ប្រជាកសិករក្នុងឃុំតាសាញ ស្រុកសំឡូត ខេត្តបាត់ដំបងបានលើកឡើងពីបញ្ហាកង្វះបច្ចេកទេសដាំដុះ និងថែទាំដំណាំម្រេចដែលបង្កឲ្យដើមម្រេចងាប់ និងមានជំងឺជាប្រចាំ។ ពួកគេបានអះអាងថា ចំណេះដឹងដាំម្រេចរបស់ពួកគេសព្វថ្ងៃ គឺជាចំណេះដឹងចែករំលែក តៗគ្នា។ ក្នុងន័យនេះ ពួកគេបានស្នើឲ្យក្រសួងកសិកម្មចុះត្រួតពិនិត្យ និងជួយបណ្តុះបណ្តាលបច្ចេកទេសដាំដុះឲ្យបានត្រឹមត្រូវ។