Kuma bɛ aw bolo

Kumla b’aw bolo jɛmukna kanunabagaw, aw bisimila aw ka hakilina fɔ jɛmukna kɛnɛ kan. Aw y’a laɲini wa ko tɔra aw ta la. Bi baabuw y’a yɛrɛ ka baabu sugandilenw ye nin dɔgɔkun baabu kɔrɔ fila ani kura kelen.

Baabu kɔrɔ filaw bɛ tali ke politikitɔnw cili latigɛ kan Mali la nin dɔgɔkun in kɔnɔ fɔ ka taa se Sariyasunba falenni kalata, wasadenw ani jamanaɲɛmaa kalataw labɛnni ma yani san 2025 in laban cɛ. Aw cayara kɔsɔbɛ k’a kanun an ka segin o baabu kɔrɔ fila de kan.

Nin ka sɔrɔ ka taa ko kuncɛ ni baabu kura wɛrɛ ye kernkernenya la. Syrie jamana ɲɛmɔgɔ Ahmed al-Charaa ni USA ani FranceI ka tekedi ɲɔgɔnman nin dɔgɔkun in kɔnɔ

 kasɔrɔ diinɛdansagowalekulu ɲɛmɔgɔ tun don, min jatigewale tɔgɔ tun ye Abou Mohammed al-Joulani,

Wa a yira la ko jatigɛwalebinkani caman kɛra Erɔpu ani USA dugukolo kan min ka ɲɛmɔgɔya kɔnɔ HTC diinɛdansagowale kulu fɛ. Al-Qaida ka bolofara Syrie dugukolo kan.

Nɛkɛjuru sira labilalen don aw yen in baabuw de kan bi kuma b’aw bolo jɛmukan kɛnɛ kan… 00221 76 644 12 79… An be ɲɔgɔn sɔrɔ sisan sisan k’olu bɛlajɛlen wala-wala.

Mali la, a kumaw tun cayara kɔsɔbɛ fɔ ka wulikajɔw ni lajɛrɛ k’a ko kan nin waati labanw na.  

Nka tara don Mai kalo in tile 13 marabagaw ye latige ta ka, politikitɔnw ci nin k’u sigi sariya fana jɔsi. Ko fɔ n’o sigi sariya kura werɛ wangora waati min.

Laɲini ye marabagaw yerɛ ka fɔ la  ka Mali politikitɔnw ka baaraw la sɛnsɛn nin k’a kɛnɛ lasanuya ni tɔn kuraw sigili ye ani hakilina kuraw ka kɛɲɛ ni jamana in taabolo kuraw ye.

Politikimɔgɔ caman bɔra k’a yira k’u ma jɛn ni latige in ye, bawo ko dankaridon bɛjɛfanga ani Mali yɛre sariyasunba la…

 Aw bolo o latigɛw de ye Mali ka bi politikiko gɛlɛyaw bɛɛ fura ye wa… yala fɛɛrɛ wɛrɛw tun te se ka sɔrɔ marabagaw ni politikimaw yɛrɛ cɛ k’asɔrɔ a ma se u ka tɔnw cilima pewu  wa…

A y’anw weele joona kɛnɛ in kan k’aw fɛla fɔ…. nɛkɛ juru sira filɛ, 00221 76 644 12 79.

Guinée jamana kan, a ko ma sɛmɛntiya fɔlɔ ni jamanakuntigi ka latigɛ ye. Nka, jamana in minisiri ɲɛmɔgɔ, Amadou Oury Bah y’a lase Africa CEO Forum kɛne kan, Abidjan, k’u bena kalata saba laben kalo saba kuntaala kɔnɔ wasa ka dansigi Laguine donnatemɛnfanga la nin ka segin bejɛfanga kɔnɔ.

Kɛrɛnkɛrɛnenya la, sariyasunba falennikalata sɛbutanburukalo tile 21 ko wasadenw ani jamanakuntigikalataw bɛ tugun o la ɲɔgɔn fe Decemburu kalo nata.

Amadou Oury Bah ye nin fɔ farafinna keɲɛreye-cakɛdabatigiw ka lajɛ in talikɛla maa ba bisaba ɲɔgn de ɲɛna ntenendon…. Minnu cɛla  jamankuntigiw fana b’a la.

Yala aw ye nin laseli in bila minan jumɛn kɔnɔ.

Aw bolo laguinɛ be na se ka nin kalata sabaw bɛɛ labɛn u waati fɔlenna wa… Kalata ninnu yɛrɛ be na se ka kɛ kalata jɛlenw ni tilenw ye  o sirafɛ wa… jango ɲɔgɔn famuya baliyaw be jaman in marabagw ni politikitɔnba dɔw cɛ.

Aw fɛlaw makɔnɔnen don jɛmukan in kɛne kan, nɛkɛjurusira, aw b’o dɔn kaban… 0221 765 644 12 79.

Bi mɔgɔ weelelen ye Kabine FOFANA de ye kabɔ Laguine jamana kan, politikiko dɔnabaga don… An n’a be ɲɔgɔn sɔrɔ sisan sisan.

Diyagoyaminɛ cayara kɔsa in na ka ɲɛsin politikimɔgɔw ani bɛɛjɛfanga kɔkɔrɔmadonbagaw ma. Kabi politikimaw ani bɛɛjɛfanga kɔkɔrɔdonbagaw ka wulikajɔ laban na Bamako mɛkalo in tile 3 tɛmɛnen, diyagoyaminɛniwalew bɛ ka caya yen politikimaaw kama ani o wulikajɔ in kolabɛnbagaw.

O misali dɔ ye Codem ani Yɛlɛma politikitɔn maa fila ka diyagoyaminɛni ye alamusa tɛmɛnen. Alhassane Abba ani El Bachir Thiam, wa sifin minnu ye wulikajɔ laban ninnu labɛn, caman fana y’a carin kosɔbɛ  u ka bɔlɔlɔsiraw kan k’o diyagoyaminɛniwalew ɲɛsinna u ma.

 Nka a ko Ala ni u teriw ni jɛɲɔgɔnw ka cɛsiri, u sera ka porokoto u minɛbagaw la, dɔw yɛrɛ ko dankari kɛr’u fari la.

Yala aw ye nin kow ye cogo di?  mun bɛ seka faamu o diyagoyaminɛniwalew la ka ɲɛsin nin maa kofɔlenw ma waati min na politikimaaw ka baara sosorolen don.  Aw bolo, kun jumɛn de la nin walew be ka kɛ?  An ka bi ntɛnɛndon jɛmukan baabu filɛ.

Aw ka o baabu sugandilen kura bɛ taa n’na ye VATICAN ka kuma Papu kura sugandili kan…. Pape Léon 14 kɔnin … Amériki jamanaden fɔlɔ don min k’o jɔyɔrɔ Pape François nɔɔla…. Ale de fana ye sisan Papu 267nan ye diɲɛ kɔnɔ.

An bɛ na fɔlɔ k’an da don o Kretiyɛn katolikiw ka ɲɛmɔgɔba in sugandili cogo la.

An be sɔrɔ k’a taa ko kuncɛ Mali la….

Politikitɔnw ka baaraw sonsoroli latige tali yen marabagaw fe dsɔgɔkun in kɔnɔ, fɔ ka taa se ɲɔgɔn sama-samaw ma o politiki maaw ni fanga kɔkɔrɔdonbagaw cɛ u ka tɔnw cili laɲini kan…

An y’anw weele k’aw hakilianw fɔ… nɛkɛjurusira 00221 76 644 12 79 

A kɛra balinako ye dɔw bolo nk’a dɔw fana k’u tun sigilen bɛ n’a ye. Europe ka ɲinan Ligue des Champion finali tanbabagaw tɔgɔ dɔnna. Fransi ka Paris Saint-germain ni Italie ka Inter de Milan de be n’u disida ɲɔgɔnna o kɛne kan Mai kalo tile 31 don.

Nin tolantan kulu fila bɛ de ye sebagaya sɔrɔ u kunbɛnbagaw kan… ni siga-siga tun bɛ FC Barça ni Inter ta la, PSG kɔnin ye taa-ni-ka-segiin de ke a kunbɛn ɲɔgɔn Arsenal kan ka sɔrɔ ka Finali kɛne lasɔrɔ cɛlu 3 ani kelen n’i y’a bɛ faraɲɔgn kan.

Yala aw ye mun faamu o demi finaliw tɛmɛncogo kan.

Mun de tiɲɛna, Barça ni Arsenal bolo n’u dɛsɛra ka mana-mana inafɔ u kanunbagaw tun sigilen b’a kan cogo min.

Finali min ka kan ka kɛ Paris Saint-Germain ni Inter de milan cɛ, yala garisige be jɔnin de bolo… nin tolantatɔnw ka fanga bena kɛ mun ni mun de ye finali in kɛnɛ kan… fɔ cogo wɛrɛ la… ɲinan Ligue des Champion jɔnjɔn be na kɔrɔta nin tolantan kulu fila jumɛn de fɛ….

Nekɛjurusira labilalen don… wa an be k’aw ka jaabiw makɔnɔ jɛmukna in kɛnɛ kan… 00221 76 644 12 79.

Bi, an baaraɲɔgɔn ni farikoloɲanajɛ jɛmukan sigibaga Sadio Doucoure de bɛ n’aw ka  ɲiningalmiw jaabi, an bɛ ɲɔgɔn sɔrɔ sisan, sisan.

Kabi bi araba sɔgɔma joona Vatican jamana girinnen don Pape François nɔnabila ɲini baarw de  senna wasa ka diɲɛ keretiyɛ katolikiw ka ɲɛmɔgɔya ani Vatican yɛrɛ jamana ɲɛmɔgɔya minɛ.
U cardinaux 133 de b’o cɛbɔyala minnu bɛ n’o baaraw fana kɛ gundo la… U cɛma farafin cardinaux  17 nka duuru de bɛ cɛbɔ disibaw cɛma.

Ka kɛɲɛ ni diɲɛ hakilinaw cayali ye ani ɲɔgɔn sama-samaw o hakilinaw kunkan…fɔ ka taa se papu nata yɛrɛ jɔyɔrɔma o kow la.

Yala aw b’a fɛ diɲɛ keretiɲɛ katlikiw ka papu kura ka kɛ o hakilina sugujumɛn lafasabaga ye. 

Maa min bɛ yɛrɛyeya sugu bɛɛ lafasa wa n’an k’a ma fransikan la Liberal…wali maa min bɛ katolokiw ka taabolo kɔrɔbaw de lafasa n’o conservateuriw ye…wali yɛrɛ min tɛ nin fila si sira kan…

O tuma aw kana aw hakilinaw to kunfa la a y’anw weele joona k’u da kɛnɛ kan jɛmukna in kɔnɔ… nɛkejurusira labilalen don 00221 76 644 12 79.

Wasa k’aw ka bi ɲinigaliw jaabi, an ye weele sama Labbé Bertrand Sawadogo de ma kabɔ Burkina Faso… bila ka suma t’a ko la..an be ɲɔgɔn sɔrɔ sisan, sisan…

Togo jamana kan, san 2024 Avril kalo sariyasunba kura lawaleyali dabɔra kaban. O min bɛ jamana in bɔ jamanakuntigi fanga kɔnɔ nin k’a kɛ wasadenba sariya jamana ye.  

O siratigɛ yɛrɛ de la Faure Gnassingbé y’a ka kalenkandi kɛ sibiri tɛmɛnen ka kɛ jamana minisiriw ka ladalaɲɔgɔnye ɲɛmɔgɔ ye fɔ san wɔɔrɔ nata, sariyasunba kura ka jɔyɔrɔfɔlen y’o ye min yanga ka bon kɔsɔbɛ ka tɛmɛn hali jamabakuntigi kura Jean-Lucien Savi de Tové ta kan fanga ani mara taabolokuraw  la Togo.

Fangasinaw bolo fangadafiriwale don ka ɲɛsin jamana sariyasunba ma ani fɛɛrɛ tigɛlen Faure Gnassingbé fɛ ka to fanga la halisa san 20 jamana ɲɛgɔya kɔ.

Yala aw fana b’a bila o minan kelen kɔnɔ wa

Aw ye mun faamu Togo mara cogo kura in yɛrɛ la

Aw y’anw weele k’aw hakilinaw fɔ….nɛkɛ jurusira filɛ: 00221 76 644 12 79…

Bi an bɛ Mali de kɔnɔ ka taa kuma nin waati furuku-furukuw kan yen fanga kɔkɔrɔdonbagaw ni politikimɔgɔw ni ɲɔgɔn cɛ olu ka tɔnw ciliko la. Nin y’a dɔgɔkun kelen ɲɔgɔn ye ɲɔgɔnsama-samanw fanga be ka bonya kosɔbɛ Mali marabagaw, u kɔkɔrɔdonbagaw ani politikitɔnw ni bɛɛjɛfanaga lafasatɔnw ni ɲɔgɔn cɛ.

Nin fɔɲɔgɔnkɔ ninnu sɔrɔla marabagaw ka hakilinaɲini sigikafɔ dɔ de kɔ politikitɔnw ka baarakɛsariya kan.

Nin waati in na, politikitɔn kɛmɛ saba ani kɔ ka cira pewu, kuraw sigili sariyaw ka kologrinya, ni k’u hakɛ dan duuru dɔrɔn ma. San duuru kura ka tigɛ ka di Général Asimi GOITA n’a ka jama ma.  Laɲiniw filɛ minnu  minnu bɔra o sigikafɔ laban kɔnɔ Mali koɲɛnɛbɔkuluw fɛ. "Force vives de la nation"

Ni fanga kɔkɔrɔdonbagaw y’a ko kunbɛ ni ɲɛɲuman ye, politikitɔnw ko sigokanw don minnu tɛna lawaleya u ɲɛna. O ni bi cɛ,  wulikajɔw ni ɲɔgɔnsama-samaw bɛ senna jamana in fan caman na.

Yala, aw y’o ko ye cogo di?  Nin ɲɔgɔnsama-samaw bena se ka taa fɔ yɔrɔ jumɛn?  yala Mali yɛrɛ mako bɛ nin fɔɲɔgɔnkɔw la bi wa? Aw yɛrɛ bolo mun de be se ka kɛ nin ko fura ye?

Bi ɲiningaliw o bena jaabi politikiko dɔnbaga ŋana, Oumar BERTHE fɛ ka bɔ France jamana kan, aw dansɛ

I ko juma o juma, bi ko y’aw de ta ye. O siratigɛ la, Aw cayara kɔsɔbe k’a ɲini na ka taa baabu kura saba kan.

Mali jamana koɲɛnɛbɔkuluw "Force Vives" ka dɔgɔkun in laɲini ka politikitɔnw ci, ka san duuru fara donnatɛmɛnfanaga kuntaala kan…ani ka jamanakuntigi bɔ donnatɛmenfanga ɲɛmɔgɔya la nin k’a kɛ jamanakuntigi ye i ko min sugandira bɛjɛfanaga kɔnɔ.

Baabu fuilanan ye AES jamanaw ni Maroc ka gɛrɛɲɔgɔnna ye ka se ka nunbɔ-yɔrɔdi O Sahel jamanaw ma kɔkɔjidala.

An bɛ sɔrɔ ka t’a ko kuncɛ, Burkina Faso, kɛrɛnkɛrɛnnenya la wulikjaɔ minnu kɛra yen dɔgɔkun in kɔnɔ ani diɲɛ fan wɛrɛw fɛ yasa k’u ka dɛmɛn kofɔ jamanaɲɛmɔgɔ Capitaine Ibrahima TRAORE.