Kompas Gemeente

As Jesus lewe, hoekom daar lyding en seer is? So baie mense sukkel met hierdie vraag, want as God lewe en bestaan, hoe kan Hy pyn en seer toelaat? Hierdie wêreld is gebroke, maar God werk nog steeds en bly nog steeds goed, al gebeur hierdie dinge.

Darius van der Schyf het die reeks vir ons voortgesit en gesels oor as Jesus lewe, hoe hoor ons Sy stem? Hierdie is 'n vraag wat baie mense vra, maar ons elkeen kan weet dat God met ons in gesprek wil wees. Daar is elke dag baie stemme en lawaai om ons en ons moet leer om te onderskei wanneer dit God se stem is en dan gehoorsaam volg. 

Net soos vorige jare het ons sopas Paasfees gevier. Dit is soveel meer as net ‘n lekker langnaweek. In Paasfees sien ons dat Jesus die dood oorwin het en opgestaan het,  maar tog leef ons soms asof Jesus nie lewe nie, asof Hy nooit uit die dood opgestaan het nie. Met ons nuwe reeks gaan ons kyk na hoekom ons sukkel om te lewe asof Jesus opgestaan het. Deur die oë van ‘n volgeling wat leef asof Jesus opgestaan het, gaan ons na vrae en uitdagings van die lewe kyk. Marius Malan het die reeks vir ons afgeskop en gesels oor as Jesus lewe, hoekom sukkel ons om te glo? Geloof is nie net kopkennis en 'n paar mooi stories wat ons ken nie. Geloof is dit waarvolgens ons leef en wat ons koers bepaal. Dalk het ons toegelaat om al die dinge van God te hoor en te sien, maar iewers het ons ophou glo in God.

Marius Malan het die reeks vir ons afgesluit en op Goeie Vrydag met ons gesels oor die pad na die kruis en op Opstandingsondag oor die pad na die graf. In hierdie boodskappe is daar soveel hoop vir ons opgesluit omdat God 'n pad vir ons gestap het sodat ons nie verlore mag gaan nie, maar die ewige lewe kan verkry. Hy het die dood oorwin en vir jou en my opgestaan.

Marius Malan het die reeks vir ons afgesluit en op Goeie Vrydag met ons gesels oor die pad na die kruis en op Opstandingsondag oor die pad na die graf. In hierdie boodskappe is daar soveel hoop vir ons opgesluit omdat God 'n pad vir ons gestap het sodat ons nie verlore mag gaan nie, maar die ewige lewe kan verkry. Hy het die dood oorwin en vir jou en my opgestaan.

Met die laaste maaltyd het Jesus met Sy dissipels die betekenis van die tafel en nagmaal kom vestig. As Sy volgelinge vandag, dra dit soveel waarde in ons eie lewens. Deur die tafel en die nagmaal word ons uitgenooi na verhouding

Die Paastyd is gewoonlik 'n wonderlike tyd waar ons kan stilstaan en weer bewus raak van wat Jesus vir my en jou kom doen het. Ons is met Sy bloed aan die kruis losgekoop  om ons die geleentheid te bied om in verhouding  met Hom te leef. In die reeks gaan ons kyk na die pad wat Jesus gestap het in die oploop na Sy kruisdood, asook daarna, en Sy  opstanding. Marius Malan het die reeks vir ons afgeskop en gesels oor die pad na Jerusalem. Alhoewel dit nog nie Palmsondag is nie, het hierdie gedeelte van Jesus se intog in Jerusalem soveel waarde in ons lewe. Elkeen van ons leef met verwagtinge. Net soos die mense van toe  'n verwagting gehad het van watter Leier en Koning Jesus moes wees, het ek en jy ook baie maal verwagtinge oor God. Jesus het egter nie gekom om menslike verwagtinge te bevredig nie,  maar wel om God se doel te verwesenlik.

Darius Prinsloo, van Ritmia Gemeente, het die reeks vir ons afgesluit en gesels oor God se ongetemde liefde. Die storie van Hosea wat met die prostituut trou is so ‘n goeie illustrasie  van hoe God se ongetemde liefde vir ons lyk. Omdat God se liefde vir ons so ongetem en groot is, kan ons dan ook ander liefhê. 

Elkeen van ons het al in ons lewe kragteloos gevoel. Dalk beleef jy dit tans in jou lewe. As mens is ons inherent swak en beskik nie altyd die krag om goed te doen, of onsself te verbeter nie. Die goeie nuus is dat God se ongetemde krag tot ons, as Sy kinders, se beskikking is. Ons moet toelaat dat God se ongetemde krag deur ons lewe brand en ons bron van krag word.

Verandering is so goed soos 'n vakansie, dit kan 'n goeie impak op ons hê, maar ons moet versigtig wees, want daar is goeie/positiewe verandering en negatiewe verandering. Die keuses wat ons maak, ons gesindheid en hart bepaal in watse rigting ons verander. Ons moet seker maak ons bly verander na die positiewe manier, God se manier.