មួយថ្ងៃ​ក្រោយ​ការបោះឆ្នោត​ជ្រើសរើស​ក្រុម​ប្រឹក្សាឃុំ​សង្កាត់​បិទបញ្ចប់ ​ពលរដ្ឋ​បានតាម​ដាន​លទ្ធផល​បោះឆ្នោត ​ខណៈអ្នកខ្លះ​មិនចាប់​អារម្មណ៍​អើពើអ្វីឡើយ។​ ប៉ុន្តែ​យ៉ាង​ណាមិញ​ ក្រុមពលរដ្ឋ​ដដែល​បាន​ រំឭក​គណបក្ស​ដែល​ឈ្នះឆ្នោត​គ្រប់គ្រង​អាសនៈជា​មេឃុំ ​ចៅសង្កាត់​ កុំភ្លេច​អនុវត្ត​តាមពាក្យ​សន្យាពេល​ឃោសនា។​ អំឡុង​ពេល​ឃោសនា​គេបាន​ឮសារ​នយោបាយ​អភិវឌ្ឍ ភូមិ​ ឃុំ ​សង្កាត់​ ឲ្យមាន​ភាព​រីក​ចម្រើន​ប្រែផ្លូវ​ភក់​ទៅជាផ្លូវ​ក្រាលបេតុង​ និង​លុបបំបាត់​គ្រឿងញៀន ​ល្បែងស៊ី​សង់​ អំពើ​ឆកភ្លន់​ជាដើម។​