Kuma bɛ aw bolo

San 55 jɛɲɔgɔnya kɔ, Niger ni Mali ni Burkina faso , y'u kan bɔ bataki dɔw kɔnɔ dɔgɔkun ina , kuw ye u  sɛnbɔ français fɔ jamanaw ka ton Francophonie  na.

AES jamanaw bɛ ka ton in jalaki u mafɛɲɛyali de la fangadafri wati kɔnɔ .jamana saba nunu ko olu tun bɛ ka dɛmɛ makɔnɔ OIF yɔrɔ wati mun ko a ye gɛlɛya dron de lasse olu ma o wati , o kama u ko olu ti seka to ton ina bilɛn.  

   Yala aw ye kunafoni in kunbɛ cogodi a ko balila aw la wa ? 

Mali ni Burkina ni NIGER bɔli Francophoni na a kɔlɔlɔw bi se ka kɛ jumɛn de ye aw yɛrɛ bɔlɔ.

O kɔ kabɔ francophonie kasɔrɔ i ka jamana bɛ baarakɛ ni français kan ye aw yɛrɛ ye mun famun o kola ?

Kuma ye aw ta ye sisan sisan , nɛkɛjurusira ye 00221-76-644-12-79  a labilabɛn bɛ aw bɛ ye.

Wassa ka jabi di aw ka ɲigaliw ma kunafonidila ani politikiko donbaga Thiambel Guimbayara de bɛ an bɔlɔkɔrɔ ka bɔ Paris.

Foli lakurayalɛn don aw yɔrɔ, kalata miliyɔns 8 ani kɔ olu de tɔgɔ dara kɛnɛkan Côte d'Ivoire kalata koɲɛbɔ kulu CEI fɛ kunu.

Tile 15 kɔnɔ jateminɛ bina kɛ kalata sɛbɛn in kan wasa ka a filɛnw latilɛn yanni o baara cɛ, jamanaɲɛma kɔrɔ Laurent BGAGBO massuruna mɔgɔw ni Charles Ble Goudé masuruna mɔgɔ de bɛ ka u ka dusutiɲɛ jira u tɔgɔ yebaliya kalatasɛbɛn in kan. 

Marabagaw kɔ cɛ fila nunu ka ɲagili tɛmɛnew de kama u toko jɔcira ka bɔ kalata sɛbɛn in kan , n’ga PPACCI tondɛnw ni COGEP taw ko ni bɛ ye politiki ko dron de ye wassa ka Laurent Bagbo ni Charles Ble Goudé senbɔ kalata nata la.

Yala aw ye o ko ye di ?

Aw ye kalan kɛ fanaCôte d'Ivoire: Kalatala mɔgɔ 8.700. 000 de tɔgɔsɛbɛnnen don jamanaɲɛmaakalata nata la

Jigiya bɛ ye alisa wa wssa cɛ fila ninnu tɔgɔ ka segin kalatasɛbɛn kan yanni juin kalo nata cɛ wa ?kumaw cayali kalata sɛbɛn in ni kalata kɔɲɛbɔ kulu tabɔlɔ kan yala o ka kan ka mɔgɔ jɔrɔ wa ? an bɛ aw ka hakilina cilɛnw lamɛn sisan sisan, wassa ka jabili di aw ka ɲinigaliw ma an ye ci sama satigi kone de ma ka bɔ cote d’ivoire .

Ka kɛɲɛ ni  Alpha conde,  la Guinée jamanaɲɛmaa kɔrɔ ka politikitɔn  RPG arc-en-ciel ni UFR politikitɔn ka baaraw jɔli ye kalo saba kɔnɔ dɔgɔkun tɛmɛnen, an bɛ  hakilijagabɔ kɛ  bi politikitɔnw ka layala de kan fangadafirijamanaw kɔnɔ bi.
K'a ta la Guinée, ka na se Mali ni Burkina ni Niger ma, politimɔgɔw bɛ gɛlɛya kɔnɔ nin jamana nunu bɛɛ la kabini sɔrasiw ye  fanga ta. N'u ka baaraw ma sonsori fan min na, i b'a sɔrɔ kumada minɛnen bɛ u la yen.

Yala o ko dun bɛ se ka faamn cogo di ? mun de bɛ ka sɔrasiw ni politikitɔnw dɛssɛ ka baara kɛ ɲɔgɔn fɛ ? Min ye politikimɔgɔw yɛrɛ  fana ye, yala olu dun bɛ se ka  mun  kɛ walasa u si kana tunu nin fangadafiritile in na?

An b'aw ka hakilina  lamen nin de kan bi.  Bi mɔgɔ welelen  ye Moussa Samoura  ye ka bɔ  Conakry , politikiko dɔnbaga don.

Aw danse kokura, an bɛ foli fana lakuraya an lamɛnbaga cɛ ani musow bɛɛ lajɛlen.  Nin y’aw ka dɔgɔkun kibaaru kenɛ sigi tɔ ye RFI Mandenkan san fɛ.

Bi, an bɛ na taa Sahel jamanaw kan, RD Congo, ka taa ko kuncɛ Russie ani Ukraine kɛlɛw dakun la.


Bi ani Brehima SIDIBE de bɛ na ɲɔgɔn sɔrɔ kabɔ Fransi faaba Paris sanfɛ kalansoba la jamanaw ni ɲɔgɔn cɛ politikiko dɔnbaga ŋanan don.

A b’an bolo nɛkɛjurula kaban an n’a bɛ na ɲɔgɔn sɔrɔ sisan sisan ka dɔgɔkun kunafoniw la kumaba dɔ walawala…

Juma foli lakurayalɛn bɛ jumukan in kanubagaw bɛ yɔrɔ.
An bɛ aw sakola bi kura aw ka laɲini kɔnɔ an bina, ta farafina kɔkan ka kuma etat unis ka jija ka wassa, ka  kalo kɛlɛn kɛlɛ jɔ bɛnkan sɔrɔ Ukraine ni Russie cɛ ni wale in kun bɛna ka ɲɛ Volodymyr Zelensky fɛ Ukraine jamana, Russie ka Vladimir Poutune bɛ ka sigidon a ko la alisa , an bi aw  ka filɛli toko sɔrɔ o ko kan sɔni.

O tɛmɛnen kɔ aw mun ka laɲini ye ka seguin CAF ɲɛmaa  Patrice Motsepe ka sarati fɔlɔ baarakɛlɛnw, kan walima yɛrɛ Ghana jamanaɲɛmaa ka tile saba taama na AES jamanaw kɔnɔ, aw fana bina kuma sɔrɔ,mun ye aw ka ɲinigaliw ye , aw kana jɔrɔ olu fana kola ni wati ma korɔn u bɛ bina jabi sɔrɔ.

I n'a fɔ aw bɛ a kalama cogomin, san 4 mara kɔ , Afrique du sud jamanaden Patrice Motsepe sigira ko kura farafinna ndonlantan ko ɲɛbɔ jɛkulu CAF kuna kunu wasa ka sarati filanan kɛ. O sira tɛ kɛla an bɛ kuma labilaw ye bi  cɛ in ka sarati fɔlɔ baarakɛlɛnw de kan.

San 4 tɛmɛnen in kɔnɔ yala Patrice Modsepe  ye ɲɛtaga jumɛn lase farafinna ndonatan ma aw yɛrɛ bɔlɔ, a ka dɛnsɛw  ko fana kɛra mun de ye. 

O kɛrɛfɛ yala aw ka hakilinanw ye jumɛn ye ka ɲɛsin Samuel Eto'o fils fana ka sigiyɔrɔ sɔrɔ ma CAF koɲɛbɔ juɛkulu kɔnɔ. An bɛ aw ka fɛlaw lamɛn sisan sisan.

Wassa ka jabi di aw ka bi ɲinigali gɛlɛnw ma , anga Paris lasigiden Sira Niambele de bɛ en bɔlɔ kɔrɔ ale ndonlantan kunnafonidila.

Aw ye kalan kɛ fanaCAF: Patrice MOTSEPE sugandira kokura bi CAF ɲɛmaya la

Walasa ka Ghana ni AES jamanaw ka baaraɲɔgɔnya kologiriya ani ka tɔn in ni CEDEAO cɛ  bɛn , Ghana jamanaɲɛmaa john Dramani Mahama ye taama kɛ Burkina ni Mali Niger nin tile fila in na. 

Tagama in senfɛ jamanaɲɛmaa sinsinna ko minnu kan o dɔ ye tɛgɛdiɲɔgɔnma kɛli ye AES jamanaw ni Ghana cɛ walasa ka jatigɛwale kɛlɛ ani k'u ka sɔrɔw yiriwa.

Fan wɛrɛ fɛ John Dramani Mahama tun makɔnɔnen bɛ soronalidonni kɛli min na Cedeao ni Burkina ni Mali ni Niger cɛ , o kuma de ma mɛn kosɔbɛ bawo Ghana jamaɲɛmaa ko a ka fisa CEDEAO ka AES lakodon ani u ka baara kɛ ɲɔgɔn fɛ.

Yala aw don ye nin dɔnsenfalen in ko ye cogo di ? AES ni CEDEAO bɛna sɔn ka jaabi ɲuman di nin welekan in ma  wa? 

Aw yɛrɛ ye mun de faamu John Dramani Mahama ka tagama in tɛmɛko n'a kuncɛkanw la ? 

Walasa k'aw ka ɲiningaliw jabi, an ye weele bila Jean François Marie Camara de ma  ka bɔ Bamako CEDEAO ani politikikɔw dɔnbaga don.

Ukraine ni Russie ka kɛlɛ bɛ ka sira kura ta. Etats unis jamana ɲɛmaa Donald trump ye fɛɛrɛ min da kɛnɛ kan kɛlɛ  banniko la, o ko tɛ ka taa Erɔpu jamanaw  ni Ukraine jamana ɲɛmaa si jiminsira  fɛ. O sababu la fan fila nunu kɔ donnen bɛ ɲɔgɔn na, Etats-Unis y'a latigɛ k'a ka sɔrɔsiyadɛmɛw jɔ ni Ukraine ye fɔlɔ. France ni Erɔpu jamana tɔw ko kɛlɛ in tɛ se ka bila tan, o kama olu ye wari dɛmɛ kura ni sɔrasiw bɛɛ  kofɔ Ukraine jamana ye. 

Yala aw ye nin ko ye aw ye mun de faamu kɛlɛ in taabolo la?  Yala mɔgɔ ka kan  ka jɔrɔ a kana kɛ sababu ye ka jamanabaw yɛrɛ dama kari ɲɔgɔn na wa? 

An b'aw ka hakilinaw n'aw ka fɛlaw lamɛn nin de kan.  Walasa ka jaabili di aw ka bi ɲiningali ma, an ye ci sama Thiambel Guimbayara ma ka bɔ Paris kuunafonidila ni politikiko dɔnbaga don.

I nafɔ juma o juma an ni ninsɔndiya de bɛ bi ka kɛnɛ fana sigi aw ye.
I ko aw bɛ a kalama cogomin juma ladaw tɛ falen yan wa u tɛ wuli.

Aw diyaɲɛn babuw la bi, aw ye yɛrɛ de ye a laɲini kosɔbɛ an ka Mali la ka kuma yɛn salen taxe kura saraliw kan o min laweleyala nin dɔgɔkun in na.

An bɛ aw ka fɛlaw sɔrɔ o ko kan sɔni. O tɛmɛn ko aw minnu b'a fɛ ka seguin Guinée minisiri ɲɛmaa ka sankɛlɛn baarakɛlɛnw kan, walima Guinée Bissau politikimankan kan ka ta se ɲɔgɔn famuya baliw kan Ukraine ni Russie ka kɛlɛ kunkan aw bɛ bina kuma da sɔrɔ. mun ye aw ka ɲinigaliw fana ye ɲinan tina kɛ olu kɔ.

Aw ye kalan kɛ fanaAw ka nin dɔgɔkun jɛmukan bɛ kuma Mali salen kuraw de ka

I ko aw bɛ a kalama cogomin Guinee Bissau jamanaɲɛmaa y'a yira nin dɔgɔkun in na ka a bina kɛ cɛbɔye Novembre kalo nata jamanaɲɛmaayakalata. Oumourou EMballo Sissoko ka nin dantigɛli in fɔra dantigɛli wɛrɛ de kɔ septembre kalo tɛmɛnen  o min na tun ko ale tɛna sarati wɛrɛ ɲini.

Jamanaɲɛmaa in, ka ni dafalen bi ka kɛ ka Guinée Bissau to politiki gɛlɛyaba de kɔnɔ. Ni ye a san ɲɔɲɔn ye wasabulon tɛ jamana in kɔnɔ, fangasina fana ko u tɛ Oumarou Emballo Sissoko lakodon u ka jamanaɲɛmaa ye bilɛn  ka kɛɲɛ ni a ka sarati fɔlɔ bani ye février kalo tɛmɛnen in na. 

O siratigɛ de la CEDEAO ka ciden tun tara fɔkabɛn ɲini fan  fila ninnu cɛ dɔgɔkun tɛmɛnen nka jamanaɲɛmaa in labana ka olu fana gwɛn ka sababou kɛ kuw ka ta bɔlɔ ma a diya.

Yala aw ye mun famun ni ko bɛla?

Aw ye kalan kɛ fanaGUINEE-BISSAU: Umaro Sissoko Emballo ka cɛbɔya tɛ ka bɛn fangasinaw ma

Oumarou Emballo Sissoko ka yɛrɛ sɔsɔ in bi seka bila minɛ jumɛn kɔnɔ ?

Mun ye ani a ka fangasina ye,  jɔn de bi seka olu fana cɛfɔ ka bɛn bi CEDEAO ka dɛssɛ kɔ ?

An bɛ aw ka fɛlɛw lamɛn sisan. Wassa ka jabi di aw ka bi ɲinigali gɛlɛnw ma an ye ci sama Mamadou KANTE de ma ka bɔ Dakar kunafonidila ni politiki ko dɔnbaga don.