Ko mbiiɗon?

Alat, hannde, 04 lewru 6ɓuru, mbismotoɗen e njuɓɓudi yontere Ko Mbiiɗon? ko Mammadu Haadi BARI, ko o gollanoowo hoore makko, jeyaaɗo Gine. Suudu makko gollirdu wi'etee ko GSPT-NEVEDAYE. Golle makko paati ko aawde ki lekki wi'eteeki Nebedaay walla woɓɓe noddiraki "Moringa". Omo wayla kadi biɓɓe lekki kii. O ɓeydan en laɓɓinande ko woni golle makko e nder yeewtere men ndee.

Hannde, 03 lewru 6ɓuru, toɓɓere men no yowitii e caɗeele keɓeteeɗe e suɓagol laawol walla fannu jannde e golle wonande janngooɓe ɓee? Ko holno neɗɗo yiitirta mbawka mum e ko o yiɗi ngam o waawa suɓaade golle hawrondirɗe e faale makko?

Mbismotoɗen hannde ko Mammadu JOOP, senegalnaajo, koolaaɗo kuuɓal duɗal mawngal wi'eteengal « Sup'Deco », wonungal Dakar. Omo walla janngooɓe suɓagol laawi jannde e mecce. E nder yeewtere ndee en keɗoto jiyanɗe janngooɓe ɗiɗo :  Kadijatu BA e Fatimata BALL.

Hannde e o alat 28 lewru 5ɓuru, mbismotooɗen e njuɓɓudi yontere Ko Mbiiɗon? ko sukka debbo yimoowo bi'eteeɗo Alimatu BALDE, lollirɗo "Princesse Sadiya".  Oo jeyaa ko Kolda, worgo Senegaal. Omo huutoroo daande makko e ɗii gaaci ɗi o waɗaata, ngam hollitde mette ɓernde makko e caɗeele ɗe o teskii pawaaɗi e dow rewɓe e nder renndo makko.

Aset, hannde, 27 lewru 5ɓiru, en ngaddi e dinngiral ngal fannu goɗɗo ƴettirɗo kongol sukaaɓe bi'eteengol e ɗemngal fansiire "Graffiti", woni  natugol e dow maadi.  Oo fanu, no jeyaa, jooni e geɗe ñeeñal teskaaɗe. Gila ko ɓooyi ngal ñeeñal nanngiranooka no haaniri non.  Ko ngal jaggiraano ko golle puuyɗe. Kono, huutortooɓe ngal ɓee kaɓii haa ngal heɓtinaama e nder aduna oo fof. "Graffiti", ko natugol e dow maadiiji, comci, ɗereeji e leydi ekn. Ɓee sukaaɓe mbaɗanta ɗum ko ngam hollude mette maɓɓe e ko moƴƴaa koo e nder renndooji maɓɓe. Eɓe holla kadi  mette maɓɓe ko faati e dawro.Ko holɗe e ɓataake ɓuraa holleede e nder ngal ñeeñal bi'eteengal Graffiti? Holno jamaa oo jaɓɓorii walla yiiri ko ɓe hollata koo?E nder ndee yeewtere, mbismotoɗen ko Aamaadu Lamiin NGOOM, lollirɗo Dokta. Ko kanko sinci koolol paatungol e "Graffiti" baɗowol Senegaal, to suudu Pinal Duuta Sek.

Hannde e alat 21 lewru 5ɓiru, en mbismoto e nder njuɓɓudi yontere ko Mbiiɗon? sukka ginenaajo bi'eteeɗo Abdulaay BAH, omo golla e nder fedde nde wonaa lamuyankoore daraniinde taariindi wi'eteende "ACOREC". O jaabo namnde men ko faati e golle fedde ndee.  E Lolliinal Ko Mbiiɗon?, en njaɓɓoto sukka yimoowo ginenaajo ngandiraaɗo Baristo.

Hannde, e aset 20 lewru 5ɓiru, toɓɓere yeewtere men faati ko e gimɗi bi'eteeɗi "Slam". Fanu Slam wonii fanu ƴettirɗo kongol sukaaɓe. Holko waɗi sukaaɓe no cuɓii oo fanu e dow fanuuji walliforɗi goɗɗi ngam hollude miijo maɓɓe.E nder ndee yeewtere en njaɓɓoto Elhaj Umaar BALDE, badoowwo "Slam", jeyaaɗo Gine. Ko tergal e nder dental "Dimedi Slam". Dental ngal o sinciidi e Mammadu JENG. Anndinen, wonnde ko kamɓe heɓi poolgu e foolotiro Slam Afrik waɗnoongo e lewru 2ɓuru hitaande 2022, ɓe ngari kadi ɗiɗaɓo e foolotiro adunyankowo slam waɗnoongo e lewru 9 ɓuru nden hitaande, Briksel.    En njaɓɓoto, kadi, Muusa MBAAY, badoowo slam ko o anndiraaɗo Fada Muusa, jeyaaɗo Senegaal. Oo sincii koolol "Slam" e nder wuro makko Lugge. Ngol koolol no wi'ee "Fada Slam Wallu Almuudu".   E nder nde yeewtere ma en keɗto hen Adama SI, senegalnaajo, ɓurɗo lollirde e "Double Cerveau" badoowo Slam keɓtinaaɗo hannde e nder winndere ndee. Kanko sosi koolol "Slam et Legende".  En keɗoto kadi,  Hammet Aamadu LI, o artan en e taarika gimɗi slam.

Hannde e alat,14 lewru 5ɓiru, eɗen jaɓɓii e nder estiyo rfi fulfulde, yimoowo, pijoowo gitaar, jeyaaɗo Senegaal. Innde makko Kaliidu TALL.

No heewaa wi'eede wonnde ñeeñal ko geɗal toowngal ngam jeertinde e haɓugol tooñe. Ko ɗum saabii, e nder yeewtere men hannde, aset 13 lewru 5ɓiru, njeewtuten ko  fii hitteende ñeeñal ko faati e ɓii-leydiiɓe ɓee. En hollan nafoore ñeeñal e battane maggal e  ɓamtaare ngenndi, kadi holno haralleeɓe ñeeñal mbaawata haɓugol caɗeele walla saɗɗaaji renndooji men.Anndinten wonnde ñeeñal no renndini  geɗe ɗe neɗɗo tafi walla ɓulnii tawa faandaare ndee ko weltinde e jeertinde yimɓe. E dum no waawi wonnde goobu,  widewooji, nate, binndi, gaaci, ngami, mago, ekn. En jaɓɓoto Yuusuf JALLO renndoyankeejo jeyaaɗo Burkina Faso, hooreejo fedde "Tiyaater Pinal". Jaɓɓoɗen kadi Hajja Jeynabu Kumanco JALLO, gimɗiyanke, taaliyanke, renndoyanke kadi ko maaginowo. Ko kanko woni hooreejo Suudu Martabaaji Fuuta Jaloo.

Heɗtiyankooɓe rfi fulfulde haa tenti e yeewtere Ko Mbiiɗon? on calminaama!Njuɓɓinten yeewtere men ndee no nawri en hannde ka Insiti Faransi wonɗo Dakaar, laamorgo Senegaal. Yuɓɓinaama ton e ndee yontere koolol gadanol calcale afriknaaje, no wi'e e ɗemngal faransiire "Festival Dakar series". Koɗo mo jaɓɓiɗen ka yewtere ko Maymuuna NJAY lollirɗo Muna NJAY, jeyaaɗo Burkina Faso. Ko acteerjo walla fijoowo filmuuji. En yewtidan e makko ko faatii e golle makko e no o ñaawiri walla yiiri ngol koolol calcale Afriknaaje.

Tedduɓe heɗiiɓe, on caalminaama, on yettaama e jokkude e heɗaade Rfi Fulfulde. Hannde e aset 06 lewru 5ɓuru e kaa taskaram men Ko Mbiiɗon? en yewtan ko faati e  mejaa renndo TikTok: Ko holɗum woni battane ndee mejaare renndo e dow pinal e ngurndam sukaaɓe? Ko holno ngol ɓoggol,TikTok, wayliri darnde sukaaɓe afriknaaɓe e finaa- tawaaji maɓɓe? Hoɓɓe men ɓen e kaa taskaram ko Kajja JA, senegaalnaajo jooɗiiɗo Faransi, kuutortooɗo mejaare renndo "TikTok". Maa en keɗto kadi e nder yeewtere nde seeditanɗe woɓɓe e huutortooɓe TikTok, nguddiren yewtere nden lollinal ko Mbiiɗon.