Ko mbiiɗon?

By RFI FulfuldeSociety & Culture

Ko mbiiɗon? episodes

March 26, 2023 Hannde njuɓɓudi yonetere no jaɓɓii Abdallah JOOP senegalnaajo gollanoowo hoore mum, sosuɗo "E-Coffee" moƴƴinɗo saaku bakketeeɗo
E oo alet hannde 26 lewru 03ɓuru hitaande 2023. Nodduɗen, ko Abdallah JOOP suka senegalnaajo gollanoowo hoore mum. Sosiyete walla faggorgal jawdi ngal o darni. Ko "E-Coffee", woni innde sosiyete makko on. Omo hilnii ko faati ko e njeygu kafe. Kanko adii sosde saaku bakkateeɗo moƴƴinaaɗo Senegaal yeyirteeɗo ko yaraatee. Hannde, saakuuji makko ɗii no caarii e nder leyɗeele 17 Afrik. Holnde o darni sosiyete makko ? Holno miijo ngoo ardi e makko? Heɗoɗen mo.
25 min
March 25, 2023 Alhaali rewɓe sincooɓe faggorɗe jawle walla gollanooɓe hoore mum
E oo aset 25 lewru 03ɓuru 2023, hitaande 2023 ngaduɗen ko toɓɓere ko faati e gollande hoore mum, mbele rewɓe ina mbaawani ɗum? Raabi Seydu JALLO, renndiyankeejo senegalnaajo jaabanto en ngal lamndal. Oo darnii suudu ina wi'ee "Debbo, leadership feminin". Ndun suudu ina duusa rewɓe ɓee e fanuuji ɗuuɗuɗi, haa tenti e fannu gollande hoore mum. E nder ndee yeewtere en keɗoto seditaande Nafisa Bako AMADU, benenaajo gollanoowo hoore mum.
25 min
March 19, 2023 E ndee alatiire hannde, ko Lobbo Dikko, yimoowo wurkinaajo woni koɗo njuɓɓudi yontere
Hannde e alat 19 nduu lewru, Koɗo men e njuɓɓudi yontere yewtere "Ko Mbiiɗon?" , ko Lobbo DIKKO, debbo nalaanke jeyaaɗo Burkina Faso. En njewtidat e makko ko faati e nalankaagal. Ko holɗi e gaaci o waɗata? Ko holɗe e caɗeele o heɓi e ɗee golle ? Holi eɓɓooje makko e oo ɗoo saha? En keɗoto kadi e nder yeewtere ndee, nalankee goɗɗo, jeyaaɗo Mali e nder komiin Wankoro, bi'eteeɗo Adama Sidibe e fanndu haala Abdulaay DIKKO. Oo mo fija aala bi'eteeɗo woogeeru walla ñaañooru e moolaaru. E nder jokkondiral makko e tuubaako gooto bi'eteeɗo "Clement Janinet", pijoowo "violon" oo yaltiini album no wi'ee "Sokku".
25 min
March 18, 2023 Taw so yimɓe hannde no waawi tokkitaade walla yaltude e nder ɗee mejaaje renndo? Aɗa waawi wuurde caggal majje?
Hannde e aset 18 lewru 03ɓuru, hitaande 2023 yeewtere men fawii ko e mejaaje renndo. Ndee tawnoo en ƴewtidii e yimɓe ɓee, en lamdike ɓe no kuutooroo ɗee mejaaje rendo. Limoore maɓɓe ena abboo e miliyaruuji 4,5 gollirooɓe ɗe. Facebook e YouTube ɓuraa huutoreede e nder majje. Refti ɗon ko WhatsApp, Tiktok, Twitter, Instagram. Ko ɗum addi namnal men hanndewal: ko honɗum woni naffa ɗee mejaaje? Holɗe caɗeele tawateeɗe majje? Mbele eɗen mbaawi riiwude ɗe walla yaltude e majje ? Idriisa Barita BALDE, renndiyankeejo jeyaaɗo Gine, ɓeyɗan en laɓɓinande.
25 min
March 12, 2023 Ko Lawel KA, Adama Laam KA e Maymuna SOH, jaɓɓaa e nder njuɓɓundi yontere yewtere "ko Mbiiɗon?"
Alat hannde 12 lewru 03ɓuru hitaande 2023, enen ɗoo e "FIARA", jeere adunayankoore yowitiinde e ndema e ngaluuji keɓaaɗi e jawdi ndariindi. Hoɓɓe men e oo taskaram ko rewɓe Fulɓe aynooɓe Lawel KA, Adama Laam KA e Maymuna SOH. Golle maɓɓe ko moƴƴingol kosam yeeya.
25 min
March 11, 2023 Luumo mawngo weynugo ndema e jawle dariiɗe jooɗike "CICES Dakar" ngo duumoto haa ñannde 19 nduu lewru
Bismilla mon e yeewtere Ko Mbiiɗon? Hannde e oo aset 11 lewru 03ɓuru, hitaande 2023 eɗen ɗo e nder "CICES" Dakar, laamorgo Senegaal. Ina waɗa ɗoo jeere mawnde wi'eteende "FIARA", luumo adunayankoowo yowitiingo e ndema e ngaluuji e njawdi dariindi. Ngo fuɗiima gila 02 nduu lewru, ngo gasata ko ñannde 19 lewru nduu. E nder jeere ndee en njeewtidii e Aminata Wolle SI omo jogii "GIE", omo wondi e nder mayre ɓesngu makko. En njeewtidi kadi e Kajjata BA, hooreejo 'GIE Dental Ɓamtaare Toro".
25 min
March 05, 2023 Ko Ibirahiima Amaadu BA, jooɗiiɗo e wuro no wi'ee Arafat, wonngo e nder komiin Bokilaaji
Njuɓɓudi yontere "Ko Mbiiɗon?" alat hannde 05 lewru 03ɓuru hitaande 2023, jaɓɓoto ko Ibirahiima Amaadu BA, jooɗiiɗo e wuro no wi'ee Arafat, wonngo e nder komiin Bokilaaji e nder falnde Kanel diwal Matam, rewo Senegaal. Kanko ardii fedde wi'eteende Jokkere Enɗam. Fedde daraniinde moliiɓe moritaninaaɓe e nder Senegaal. Holnde fedde ndee darnaa? Holko woni pandaale mayre? o jaaboto ɗum e nder yewtere nee.
25 min
March 04, 2023 Ko holno dillooɓe e fannu pinal e sinema wallirta ko faati e ñippugol fitinaaji e kareeli?
Aset hannde 04 lewru 03ɓuru, hitaande 2023 kalaaten ko holɗum wonata ballal dillooɓe e fannu pinal e alhaali ñawndugol kareeli walla rafi ndeenaagu? Saabii ngadduɗen ndee yeewtere ko ngol koolol Fespako puɗɗingol gila 25 lewru 2ɓuru gasangol aset hannde e dow ndee toɓɓere: Sinema Afrik aada e pinal e dow jam. Ko Warda Jamilah BARI e Yero Abdulaay SOH, ɓurɗo lollirde Yero Gaynaako, ko rapereejo e katanteejo moritaninaajo ñiiɓuɗo Holand woni hoɓɓe yewtere ndee.
25 min
February 26, 2023 Ko Haamidu SO, senegaalnaajo manajeer goomu naalankooɓe wi'eteengu "Ngenndi men" woni jaɓɓaaɗo e njuɓɓudi yontere
Njuɓɓudi yontere Ko Mbiiɗon? alat hannde 26 lewru 02ɓuru hitaande 2023, no jaɓɓii Haamidu SO senegaalnaajo. Ko kanko woni manajeer goomu naalankooɓe wi'eteengu "Ngenndi men". "Ngenndi men" ko goomu naalankooɓe fulɓe hollitooɓe walla anndinntinooɓe fina-tawa e nder gimi mun . Ko e sayi koolol "A Sahel Ouvert" hitaande 2018, ngol naalaanke windereyankooɓe fottata, Felix Sabal Lecco yihi ɓe, felliti walludee ɓe. Ko ɗum woni sabu ɓee ciiɓa e "Africa 2020 " ngam hollude mbawka maɓɓe.
25 min
February 25, 2023 Alhaali sukaaɓe janngooɓe huutortooɓe karaale/anɗe kese walla Internet lomnto hakkile mun, ko ɗum waawi battinnde e gannde maɓɓe?
Aset (asewe) hannde 25 lewru 21ɓuru, hitaande 2023 e nder yeewtere men Ko Mbiiɗon? kallaaten ko e karaale/anɗe kese ɗee. Hannde e ballal majje geɗe keewɗe no mbaawi hutoreede heen. E ballal internet no woodi janngooɓe hen, keɓɓa gannde. Toɓɓere nde ngadduɗen hannde ndee non faati e hakkillantaagal baɗaangal e nder masinaaji no wi'e e ɗemngal faransiire "Intelligence Artificielle" Ɗum non ko eɓɓo yuɓɓinaango ngam ñeemtinde hakkille aaden (neɗɗo) pawiiɗo e callalal (Algorithme) gede karalle kese jowitiiɗe e enformatik. No heewi hannde sukaaɓe hutortooɓe ɗum e nder jannde maɓɓe. Kono mbelle ɗum ko feere moƴƴere? ko honɗum ɗum joggori battinde e jannde maɓɓe? Holli caɗeele mum jango? Koɗɗo men e kaa taskaran ko Abdullay LI, jogiiɗo ganndal e fannu karalle kese.
25 min