Ko mbiiɗon?

Heɗiyannkooɓe Rfi Fulfulde on salminaama. Ka taskaram men Ko Mbiiɗon? Hannde hiɗen jaɓɓi ka ñiiɓirde Rfi Fulfunde Mammadu Juma BAH janngoowo ka duɗal mawngal wi’eteengal ENSUP Afrik. E kadi ko kanko woni hooreejo ndee fedde politik MPR. Ko ɗum woni Dillere Ngenndiire e Wuurnitugol. Fafin fii mum en yewtiday e Mammadu Alfa SOW cukko oo
hooreejo e Alaji Abdulaay BAH koolaaɗo kuuɓal ndee fedde politik. En yewtiday e maɓɓe ko faati e eɓɓoore fokkinngol waɗanteende sukaaɓe ɓen ɓeyduru ganndal e ko yowitii no Cv winndirtee. Ummu BAH

Heɗiyannkooɓe Rfi Fulfulde on salminaama. Ka taskaram men Ko Mbiiɗon? Hannde hiɗen jaɓɓii ka ñiiɓirde Rfi Fulfunde Hulaymatu DIA, senegalnaajo lollirɗo Jamiila. Kono en anndinay wonnde Jamiila oo ko tawaaɗo e yimɓe raɓɓiɗa-darndeeɓe. O waawii waɗude golle ɗuuɗuɗe hay si tawii ko oo neɗɗo jukkuɗo. Ummu BAH

Heɗiyannkooɓe Rfi Fulfulde on salminaama. Ka taskaram mon Ko Mbiiɗon en yewtay hannde fii anndugol ko honno ɗee yettooje heɓori. Fii ɓeydagol e ndee toɓɓere hiɗen jaɓɓii Abduramaan  Ngayde  jannginoowo wiɗotooɗo taariyannkeejo mo Senegaal. Ka radiyoo jokkondiraaɗo men hiɗen jaɓii Cerno Aliiwu SOW hooreejo njuvvudi radiyo Kaniya Zik Fm wonuɗo ka diiwal Kindiya jeyaangal Gine. Ka Fulfulde faminiinde en yewtiday e Dokter Abdu BA jannginoowo e wiɗotooɗo mo Senegaal. En yewtiday e makko fii ngol konngol wi’eteengol "ministre". Ka kabaaruuji men pinal en yewtay hannde fii yalltugol filmu yewtayɗo fii letto fayɓe. Ko Boobo Heeri ginenaajo laatinoowo filmuuji yewtideten fii makko. Ummu BAH

Heɗiyannkooɓe Rfi Fulfulde on salminaama. Ka taskaram men Ko Mbiiɗon? En yewtay hannde fii bone oo doroogu nodirteeɗo "Kush". Sabu taskaama wonde  ñaaamugol oo doroogu hino ɓeydaade e leyɗe hirnaange Afrik, tentinii wano Sarlon, Gine, e Gine Bissawo. Doroogu wonɗo e saabaade maayde sukaaɓe ɗuuɗuɓe. Ko ɗum anndini e nder ciimtolfedde "Initiative globale". Simmagol oo Kush layii e leyɗe goɗɗe wano Senegaal e Gaana.

Fii yewtotugol  e dow ndee toɓɓere, hiɗen jaɓɓii Muhammadu KAAN wiɗtotooɗo jeyaaaɗo e salndu toppitiindu haɓɓugol doroogu Kush e nder Afrik "GI-TOC". En jonnay kadi konngol yoga e heɗiyannkooɓe men. Ka Fulfulde faaminiinde hiɗen jaɓɓii Tabaara BA mo Moritani. Ummu BAH

Tedduuɓe heɗiiɓe rfi fulfulde, calminaama. Bisimilla mon e yewtere ko mbi’iɗon? Hannde toɓɓere no yewta ko faati e wartagol teskangol faade e sukaaɓe rewɓe e worɓe e nder wiindere ndee, tenŋti to bannge Afrik. Hollitaama ko ɓuuri heewde e ɓee sukaaɓe ko yaarooɓe e duuɓi 18 faade dow…Holko saabi ɗum? Koɗo men e ndee yewtere ko Raabi Jallo, rendoyankeejo, senegalnaajo.

Tedduuɓe heɗiiɓe rfi fulfulde, on calminama. Bisimilla mon e yewtere mon ko mbiiɗon. Hannde heɗen njaɓɓi Hassanatou Bah, gardiiɗo suudu janngirdu noddirteendu H-communication to Gine. Fandaare nduu suudu, ko wallude sukaaɓe rewɓe no ƴettira konngol e yeeso dental. E nder yewtere ndee, en keɗoto Aissatou Diallo e Salima Barry, rewɓe e nduu suudu janngirdu. Binta Laly Sow, ma dysu en e yewtere ndee. Bisimilla mon e heɗaade.

Heɗiyannkooɓe Rfi Fulfulde on salminaama. Ka taskaram men Ko Mbiiɗon? En yewtay hannde fii ɓee sukaaɓe jokkuɓe kirgingol waɗi ɗum meccal maɓɓe. Hiɗen jaɓɓii Aysatu JALLO  lollirɗo "Leymiiro", Mammadu Baylo BAH noddirteeɗo "Baaben" e Abdul Kariim BARI jammaaɗo "Beau Plus" ko yewta e dow ndee toɓɓere. Ɓee fow ko sukaaɓe jeyaaɓe Gine. Ummu BAH.

Ko ɓuri kiirle 15 e ko ɓuri naalankooɓe 30 iwɓe e winndere nde njirwinii ngal kawrital hitaandeyankeewal. Dille goɗɗe kadi mbaddaama e ngol koolol Jazz. Ngol uddirii ko e hiirde mawnde nde yimooɓe jazz heptinaaɓe e winndere ndee.

Tedduuɓe heɗiiɓe Rfi fulfulde on calminama. Bisimilla mon e Taskaram ko mbiiɗon. E ndee yewtere, hiɗen kala ko faati e wargol ngol sukaaɓe rewɓe walla worɓe mbaɗa. Hollitama jooni ko sukaaɓe ɓe ɓuuri wawde heɓde mijooji yidde wiide no warto, tawi ko ɓuuri hewde e maɓɓe njogi ko duuɓi 18 faade 24,  Holko sabi o alhaali, mbele ko sahaaji guraaɗi ɗii, ko fitinaji ɗii, ko caɗeele walla ko ŋakkere jewte faade e maɓɓe. Joni joni ma en njajno hen. Koɗo men e ndee yewtere ko Rabi Diallo, sociologue senegalnaajo.
 

Tedduuɓe heɗiiɓe rfi fulfulde on calminama. Bisimilla mon e takasram ko mbiiɗon. Hannde e nder suudu haalirde Rfi fulfulde, heɗen njaɓɓi horeejo fedde MEEF janngooɓe Fulɓe wonɓe to duɗal jaaɓi hattirde ngal Cheikh Anta Diop. O wiiye ko Saidou Sow, homo wondi e Djibi Ba, kolaaɗo kuuɓal fedde MEEF e Aissatou Djinda Diallo, gardiiɗo ngoomu tammbiiɗo geɗe rewɓe e nder fedde MEEF. Tedduuɓe e nder yewtere ndee, en kalan e fedde MEEF gila e fandaare maɓɓe e golle maɓɓe. Ñalɗi juɓɓinanooɗi e nder duuɗal ngal e ballondiral hen e Elhadj Baba Maal.