaari ɗoo ngam ndaarde holko tawetee e jeere ndee, yeewtidude e yeyooɓe ɓee e soodoɓe ɓee. E faandu haala rfi fulfulde en heɗoto kadi Saliwu KEYTA gardiiɗo Cices.
25 min
December 25, 2022 Njuɓɓudi Yontere no jaɓɓi hannde Mariyama Juulde BARI jooma sosiyeteejo
Koɗo men e njuɓɓudi yontere Ko Mbiiɗon, alatiire hannde 25 lewru 12ɓuru ko Mariyama Juulde BARI. Omo darni faggorgal jawdi "sosiyete" bi'eteeɗo "Ryama Social Entrepreneurs". Sosiyete dilloowo e baŋŋe kabaruuji, jokkondiral e njuɓɓundi goɗɗi. Mande o darni oo sosiyete makko? Holko woni golle e pandaale makko? O artanan en e jooni e ɗum.
25 min
December 24, 2022 Ko woni nafa walla battane konnguɗi naneteeɗi wano taali, tinndi e pulareeji e nder renndo men?
Tinndi e Taali...ko ko jannginta kala e saha. Ko ɗum waɗi, tuggi tinndol haa daarol wondude e pulareeje, cifti, gaanti e payka ko coñe (wallifanɗe) coomɗe binndanɗe e loowdi potɗe itteede, jikkuuji moƴƴi potɗi paamineede sukaaɓe. Loowdi njannginoori ɓuretee yi'eede ko e tinndi e pulareeje. Ko ɗum waɗi aset hannde 24 lewru 12ɓuru cuɓiɗen toɓɓere faatunde e Coñe jantaaɗe Afrik, holi ngartam mum nder renndooji men hannde? Koɗo men e ndee toɓɓere ko Saydu ABACA, kamerunaajo, jalnoowo lolluɗo. Omo huwtoroo taali o waɗta ɗum njalniika. En jaɓɓoto kadi Demmba Selli SEK, ko o ngawlo, o artanan en holko woni darnde awluɓe nder renndo.
25 min
December 19, 2022 Ko Apsatu Yero DEEM, nganndiraaɗo Jinndaa, ko o jannginoowo ɗemngal fulfulde, ko winndiyankeejo
Koɗo men e njuɓɓudi yewtere "Ko Mbiiɗon?", alat hannde 25 lewru 12ɓuru, ko Apsatu Yero DEEM, ganndiraaɗo Jinndaa Deem. Ko jannginoowo ɗemngal fulfulde, ko winndiyankeejo kadi. O winndii defte ɗuuɗuɗe, wano "Udooji maayo Senegaal", "Darnde debbo pullo e ɓamtaare", "Tintorgal rewɓe" . Omo jeeya e daraniiɓe ɓamtaare wuro makko Añam Coɗay wonngo rewo Senegaal. Omo jaggi e darnugol galle pinal e gani Fulɓe. O ɓeydan yajnaade e nder yeewtere men.
25 min
December 17, 2022 Ko woni nafa natugol walla ƴettugol foto e nder rendooji men? Ko haa holto yimɓe jonni ɗum himme?
Ngadduɗen e dinngiral Ko Mbiiɗon? No yowitii e natugol, woɓɓe wi'a ƴettugol foto walla fotugol. Natugol ko ñeeñal e karallaagal ɓooyngal duusde neɗɗanke. Natgol ɓurngol jojjude ngol ko nate saanga keewuuji men keeriiɗi, tawa faandaare ndee ko yeeɓtoyde ɗum yeeso. Ko ɗum fakko wonande yimɓe fof, ƴettude nate moofta tawa kala he sahaa no yeeɓta ciftoraa ko ɓenni. Ɗum non aset hannde 17 lewru 12ɓuru kaalaten ko ko faati e faayiida natugol e nder renndooji men? Koɗo men e oo taskaram ko Siidi TALLA, natoowo jeyaaɗo Senegaal.
25 min