இவர் சக்ரவர்த்தி. ஆற்றலுள்ள பெரிய மனிதர். மிகப்பெரிய வீரர் என்று தான் நினைத்திருந்தேன். எல்லாவற்றையும் கட்டி ஆளக்கூடிய திறமைசாலி என்று கேள்விப்பட்டிருந்தேன் விஷ்ணு வின் அம்சங்கள் உடையவர் என்று பாடல் படித்திருக்கிறேன். புலியைப் பெற்ற பெண்மான் என்று இவர் தாயைச் சிறப்பித்துக் கூறி, இவர் புலி என்று விவரித்ததையும் நான் கேட்டிருக்கிறேன். இதெல்லாம்விட இன்று ஒன்று நான் தெரிந்து கொண்டேன். சக்ரவர்த்தி உடையார் ஸ்ரீ இராஜராஜத்தேவர் ஒரு நல்ல மனிதர். மிகச்சிறந்த கணவர். பஞ்சவன்மாதேவி என்ற பெண்மணிக்கு ஆரூயிர்க்காதலர். அவரின் ஒவ்வொரு அசைவும் பஞ்சவன் மாதேவியின் மீதுள்ள காதலை வெளிப்படுத்தியது.

சக்ரவர்த்தி அவர்களே... மறுபடி சொல்கிறேன். இதற்கு நீங்கள்தான் காரணம். சோழதேசத்தில் எந்த சக்ரவர்த்தியும் இவ் வளவு நெருக்கமாக மக்களிடம் பழகியதே இல்லை. அதே சமயம் எந்த சக்ரவர்த்தியும் இவ்வளவு பெரிய கோயில் ஒரு எழுப்பியதும் இல்லை இந்தக் கோயில் ஒரு அற்புதம் என்றால், இந்தக் கோயில் உங்கள் கனவு என்றால், இந்தக் கோயில் உங்கள் முயற்சி என்றால், பஞ்சவன் மாதேவி நிச்சயம் பிழைத்துக் கொள்வார்கள். சிவன் உங்களுக்கு நிச்சயம் கருணை செய்வார்.

நான் இறைவன் மீது பாரத்தைப் போட்டு இந்த வைத்தியத் தைத் துவங்குகிறேன். இது வெற்றி பெற்றால் சிவன் உங்களுக்கு அருளிய கொடை. தோற்றால் என்னைச் சிரச்சேதம் செய்யுங்கள்.

இறந்த என் மகனுக்கு பழிக்குப்பழி வாங்க உம்மைக் கொல்லப் போகிறேன். தைரியமிருந்தால் காப்பாற்றிக் கொள்ளும். அவன் விஷக்கல்லை எடுத்தான். சக்கரத்தை இடுப்பிலிருந்து மறுகையில் எடுத்தான். விஷக்கல்லில் சக்கரத்தை வேகமாகத் தேய்த்தான். குறிபார்த்தான்.

இவன் மகத்தான பணிகளைச் செய்ய வேண்டும் என்று ஆசைப் பட்டபோதெல்லாம் என்னைத்தேடி எதிரே உட்கார வைத்து, நான் இப்படிச் செய்ய போகிறேன் என்று முதன்முதலில் திருவாய் மலர்ந்து என்னிடம்தானடி பேசினார். அந்த அளவுக்கு நான் உபயோகமாக இருந்திருக்கிறேன். ராஜராஜி இப்பொழுதுகூட நான் சந்தோஷமாகச் செத்துப் போய் விடுவேன். போதும்.

இதெல்லாம் நாட்டியத்தின் காரணங்கள் என்று சொல் வார்கள். அப்படியா என்று இந்தக் கையெட்டும் தூரத்திலுள்ள இந்தச் சிற்பி செய்த சிலைகளைத் தடவித்தடவி பார்ப்பார்கள். யார் மாதிரியாக நின்றது என்று கேட்பார்கள். பஞ்சவன் மாதேவி என்றதும் கூடுதலாகத் தடவுவார்கள்.

வேண்டாம். மொத்த மண்வெட்டியையும் நீரே வைத்துக் கொள்ளும். எனக்கு அதன் மீதுள்ள தூசு கூட வேண்டாம். அதுவொரு நல்லவிஷயமென்று எடுத்துச் சொன்னேன்.

எனக்குத் தெரியுமய்யா. இதுவரை பேசிவிட்டு இனிமேல் நீர் விலக முடியுமா? விலகினால் அது பாதுகாப்பானதாகுமா. ஆகாது. அதனால் நானே அதை நல்ல வார்த்தை சொல்லி வாங்கிக் கொள்கிறேன். ஒன்றின் கீழ் மூன்று பங்கு உமக்குத் தருகிறேன். துணையாயிரும்.

மரத்தை ஏன் விற்றாய் என்று கேட்பாரில்லை. மரம் விற்ற காசை எங்கு வைத்திருக்கிறாய் என்று கேட்பாரில்லை. அந்த வணிகன் நான் அதை அரசாங்கத்திடம் கொடுத்துவிட்டேன் என்று நினைத் துக் கொண்டு ஆறு வண்டிகளில் அதை எடுத்துப் போய்விட்டான்.

கோவிந்தா, வெறும் மதில் சுவர் கட்டும் பணியே இப்படியொரு கிறுகிறுப்பை ஏற்படுத்துகிறதே. இந்தக் கோயில் கட்டும் பணியில் தன்னை ஈடுபடுத்திக் கொண்ட இந்தச் சக்ரவர்த்தி என்ன அவஸ்தைப்பட்டிருப்பார். என்னை விட இராஜராஜர் வயதில் சிறியவரடா. இரவு பகல் பாராது, தூக்க மில்லாது எத்தனை உழைத்திருப்பார். எத்தனை யோசித்திருப்பார். மிக உயர்ந்த ஒரு மனிதரிடம் நாம் பணிபுரிகிறோம். அவர் வாழ்வாங்கு வாழ வேண்டும். அவரைக் கண்ணின் மணியெனக் காப்பாற்ற வேண்டும். மெய்க்காவல் படையும் நமது உளவுப்படையும் கை கோர்த்துச் செயல்படவேண்டும்.

தலைவர் என்று யாரும் இருப்பின். அங்கே நல்லதும், கெட்ட தும் மாறி மாறி வரும். எதிர்ப்பும், ஆதரவும் நிச்சயம் ஏற்படும். அப்படியில்லாது ஒரு குழு தீர்மானித்தால் நடுநிலையாக இருக்க முடியும் என்று நாங்கள் நம்புகிறோம். ஒரு தலைவர் இருந்தால் தான் செயல்பட முடியும் என்கிற ஒரு மனப்பான்மை எங்களிடம் இல்லை. அவரவர் தனித்த உரிமையை நாங்கள் மதிக்கிறோம். அதே நேரம் குழுவாகச் செயல்படாவிட்டால் வேலை குப்புற விழும் என்றும் தெரிந்திருக்கிறோம்.