Ko mbiiɗon?

Heɗiyannkooɓe Rfi Fulfulde on salminaama. Ka Ka taskaram men Ko Mbiiɗon ? hannde en yewtay battane ndee mayde Moussa Keita. Oo lorirɗo Muusa Koffoé ko naalankeejo ginenaajo anndaa fota e nder winndere nden. Ko ndee teninre ñannde 12 lewru 5ɓuru hitaande 2025 woni ko o feƴƴini. Ɗun ko e oo labutaani mawɗo wonuɗo ka diiwal Kindia nokku mo jeyaa e mun. Muusa Koffoe feƴƴinii ka o heɓiɗoo duuɓi 75 e battane nawnaare. Oo gorko daraniiɗo pinal, waɗii filmuuji ɗuuɗuɗi. E ɗin no tawaa Sala Muuso e Bakongo. Himo tawaa e limteteeɓe ɓuruɓe waɗude filmuuji Guinee. E kadi o waɗii njiilluji hewɗi e nder leyɗe Afrik, Europe, e Amerik. Fii ndee toɓɓere hiɗen jaɓɓi Mohamed Lamine JALLO lorirɗo
Mammdu Thug. Ko gooto e golloɓe ka CNT Gine. E himo tawaa e halfinaaɓe fii finaa tawaaji leydi ndin. En jonnay kadi konngol woɓɓe waawooɓe seeditaade e no ɓe wonndirnoo e Muusa Koffoe. Ummu BAH.

Ka taskaram men Ko Mbiiɗon ? hannde en yewtay fii 11 lewru 5ɓuru hitaande 2025. Ñalannde ndee sukaaɓe jikkinori e mawningol fii oo yimoowo mo Jamayka, Bob Marley. Ngam yeewtude e ndee toɓɓere, hiɗen jaɓɓii ka ñiiɓirde Rfi Fulfulde Njobo KANDE lorirɗo Majata. Oo ko yimoowo gimi rege mo Senegaal. En yewtiday e makko fii ndee ñalaande e no regemaan jokkitori ko ɓe daranii ka haɓugol alhaliiji heewɗi e nder leyɗe Afrik. En jonnay kadi konngol woɓɓe e heɗiyankooɓe men. Ummu BAH

Heɗiyankooɓe Rfi Fulfulde on salminaama. Ka taskaram men Ko Mbiiɗon? Hannde hiɗen jaɓɓii ka ñiɓirde Rfi Fulfulde Ibrahima NDONGO lollirɗo BRMX. Oo ko yimoowo gimi rap jeyaaɗo ka diiwal Nouadhibou e nder Mauritanie. En yewtiday e BRMX ko faati e ɗee golle makko, njiiluuji ɗi o waɗi e nduu fijundaaru ndu o saatini Dakar ñannde 10 lewru jowaɓuru hitaande 2025.Ummu BAH

Heɗiyannkooɓe Rfi Fulfulde on salminaama. Ka taskaram men Ko Mbiiɗon? Hannde hiɗen jaɓɓii ka ñiiɓirde Rfi Fulfunde Hulaymatu DIA, senegalnaajo lollirɗo Jamiila. Kono en anndinay wonnde Jamiila oo ko tawaaɗo e yimɓe raɓɓiɗa-darndeeɓe. O waawii waɗude golle ɗuuɗuɗe hay si tawii ko oo neɗɗo jukkuɗo. Ummu BAH

Heɗiyannkooɓe Rfi Fulfulde on salminaama. Ka taskaram men Ko Mbiiɗon? Hannde hiɗen jaɓɓi ka ñiiɓirde Rfi Fulfunde Haaruuna Giise lolirɗo Rawun De suka. Oo ko yimoowo gimi rap mo senegaal. Ummu BAH

Heɗiyannkooɓe Rfi Fulfulde on salminaama. Ka taskaram men Ko Mbiiɗon? Hannde hiɗen jaɓɓi ka ñiiɓirde Rfi Fulfunde Mammadu Juma BAH janngoowo ka duɗal mawngal wi’eteengal ENSUP Afrik. E kadi ko kanko woni hooreejo ndee fedde politik MPR. Ko ɗum woni Dillere Ngenndiire e Wuurnitugol. Fafin fii mum en yewtiday e Mammadu Alfa SOW cukko oo
hooreejo e Alaji Abdulaay BAH koolaaɗo kuuɓal ndee fedde politik. En yewtiday e maɓɓe ko faati e eɓɓoore fokkinngol waɗanteende sukaaɓe ɓen ɓeyduru ganndal e ko yowitii no Cv winndirtee. Ummu BAH

Heɗiyannkooɓe Rfi Fulfulde on salminaama. Ka taskaram men Ko Mbiiɗon? En yewtay hannde fii bone oo doroogu nodirteeɗo "Kush". Sabu taskaama wonde  ñaaamugol oo doroogu hino ɓeydaade e leyɗe hirnaange Afrik, tentinii wano Sarlon, Gine, e Gine Bissawo. Doroogu wonɗo e saabaade maayde sukaaɓe ɗuuɗuɓe. Ko ɗum anndini e nder ciimtol
fedde "Initiative globale". Simmagol oo Kush layii e leyɗe goɗɗe wano Senegaal e Gaana. Fii yewtotugol  e dow ndee toɓɓere, hiɗen jaɓɓii Muhammadu KAAN wiɗtotooɗo jeyaaaɗo e salndu toppitiindu haɓɓugol doroogu Kush e nder Afrik "GI-TOC". En jonnay kadi konngol yoga e heɗiyannkooɓe men. Ka Fulfulde faaminiinde hiɗen jaɓɓii Tabaara BA mo Moritani. Ummu BAH

 Hannde ka taskaram men Ko Mbiiɗon? En yewtay fii ɗanle ɗe ɗoftaaki sariya, fii golle sukaaɓe e alhaliiji goɗɗi. Hiɗen jaɓɓii Alhajji Muusa JALLO depiteejo ka suudu sarɗiyannkooru Briksel. Ko kanko woni arano wonugol senaterjo mo iwdi Gine e nder Beljik. Alhajji Muusa JALLO ko jibinannde wuro wi’eteengo Njuuriya e nder diiwal Gaawal jeyaangal Gine. Ummu BAH

Heɗiyannkooɓe Rfi Fulfulde on salminaama. Bisminla mon ka taskaram men "Ko Mbiiɗon ?"  En yewtay hannde fii nguurndam ɓee sukaaɓe rewuɓe e laawi ɗi ɗoftaaki  sariya naatoyi leyɗe Erop.Yewte fii alhaali nguurdam maɓɓe e oo saa'i jaangol (peewol). Enen etoto humpitaade nguurdam sattuɗam ɗam ɓe wuuri tentinii ɓen ɓe alaa kaydi, alaa suudu. Fii yewtugol e ndee toɓɓere hiɗen jaɓɓii Haasmiiyu Sayku JALLO hooreejo fedde wallitotoonde ɗanniyannkooɓe e nder Faransi. En yewtiday kadi e Mariya Keso JABI ginenaajo rewruɗo e ɗee maaje naatoyi Erop. Ka radiyo gollidiiɗo men hiɗen jaɓɓii Seeku JALLO hooreejo radiyo wi’eteeɗo manndin Fm wonuɗo ka diiwal Sigiri nokku wonntirɗo hedde ka rewo fuɗnaage naage Gine. Ka Fulfulde faaminiinde e yewtiday e Tabaara BA jeyaaɗo Moritani. Ummu BAH.

Heɗiyannkooɓe Rfi Fulfulde on salminaama. Ka taskaram men Ko Mbiiɗon? En yewtay hannde fii ɓee sukaaɓe jokkuɓe kirgingol waɗi ɗum meccal maɓɓe. Hiɗen jaɓɓii Aysatu JALLO  lollirɗo "Leymiiro", Mammadu Baylo BAH noddirteeɗo "Baaben" e Abdul Kariim BARI jammaaɗo "Beau Plus" ko yewta e dow ndee toɓɓere. Ɓee fow ko sukaaɓe jeyaaɓe Gine. Ummu BAH.