ប្រជា​កសិករ​មួយ​ចំនួន​បាន​ផ្អាក​ធ្វើ​ស្រែ​នៅ​ប៉ុន្មាន​ឆ្នាំ​ចុង​ក្រោយ​នេះ​ដោយ​ទុក​ដី​ឲ្យ​ទំនេរ​ចោល​។ មូល​ហេតុ​ចំបង​ដោយ​សារ​តែ​ជី​ រួម​ផ្សំ​នឹង​ថ្នាំ​គីមី ​និង​ប្រេង​ឥន្ធៈ​ឡើង​ថ្លៃ​ធ្វើ​ឲ្យ​ថ្លៃ​ដើម​នៃ​ការ​ផលិត​កើន​ខ្ពស់​មិន​អាច​ទូ​ទាត់​បាន​ចំណេញ​ជា​មួយ​តម្លៃ​ស្រូវ​ដែល​នៅ​ទាប​។​ តាម​រយៈ​បទយក​ការណ៍​របស់ អ៊ឹង ប៊ុនថន​ ក្រុម​កសិករ​ និយាយថា​ វិធី​សាស្ត្រ​កាត់​បន្ថយ​ថ្លៃ​ដើម​ដែល​ដាក់​ចេញ​ដោយ​រដ្ឋ​មន្ត្រី​ថ្មី​នៃ​ក្រសួង​កសិកម្ម​មិន​អាច​ធ្វើទៅ​បាន​ទេ​ ដោយ​ថា​ បើ​កាត់​បន្ថយ​ថ្លៃ​ដើម​នៃ​ការ​ផលិត​ ធ្វើឲ្យ​ទិន្នផល​ស្រូវ​ធ្លាក់​ចុះ​មិន​បាន​ចំនេញ​។