ஆயிரக்கணக்கில் வண்டி மாடுகள் இருப்பினும் மனிதர்தான் வெட்ட வேண்டும். மண் அள்ளிக் கொட்ட வேண்டும். அடிமை வீரர்கள் மட்டும் போதாது. விமானத்தின் உச்சியில் கலசம் வைத்ததும் விமானத்தைச் சுற்றியுள்ள மண்மேட்டை அகற்ற வேண்டும். அசுர வேலை அது. ஏராளமாக குவித்து விட்டார்கள். விரைவாக மண்ணை வெளியே எடுக்க வேண்டும். அதற்குப்பிறகு தாமிரத் தகடு வேலை. அதற்குப்பிறகு பொன் தேய்க்கும் பணி.. நினைக்க நினைக்க மலைப்பாக இருக்கிறது இந்த வேலையினு டைய கடினம், இந்த வேலையினுடைய அவசியம் உணராமல் இந்த மறவர்கள் தங்களுக்குள்ளும் சண்டையிட்டுக் கொள் கிறார்கள். ஊர் சண்டையும் இழுக்கிறார்கள்.

அரசரையா திருமணம் செய்து கொள்ளப் போகிறாய். முடியுமா. நீ வெறும் ஆட்டக்காரிதானே. உன்னால் பட்டமகிஷி களுக்கும், மற்ற மனைவிகளுக்கும் ஈடு கொடுக்க முடியுமா. வெறுமே வேலைக்காரியாகி விடுவாயோ என்று பயமாக இருக்கிறதடி. பட்டமகிஷியின் துணி துவைத்துப் போட்டு உலர்த்தி எடுத்து வருகிற பெண்ணாய்ப் போய் விடுவாயோ, அரசர் இருக்குமிடம் சுத்தம் செய்கின்ற வேலைக்காரியாய் போய் விடுவாயோ என்று பயமாக இருக்கிறது." என்று விம்மினாள்.

அவனை அடித்தது குணவன் நித்தவினோதப் பெருந்தச்சன் என்பதால் விஷயம் பெரிதாகிவிட்டது. அடித்த இடம் அருண் மொழிப்பட்டனின் அனுக்கி ராஜராஜியின் வீட்டு வாசல் என்பதால் இன்னும் பெரிதாகிவிட்டது. எதற்காக அத்தனை கூட்டம் என்று கேள்வி கேட்டபோது, ராஜராஜி, சக்ரவர்த்தி உடை யாரைப் பற்றி நாடகம் இயற்றியிருக்கிறார். அதை நடிப்பதற்காக தேவரடியார்களை வரச் சொன்னாள் என்று தெரிந்ததும் இந்த விஷயம் இன்னும் அதிகமாகப் பரவிவிட்டது.

கருவூர்த்தேவர் இரண்டு வேர்களுக்கு நடுவே சாய்ந்து கொண்டிருந்தார். தொலைவிலிருந்து பார்க்க ஒரு சிம்மாசனத்தில் வீற்றிருக்கின்ற அரசர்போல காணப்பட்டார். அந்த இரண்டு வேர்களும் சிம்மாசனத்தின் கைப்பிடி போல இருக்க பின்பக்கம் குழிவாக சாய்ந்து கொள்ள வசதியாக இருக்க, கீழே மெத்தென்று இலைகள் படிந்த மண் இருக்க, அதன் மீது பாய் போட்டு அமர்ந்து வெறுமே தொலை தூரம் பார்த்துக் கொண்டிருந்தார். அவர் உடம்பில் மீண்டும் மீண்டும் சிலிர்ப்பு ஏற்பட்டது.

என்ன பயம். அது தவறுகளைச் சுட்டிக் காட்டுகிறது. யார் தவறு செய்தார்களோ அவர்களைத் தண்டிக்கிறது. தண்டனை கடுமையாக இல்லாவிட்டால் மறுபடியும் தவறு நடக்கும், இப்படி வேகமாக இல்லாவிட்டால் ஏகத்தாளம்தான் வந்துவிடும். நான் இன்னொன்று சொல்லித் தருகிறேன். புருஷன் கோபமாக இருக்கும்போது பதில் பேசாதே. எதிர்ப்புக் காட்டாதே. விட்டுவிடு. கோபத்திலிருந்து வெளிவரட்டும். கோபம் வெளிவந்த பிறகு சிறிதுநேரம் கழித்து மெல்ல அந்த விஷயத்தைப்பற்றிப் பேசத் துவங்கு. உன்னுடைய நியாயத்தை விளக்கு. வெகு நிச்சயமாக அருண்மொழியைப் போன்ற நல்ல புருஷர்கள் அதைப் புரிந்து கொள்வார்கள். கோபித்துக் கொண்டதற்கு வருத்தப்படுவார்கள்.

என்ன பரஞ்சோதி. என்ன விதமான மேலாண்மை, என்ன விதமான காவல் இது. நீ எதற்கு தலைமையேற்கிறாய். என் மனைவியை எவனோ அடித்துப்புடைப்பான். நீ அதற்குப் பிறகு கைது செய்வாயா. பெண்டுகள் இருக்கும் வீடுகளில் காவல் இருக்காதா. காவல் காக்க தஞ்சையில் மறவர்கள் இல்லையா அல்லது காவல் காக்கின்ற மறவர்களே அத்து மீறுவார்கள் என்பதால் காவல் இல்லாமல் விட்டு விட்டீர்களா. இனி நாங்கள் காவல் காத்துக்கொள்ளட்டுமா.

ஆடுகிற பெண்கள் என்கின்றபோது அவர்கள் எல்லோரும் சொந்தம் என்று ஒரு எண்ணம் ஏற்பட்டு விட்டது. உடல் குலுங்க பலபேர் முன்னிலையில் ஆடுகிறாள் அல்லவா. மற்றதற்கும் வந்தாலென்ன என்கிற எண்ணம் ஏற்பட்டது. ஆனால் சோழ தேசத்தில் தேவரடியார்களை இத்தனை இழிவாக யாரும் நடத்திய தில்லை.

என்னடி. என்ன அழுகை. எதற்கு கால்பிடித்து கதறுகிறாய். எதற்கு இந்த மாய்மாலம். நானும் பெண்தாண்டி. ஒரு பெண்ணின் மனம் எனக்குத் தெரியும். நீ அவனை எவ்வளவு உயிராய் காதலிக்கிறாய் என்பது உன்னுடைய இந்தத் துணிச்சலை வைத்துக் கொண்டே நான் எடைபோட்டு விடுவேன். இல்லையெனில் பிரம்மராயரிடம் ஓலை கொடுக்க எவளுக்குத் தைரியம் வரும். ஓலையைக் கிழித்துப்போட்டு இழுத்துப்போங்கள் இவளை என்று சொன்னால் உன்னுடைய கதி என்ன ஆகியிருக்கும்.

ஒரே கல்லாகச் செய்யாமல் துண்டு துண்டாகச் செய்திருக் கிறோம். இது என்னுடைய யுக்தி. ஆனால், இதை மாட்டுகிற பொழுது பிரச்சினைகள் வரலாம். ஏனெனில் அடியில் பத்மம் எழுப்பி, பத்மத்தின் மீது ஆவுடையாரை நிலைநிறுத்த வேண்டும். எட்டுத் துண்டுகளாக உள்ள ஆவுடையார் சிக்கலான விஷயம். சாந்து பூசி நிற்க வைப்பது கடவுளின் செயல். மனித எத்தனத்தை மீறிய விஷயம்."

நான் மன்னிப்பு கேட்க மாட்டேன்: சவுக்கால் அடித்துக் கொன்றாலும் நான் மன்னிப்பு கேட்க மாட்டேன். இறந்த யானைப்பாகன் எனக்கு உறவினனல்ல. நண்பனுமில்லை. ஆனா லும் அவன் மறவன். மேலைச்சாளுக்கியப் போரில் யானையை விட்டு இறங்காமல் போர் புரிந்தவன். விஷ அம்பு பட்டு அவன் யானை இறந்தது. ஒற்றை ஆளாய் பெரிய குழி வெட்டி யானையை அதில் தள்ளிப் புதைத்தவன். அந்த யானைக்கு மிகப்பெரிய தந்தம். அந்த தந்தத்தை அறுக்க மறுத்துவிட்டான். காரணம் கேட்டதற்கு இந்த யானை என் குழந்தை. குழந்தையை புதைக்கும் முன்பு பற்களை யாராவது பிடுங்கிக் கொள்வார்களா என்று அழுதான்.