Ko mbiiɗon?

Hannde ka taskaram men Ko Mbiiɗon?, en yewtay fii ngol koolol maaginaaku e kirɗingol adunayannkowol waɗugol Dakar. Hoɓɓe ɓe jaɓɓiɗen ɓen fii maggol ko Lummbe JENG, Maama Aysata Silla, Mammadu Banngura e Fatimetu Gako ɓee fow ko kirɗinooɓe. Ka kabaruuji lolluɗi ko yowitii e Pinal en yewtay fii yuɓingol ñalaande pinal  e nder Suriire Korse fii mawningol pinal Fulɓe e korsenaaɓe e nder  Faransi. Ko Jenaba Tall sosuɗo ngal ñallal jaɓɓiɗen. Ummu BAH.

 Hannde ka taskaram men "Ko Mbiiɗon?", en yewtay fii ndee ñalaande adunayannkoore hertinanannde gaaci (gimi) . Ko ñannde 1 lewru 10ɓuru hitaande kala. Koɗɗo mo jaɓɓiɗen on ko yewta fii ndee toɓɓere ko Lobbo DIKO yimoowo mo Burkina FASO. Ummu BAH.

Heɗiyannkooɓe Rfi Fulfulde on salminaama. Hannde ka taskaram men "Ko Mbiiɗon?" hiɗen jaɓɓii Mboma BARI yimoowo mo Gine En yawtiday e makko fii gimi e eɓɓooje makko e njiilu ngu o jokki e nduu adunaaru. Ummu BAH

Heɗiyannkooɓe Rfi Fulfulde on salminaama. Hannde ka taskaram men "Ko Mbiiɗon ?" hiɗen jaɓɓii Muusa TAMMBADU gimɗiyannkeejo e winndiyannkeejo mo Senegaal. En yawtiday e makko fii gimɗi e defte ɗe o winndi. Ka Fulfulde Faaminiinde hiɗen jaɓii Dokter Abdu BAH jannginoo e wiɗotooɗo e hertiyannkeejo ɗemngal Fulfulde mo Senegaal. En yewtiday e makko fii ngol konngol witeteengol e ɗemngal faransiire diisoliitsiyon. Ummu BAH

Hannde ka taskaram men "Ko Mbiiɗon ?" Hiɗen jaɓɓii Dabi  Tuure naalannkoojo moritaninaajo ñiimuɗo Kanada. En yewetiday e makko fii ɗii gimi ɗi o jokki e nder ndii leydi jananiri e ko o daranii fii tedinngol pine leyɗe Afrik e nder ɗii kooli adunayannkooji. Ka kabaruuji loluɗi finaa tawaaji men hiɗen jaɓii Ibrahiima BARI gooto e ƴettanoowo konngol ɓee fokinntinnɓe nduu fijundaaru Sayfon BALDE. Ɗum ko ñannde 28 lewru 9buru ka tannde "Grand Theatres" wonuɗo Dakaar. Ummu BAH

Heɗiyannkooɓe Rfi Fulfulde on salminaama. Hannde ka taskaram men Ko Mbiiɗon ? En yewtay fii fijundaaruuji waɗeteeɗi e saa’i guurte. Fii mun hiɗen jaɓɓii Usmaan JENGE hooreejo suudu  ɗo sukaaɓe fijata ka diiwal Telimele jeyaangal Gine. Ka radiyo jokkondiraaɗo men hannde hiɗen jaɓɓii Samba Gelaajo BA hooreejo radiyo wi’teeɗo Ferlo Fm daakiiɗo ka diiwal Dahra nokku wonntirɗo hedde ka rewo Senegaal. Ka Fulfulde Faaminiinde hiɗen jaɓɓii Tabaara BA ɗemɗiyannkeejo mo

Hannde ko ɗoo wonuɗen waynondirde ka taskaram men ko mbiɗon. Hiɗon waawi tawtugol men e ndee yewtere ka kowal kowal 221-77-267-31-31 hiɗon waawi kadi yiitugol ndee yewtere ka kelle amen Facebook e Twitter Rfi Fulfulde e ka loowre Rfi waaji tati.rfi.fr

Aji JAÑE ɗowtii en ka masinnji

On fow jannrnaama en saa’i kadi.

Heɗiyannkooɓe Rfi Fulfulde on salminaama. Hannde ka taskaram men Ko Mbiiɗon ? hi ɗen
jaɓii ka ñiiɓirde rfi fulfulde Faatumata Binta JALLO lorirɗo Binette yimoowo mo Gine. En
yewtiday e makko fii ɗee golle makko, e njiluuji ngu o wɗata e nder ɗee leyɗe janane. Ummu
BAH

Heɗiyankooɓe Rfi Fulfulde on salminaama. Hannde kaa taskaram men Ko Mbiiɗon ?, no jaɓɓii Kodda SALL, kirɗinoowo daakiiɗo e nder ɗii mejaaji renndo mo Moritani, Ka rajoo jokkondiraaɗo men hannde hiɗen jaɓɓii Faruku MEERE fewnoowo kala ko winndetee ka rajoo wi’eteeɗo NONSINA wonuɗo ka komin Benbereke nokku wonntirɗo rewo Benen. Ka Fulfulde faaminiinde en yewtiday e dokteer Abdu BA jannginoowo witɗotooɗo mo Senegaal. En yewtiday e makko fii ngol konngol wi’eteengol Iniwersite. Ka kabaaruuji men lolluɗi finaa tawaaji men, en yewtiday e Alfa Umaar BALDE lolirɗo bappa kirɗinoowo mo Gine. En yewtiday e makko fii ndii mbuuñaari ndi o heɓi e nder ngol koolol waɗungol Abijan noddirteengol Masa. 

Ummu BAH

Heɗiyannkooɓe Rfi Fulfulde on salminaama. Hannde ka taskaram men Ko Mbiiɗon ?, en yewtay fii ndee ñalaande wurniteteende hitaande kalaa fii anndutugol fii Bob Marley yimoowo mo Jamaike. Koɗɗo men on fii ndee toɓɓere hi ɗen jaɓii Safa JALLO regemanejo mo Gine.

Hannde taskaram men Ko Mbiiɗon ?, no jaɓɓii Jeere Fuuta, guɓal yimooɓe ginenaaɓe fijirooɓe alaaji finaa-tawaaji, tawaaɓe e ɓurɓe lollude e nder duunde Afrik ko faati e gimi ñamakalaaku. Ko jeere daraniinde tammbitagol e wuurtigol gimi finaa-tawaa Fulɓe. No jeyaa e alaaji fijirɗi ɗi ɓe huutorta, ŋeeŋe, laala, tammbin, tunne, bolon e bawɗi (jimbeeji). Oo taskaram ko ka daakorde Rfi Fulfulde Dakar laatinaa. Ummu BAH