Ko mbiiɗon?

Hannde ka taskaram men Ko Mbiiɗon? Yewtere nden no yowitii e welo welooji ɗi sukaaɓe waɗata fii gasinngol hitaande nden. Fii yewtugol fii ɗum hiɗen  jaɓɓii Yoɓa JAAWO lorrirɗo Jali Joɓaa yimoowo mo Welinngara ko jeyaaɗo e nder diiwal Kasansi worgo Senegaal. Mohammed Bari jayndeyannkeejo wonuɗo ka diiwal Nzerekore worgo fuɗnaage Gine no jeyaa e hoɓɓe men. Ka radiyo gollidiiɗo men en yewtiday e Mammadu Adama JALLO hooreejo radiyo wi’eteeɗo Liberte Fm wonuɗo ka diiwal Njerekore e nder Gine. Ka Fulfulde Faaminiinde en yewtiday e Dr Abdu BA hertorɗo ɗemngal Fulfulde mo Senegaal. Ummu BAH

Heɗiyannkooɓe Rfi Fulfulde on salminaama. Hannde ka taskaram men Ko Mbiiɗon ? hiɗen jaɓɓii Seydi SOW winndiyannkeejo humpitiiɗo kala ko fati e hakkeeji winndooɓe maa naalaannkooɓe Senegaal. Ummu BAH

Hannde koɗo Taskaram Ko Mbiiɗon?, ko debbo ginenaajo jogiiɗo darnde mawnde e baŋŋe pinal, softuɗo e dow mejaaje renndo. Innde makko ko Faatumata BAH lollirɗo « Faatumata BAH Poetesse ». Ko o gimɗoowo, jaaroowo e ɗemngal fulfulde. Daraniiɗo Pinal e ɗemngal, kono kadi ko o dilloowo e baŋŋe ñoongo comci e jaalo. Himo senndita laatinanɗe makko e widiyooji gimɗi makko e dow mejaaje renndo. To baŋŋe ñoongo, woodaaka jannginɗo mo. Ko nii o waawiri, kono hannde himo elta rewɓe ko ɓuri sappo fii yo ɓe waawu ngal meccal, ɓe waawa wuurnude hoore maɓɓe. Ko Labe saare jeyaande e Fuuta Jaloo, Gine o jooɗii. Faandaare makko ko yo sukaaɓe ɓen waawu ñiiɓude ka maɓɓe, ɓe jannga ɗon ɓe eltoo ɗon e mecce, ɓe laatoo ɗon neɗɗo gaynuɗo haaju.

Hannde Faatumata BAH ko piyirɗo misal rewɓe jeyaaɓe e yirde makko, ñemtinteeɗo. Himo jogii suudu ñawtirdu e suudu yeeyirdu ko o golli kon. Ko honɗum woni golle makko, faandaare makko e eɓɓooje ɗe o jogii ? o yewtan en ɗum fow ka Taskaram Ko Mbiiɗon ?. Ko kanko woni koɗo Ummu BAH asewe ñannde 14 lewru 12ɓuru 2024 e yamnde 8 :35 (GMT).

Heɗiyannkooɓe Rfi Fulfulde on salminaama. Hannde ka taskaram men Ko Mbiiɗon? en yewtay fii ngol koolol 18ɓol yowitiingol fii pine leyɗeele Afrik waɗungol Gabon e ɗee balɗe yawtuɗe nodirteengol SIKA. Fii yewtugol e dow ndee toɓɓere hiɗen jaɓɓii Safaray yimoowo mo Senegaal. Hikka ko kanko heɓi mbuuñaari yeɗeteendi gimi jillindirɗi finaa-tawaaji e gimi fewndaare. Ummu BAH

Koolol “Métissons”, mooɓondiral pinal mawninoongal gimi, fuɗɗiima hanki e cofte jokkan hannde
 e nder diiwan Senluwi, rewo Senegaal.
Daawol 14ɓiwol, koolol “Métissons”, yimooɓe lolluɓe jeyaa Senegaal no jeyaa e ɓen "Freres
Guissé" e "Chadia" yimooɓe woɓɓe lolluɓe ummiiɓe nokkuuji goɗɗi, wano Nuura Mint Seymali ummoriiɗo Moritani walla Sammba Lobi Tarawore ummoriiɗo Mali.
Hakkunde konceraaji, karnawal ina wi’ee « Takassanu Ndar » e ɗemngal fulfulde « Kikiiɗe Ndar » (Ndar ko innde wonnde nde Senluwi anndiraa) e geɗe goɗɗe, Koolol « Métissons » ngol haɗaani e gimɗi tan, ngeeyngu  e ɓamtaare pinal.
E nder ndee yeewtere men « Ko Mbiiɗon ? », e o aset 30 lewru 11 ɓuru, en njaɓɓoto Chadia
wonndude e ngoomu yimooɓe wi’eteeɓe "les Frères Guissé".

 Hannde ka taskaram men Ko Mbiiɗon? En yewtay fii ɗanle ɗe ɗoftaaki sariya, fii golle sukaaɓe e alhaliiji goɗɗi. Hiɗen jaɓɓii Alhajji Muusa JALLO depiteejo ka suudu sarɗiyannkooru Briksel. Ko kanko woni arano wonugol senaterjo mo iwdi Gine e nder Beljik. Alhajji Muusa JALLO ko jibinannde wuro wi’eteengo Njuuriya e nder diiwal Gaawal jeyaangal Gine. Ummu BAH

 Hannde ka taskaram men "Ko Mbiiɗon?" En yewtay fii ngol koolol ngol Tabital Pulaaku  Burkina Faso  e ɗee balɗe yawtuɗe Burkina Faso. Koɗo mo jaɓɓiɗen ko yewta fii no ngol koolol ko Bureyma BARI burkinaajo hooreejo ndee eɓɓoore laatingol ngol koolol pulaaku. Ka Fulfulde faamiinde hiɗen werni Dokteer Abdu BA jeyaaɗo Senegaal. Ummu BAH

Heɗiyannkooɓe Rfi Fulfulde on salminaama. Hannde ka taskaram men Ko Mbiiɗon ? hiɗen jaɓɓii ka ñiiɓirde rfi fulfulde Faatumata Binta JALLO lorirɗo "Binette" yimoowo mo Gine. En yewtiday e makko fii ɗee golle makko, e njiluuji ɗi o wɗata e nder ɗee leyɗe janane. Ummu BAH.

 Hannde ka taskaram men Ko Mbiiɗon? Hiɗen jaɓɓii Maalik Fadal yimoowo ginenaajo. Enen e makko en yewtan fii ngol yalltinngol mo ngal koral  (Albom) makko kesal . Ɗum ko ñannde 2 lewru 11ɓuru  Belweder Konaakiri laamorde leydi Gine. Ummu BAH

Heɗiyannkooɓe Rfi Fulfulde on salminaama. Hannde ka taskaram men Ko Mbiiɗon? En yewtay fii ngol koolol haɓirngol doroogu, habbaagol Wagadugu laamorde Burkina Faso ñannde18 e 19 nduu lewru. Koɗo mo jaɓɓiɗen on ko yewta fii maggol ko Umaan JALLO yimoowo jeyaaɗo e ndee fedde daartiinde haɓugol doroogu wi’eteende “Oskimo Tour”. Ka radiyo gollidiiɗo men hiɗen jaɓɓii Baba LIH Ann hooreejo radiyo wi’teeɗo Nannka Fm wonuɗo Galoya nokku jeyaaɗo e nder diiwal Podor. Ka Fulfulde faaminiinde en wernay Taabara BA ɗemɗiyannkeejo mo Moritani. Ka kabaruuji men lolluɗi finaata-tawaaji en yewtay fii yaltingol kilip ngol gallol wi’teengol Neeba. Ɗun ko ñannde 25 nduu lewru ɗoo. Ko Aysha Ɓatal Pulaaku yimoowo mo Burkina Faso waɗani en ngol gallol makko. Ummu BAH