Kuma bɛ aw bolo

An bɛ na kuma PSG ka sesɔrɔ de kan "ligue des champions" finali kɛnɛ kan, k’a ka jɔnjɔn fɔlɔ ta ka bɔ Italie ka Inter Milan ɲɛkɔrɔ.
Celu 5 ani fu, Allianze arena ntolantan kɛnɛ kan Allemagne, balinako tun don ntolantan kanunbagaw a n’a ko ɲɛdɔnbaga dɔw fɛ,  dɔw fana k’u sigilen tun don n’a ye.

Sisan PSG de kɛra France ntolatan kulu filanan ye ka "ligue des champions" jɔnjɔn ta ka fara Marseille ntolatantɔn kan san 1993.

Kabini sibiridon a kumaw cayalen don ni PSG yɛrɛ kanubagaw ni nisɔndiya de be ɲɔgɔn na dɔw k’u ma fosi faamu ntolan in jaabi yɛrɛ de la bawo ko nin ɲɔgɔn bɛ fama ka ye. Celu 5 ani fu jango Italie ntolantantɔn dɔ juguya la, olu minnu dɔnnen don kosɔbɛ n’u ka kɔfɛjɔɲumanw ye.

O cogoya la aw yɛrɛ ye mun faamu PSG ka sesɔrɔ in na, aw tun sigilen bɛ ni nin celu hakɛ ye wa? yala mun de kɛra PSG ka fanga ye ani mun tiɲɛnna Inter Milan bolo?

Walasa k’aw ka bi ɲiningaliw jaabi an ni Sira Niambele de be ɲɔgɔn sɔrɔ, an ka Paris lasigiden don.

Guinée ka Konaté Adama, Kadiatou Diallo, 7 avril 2025, Souadou Barry, Djené Traoré, Côte d’Ivoire W. Adèle avril kalo tile 22, D. Abibata, ni tɔgɔ ninnu bɛ ye musow tɔgɔ lo ye minnu fagara o furucɛ fɛ, walima o buranlakan dɔ fɛ san 2025 ka avrilkalo  durɔn kɔnɔ.

Diɲɛ tɔnba ONU ka bolofara min bi musow ka hakɛw lafasa, ONU Femmes, ale ka jatiw b’a yira ko san 2023, farafinna gunkan lo musow fagara ka cɛya o furuŋɔngɔnw, o kanaŋɔngɔnw, walima o masurunyamɔgɔ dɔ fɛ. Musow minnu nitanyara o hukum na, o bi bɛ mus oba 21 ni 700 ma.

Côte d’Ivoirejamana, musow ka hakɛw lafasatɔn, Ligue ivoirienne des droits des femmes tun ye lasɔmili kɛ a ko kan, o tun y’a yira ko san 2020 kɔnɔn, muso 416 lo fagara o furuŋɔngɔnw fɛ…

Burkina Faso, o kɔrɔsili kelen ni lo, wa Laguinée, adamadenw ka hakɛw lafasakulu cama lo faraŋɔngɔnkan kɔsani na, a binkani wale minnu bi ta ka ŋɛnsin musow ma, k’olu kɔn…

Munna,  fagali wale minnu bi ŋɛnsin musow ma, o bi ka juguya ka ta fɛ, a k obi se ka kɛlɛ cogodi, bi aw ka musow ka kɛnɛ kɛrɛnkɛrɛnlen bi na talikɛ o babu lo kan, na ye ci sama musow ma, minnu cɛsirilenlo adamadenw ka hakɛw lafasali ra, ale ni muso sarialɔnbagaw fana ma. Kuma bi na di na lamɛnbaga musow ma…

Farafinna tilebinyanfan tɔnba CEDEAO ka ɲɛmɔgɔw ka lajɛrɛ in senfɛ, Nigéria jamana kuntigi Bola Ahmed Tinibu ya lasɛ kɔ uka cɛsiri bɛrɔ sena, walasa  jɛkafɔ baara ka ɲɛta sɔrɔ mara in kɔnɔ. Aba dakan, ko u ka la laɲini kunaba dɔ ye bɛɛjɛfanga ka sɛgin mara in kɔrɔ.

O la, kabini ton in siigira fɔ sisan, aye kɔrɔsili baraw ke kalataw waati la, jamana caman kɔnɔn.

Ani ka baraw boloda jagoko ani seneko sira fɛ ani ka taga segin nɔgɔya. Ka fara okan, Bola Tibinu ya la laɲini musakaw ka don ton in jamanaw ka sifinw ka kalankola, uka kɛnɛyakɔ ani walasa uka se ka u sen don kosɛbɛ CEDEAO ka baarakɛtaw la. Nigérai jamana ɲɛma in ko Cedeao ɲɛmɔgɔw labinnindɔn, ka ton ka ko ka ɲɛnabɔli di siinw dɔɔnin dɔɔnin san nataw kɔnɔ.

Oko, aye Nigéria jamana kuntiigio kɔrɔ général Yakubu Gowon fɔ. Alɛ kɛlin pɛ min b e balolin, jamana kuntigi 16 cɛma, minu ye ton in siigi senkan, niya san 50 ye. Général Yakubu Gowon yere ka kumaw kɔnɔ, aya lasɛ ko jigi bala ko AES jamana sabaw bina segin ton in kono. Nigéria kokanko minisiri Yusuf Tuggar,

 fanan ye o kuma kɛlin in de fo.

Aw ye kalan kɛ fanaSalif SAKHANOKHO bɛ ɲɛfɔli k'an ye CEDEAO ka san 50 sɔrɔ kan, ni sifinw jɔyɔrɔ

Kuma bɛrɛ mafɔ selin kɔkan, jango latigɛ minu ntarra USA jamana kuntigi Donald Trump fɛ, nga, Cedeao ko ɲanabɔ jɛkulu ɲɛmɔgɔ, Umar Alieu Touray ka kumaw ɲesinna sɔrɔkɔ gɛlayaw jamanaw cɛ baraɲgɔnyan la, jɔdondanw ani dannayabaliya diɲɛ tabolo ani juguba kono.

Bi an ka mɔgɔ welelen ye Oumar BERTHE ye ka bɔ France, CEDEAO  kow lɔnbaga lo.

Sénégal jamana la, bi de jamanadenw ni ɲɔgoncɛ sigi kafɔ ba bi daminɛ Dakar kɛrɛ sigida Diamniadio lajɛ kɛ yɔrɔ ba "CICAD - Centre international de conférences" Abdou Diouf la.

I n'a fɔ Sénégal jamanakuntigi Bassirou Diomaye Faye yɛrɛ tun y'a laɲini cogo min-na, nin sigi ka fɔ ba'in bina kɛ sababuye ka yɛlɛ Sénégal bɛjɛ faɲa de la sin-sin' ka ta' fɛ ani ka jamana mara fɛrɛw la kologrinya, jamanadenw ka hakɛw ka labato ani bɛn ni kelenya ka sabati kɔsɔbɛ jamana kɔnɔ.

Nin sigi ka f ba'in baaraw bina to sen-na fo juin kalo kile naani.

Nka a bi kɛra tumana, fanga kɔrɔ ka minisiiri kɔrɔ walima lɔyɔrɔbatigiw bi ka minɛn, ka bila kaso fanga fɛ, jurukujuruko ra. Fanga sinama tɔn APR yɛrɛ y'a lase k'o ti na talikɛ sigikafɔ in na,

yala aw y'o ko famuya cogodi, sigikafɔ in bi se ka kɛ ɲɛnɲunma kan wa tumamina, mɔgɔ dɔw y'o yɛrɛ sama ka bɔ a kɔnɔn, an bi na ninnu ŋinikaliw lo jabi bi ka kɛnɛ, nɛgɛjuru sira ye +221 76 644 12 79.

Senegal, RD Congo fɔ ka se Farafinna jamana caman kan, sankasojanw be ka wurukutu ka maaw bɔnɛ u ninw la nin don labanw na.A misali laban ye Touba dugu ta ye Senegal Karidon i kɔrɔ ka maa 11 bɔnɛ u ninw la ani ka wolowulan wɛrɛw jogin.
Ka kɔn o ɲɛ sojan wɛrɛ wurukutili tun ye maa fila bɔnɛ u nin la faaba fana kɔnɔ Dakar dɔgɔkun tɛmenen fana maa tan yirikaw fana fagara sojan dɔ ka firili kɔ RD Congo

kasɔrɔ marabagaw ni kangari gɛlɛnw daw anil atige gɛlenw talibe ɲɔgɔnnna waati be yasa k’o know ɲɛkɔrɔtigɛ. O be n’a ta fɛn tɛ ka bɔ o kasaaraw la.Yala mun bɛ se ka faamu nin Kasara suguw la Farafina jonin kelen de be se ka jalaki nin ko la jɔlikɛlaw wa yɔrɔtiguiw walima marabagaw An ka nɛkɛjurusiralabilendon k’aw hakilnaw makɔnɔ… 00221 76 644 12 79.

Mai kalo tile 25 San 1963, kunu kari don Mai kalo tile 25 san 2025 y’a san 62 ye tigi-tigi  ko Farafinna jamana ɲɛmɔgɔ 31 jɛra k’u tɛkɛnɔbila bɛnkan sɛbɛn na Adis-Abeba, Ethiopie faaba kɔnɔ wasa ka Farafinna tɔnba sigi sen kan… Organisation de l'Unité Africaine. Yanni a tɔgo ka falen san 2002 k’a kɛ Union Africaine ye.
 

Laɲini ye ka Farafinna kɛ kelen ye ani ka jamanaw bɛɛ kelen-kelenna ka yerɛyeya lafasa bɛjɛfanga tabiyaw boɲani ani hadamaden ka hakɛw lafasali fɔ cogo wɛrɛ la, hakinina fɛn o fɛn bɛ na ni gun in ka yɛrɛyeya a n’a ka yiriwali ye bɛn ni kelenya kɔnɔ.

Ɲinan san 63 nan laɲɛnɛmayali sen fɛ Farafinna tɔnba koɲɛnɛbɔ kulu ɲɛmɔgɔ Mouhamed Ali Youssouf ko farafinna bɛ wulikjaɔ sugu bɛɛ la wasa ka dansigi kɛlɛw ani fɔɲɔgɔnkɔw la gun in kan yasa ka bɛn ani yiriwa lana

Yala, aw y’o dantigeli in faamuya cogo di. Aw bolo, banbagaci kɛlɛw, jatigewale kɛlɛw jamanaw yɛrɛdamani ɲɔgɔncɛ kɛle ni fɔɲɔgɔnkɔ minnu bɛ farafinna nin waati la aw ye Farafinnatɔn in jɔyɔrɔ y’o kow la cogodi

Yala u ka wulikajɔw be bɔli kɛ wa, mun de ka kan ka falen tɔn in kɔnɔ wasa k’o kow ɲɛsɔrɔ…

A y’anw weele joona an mako bb’aw fɛlaw la nɛkɛjurusira filɛ 00221 76 644 12 79..

Tiambel GUIMBAYARA kabɔ Fransi jamanakan de bɛ n’aw ka bi ɲinigaliw jaabi… kunnafonidila ani jamanaw ni ɲɔgɔncɛ politikikow dɔnbaga don….Aw danse.

Dɔgɔkun in baabu kɔrɔ fila ani ku fila wɛrɛw aw y’a laɲini ka faamuya sɔrɔ olu minnu kan.

O fɔlɔ bɛ na taaa n’an ye Laguinɛ… Ka kuma diɲɛ kiirisoba CPI ka ciden kulu dɔ ka taa ma kan yen faaba kɔnɔ Conakry.

Yasa ka taa jatemine kɛ  28 kasaraw kiri baaraw kuncɛ cogo kan.                

O kɔ na na donnin jigin Bamako Mali faaba la, ka masaala AES ani CEDEAO ka kunu lajɛrɛ baabuw kan.

Baabu kɔrɔ filaw bɛ taa n’na ye Tchad fangasina Succès MASRA kumakan dɔ ko la, marabagaw be k’a jalaki k’o min kɔnɔ a ye maaw weele kana murutili walew ma. An b’a ko kunɛ Israel ka kɛlɛ fɛerɛw kologriyanni kan Bande de Gaza na’u ka laɲini kura wasa ka kɛlɛjigin so…

Guinée, yala ladilikan minnu bɔra forobajɛkulu la kunnafonidilaw ka siniɲɛsigi kan, olu bɛ se ka kɛ sababu ye ka kunnafonidilaw hɔrɔnyalen ni kunnafoni caman sɔrɔli garanti wa?

La Guinée, Lajɛrɛ dɔ kuncɛra kunnafonidi baara ka siniɲɛsigi kan Conakry. Lajɛrɛ in labɛnna kunnafonidikow kɔlɔsilicakɛda HAC yɛrɛ ka ɲɛmɔgɔya de kɔnɔ. Tile saba kɔnɔna na,  Hac ni kunnafonidilaw ka lafasatɔnw ni kunnafonidisoɲɛmɔgɔ ye hakilinafalen kɛ baabu caman kan i n'a fɔ kunnafonilaw ka yɛrɛyeya a n'u ka kuma kannabilali. Wa lajɛrɛ in be ka kɛ waati la gɛrɛntɛ caman ɲɛsinna kunnafonidilaw ni kunnadisow ma.

Nin don labanw na Tchad politiki kɛne tagaba wulilen don, k’a sabbu kɛ fanga sina Succès Masra ka minɛni ye juma tɛmɛn. Transformateur politikitɔn ɲɛmɔgɔ ni minisiri ɲɛmɔgɔ kɔrɔ in jalakilen don kumakan dɔ kola min taara kabi san 2023, o min kɔnɔ u k’a bɛ siya dɔ maaw weele ka taa murutili ni juguyakanw ma siya wɛrɛw juguya la.

Tchad kɔnɔkow minisiri yɛrɛ ka fɔ la k’o kantalen de fana kɛra kariɲɔgɔna dɔ sababu ye kɔsa in na MANDAKAO dugu la nin ka maa 42 bɔnɛ u ninw la. Yen bɛ ka taa Cameroun dancɛ yɔrɔ la. Succès Masra lamɛni kɔ kunu tile mumɛ bi kiiriso ka latigɛ makɔnɔnen don fangasina in kunkan.

A ko kɔnin kɛlen ɲɔgɔn samasama dan ye bawo Masra kanunbagaw ni fangasinaw ka faamuya la ko nin ye politiki ni kiriko bɛnbɛnbɛn dɔrɔn de ye waasa ka Succès Masra lanɔkɔ…Fanga kɔkɔrɔdonbagaw ka fan la olu ko sariya sira taamali dɔrɔn don wa ko Masra te Tchda Sariyaw sanfɛ.

Aw ye kalan kɛ fanaTCHAD: Yala fangasina Succes Masra bɛna kiri wa?

Yala aw fana y’a bila o minan kelen jumɛn kɔnɔ wali aw y’a ye yecogo werɛ de la…Aw hakilinaw makɔnɔnen don ni baabu kan bi jɛmukan kɔnɔ nɛkɛ jurusira labilen don 00221 76 644 12 79

Sadio Morel KANTE, kunnafonidila ni politikiko ani Lakanako dɔnbaga kabɔ Fransi de bɛ n’aw ka bi ɲinigaliw jaabi an bɛ ɲɔgɔ sɔrɔ.

Israël bɛ ka fanga di a ka binkanniw ma Gaza jamana kan k’a sɔrɔ a bɛ hadamadenya dɛmɛni bali ni laɲini ye ka Palestina jamana ka mara bɛɛ minɛ pewu, ka mɔgɔ minɛlenw bilali lakana ani ka Hamas tiɲɛ.

Yala o IIsraël ka fɛɛrɛw de ye fura ye walasa k’u ka laɲiniw dafa wa? 

Yala an man kan ka fɔlɔ ka kumaɲɔgɔnyaw kɛ fan fila ninnu cɛ, minnu y’u nafa jira ka tɛmɛn wa? 

An n'aw masala la nin baabu de kan bi.