ក្រុម​យុវជនខ្មែរថាវរៈ​ចំនួន៣​រូប​កាលពីថ្ងៃទី១៨​ មករា​ កន្លងទៅ​បាន​សម្រេច​កោរសក់​រក្សាសីល​ប្រាំនៅ​មុខ​ប្រាសាទអង្គរវត្ត​ដើម្បីសុំ​សេចក្តីសុខ​ចម្រើន​ ជាពិសេស​ស្វែងរក​សិទ្ធិសេរីភាព​ យុត្តិធម៌​ និង​ការដោះលែង​មេដឹកនាំ​សហជីព​ក្រុមហ៊ុន​កាស៊ីណូណាហ្គាវើលដ៍​ដែលកំពុង​ត្រូវជាប់ឃុំ។​ក្នុងនោះ​  ក្រុមយុវជន​ខ្មែរថាវរៈ​បានលើក​ឡើងថា​ ប្រសិន​បើ​ការកោរ​សក់​បែបនេះ​ មិនអាចស្វែង​រកយុត្តិធម៌​ជូនមេដឹកនាំ​សហជីព​ និង​បុគ្គលិក​ក្រុមហ៊ុន​ល្បែង​មួយនេះទេ ​ខ្លួននឹង​នៅតែបន្ត​សកម្មភាព​នានា​បន្ថែមទៀត ​ទោះបី​ជាអាច​ប្រឈមមុខ​នឹងការ​ចាប់ខ្លួន​ជាថ្មី​យ៉ាងណាក៏ដោយ។​