Kuma bɛ aw bolo

Marabahaw y’a latigɛ ka malo donni lalon fɔlɔ jamana kɔnɔ, fɔ san 2026 utikalo tile 15. O be bila u ka politiki fɛɛrɛw minan kɔnɔ, sɛnɛko yiriwali la. O hokumu kɔnɔ. Sisan wadjibi don ka malo san jamana kɔnɔ n'i b’a fɛ ka dɔ san kɔ kan. Sénégal jagokominisiri ka ntɛnɛdon dantɛgɛlisɛbɛn b'o de jira.
Nka Sénégal malo jagokɛlaw fɛ nin ye gɛlɛya fan kelen de furakɛli ye tan. 

Sénégal y’a ka dɛmɛ jira kɛnɛkan Macky SALL la diɲɛ tɔnba ONU ka cɛbɔya siratigɛla.Jamana in kɔkankow minisiriso de y’o lase kɛ dantigɛli sɛnbɛn dɔ kɔnɔ kunu ntɛnɛn.

O kɛra, kile saba Macky SALL ka tagama kɔ Dakar min senfɛ ani jamanakuntigi Bassirou Diomaye FAYE ye ɲɔngɔn ye. A ka bɔlɔlɔw sanfɛ , Macky SALL ye foli lase senegal ma a ka dɛmɛ 

Bassirou Diomaye Faye, Sénégal jamanakuntigi de sugandira CEDEAO fɛ ka kɛ tɔn in ɲɛmɔgɔ ye san kelen nata la. A yɛrɛ y'a dantigɛ kabini o don. A y'a jira k'a bɛ gɛlɛyaw kalama, ɲɛ ka kan ka sin minnu ma. O dɔw ye, ka yɛlɛmaw don, CEDEAO ka baaraw la. Aw hakili la, baara ninnu bɛna nɔgɔy'a bolo wa? mun ni mun de bɛ k'a makɔnɔ kɛrɛnkɛrennenya la? 

A baaraw kuncɛra kunu karidon Etats-Unis jamana kɔnɔ, wa a labanna ni Espagne ka sebagaya ye. A ka celu donna Farankan waati de la,  sanga 106nan Ferran Torres fɛ. Ninsɔndiya tun ye Espagne ntolantannaw n'u kɔkɔrɔmadonbagaw ta ye kunu.

Argentine ma se ka segin so ni jɔnjɔn filanan ye katugu ɲɔgɔn kɔ. U dɛsɛra Espagne ɲɛkɔrɔ, celu 1 ani fu. Yala aw ye kunu finali ɲɔngɔndan ye cogo di? Ɲinan ɲɔngɔndanba in jatew ye jumɛn ye aw bolo?  O min senfɛ celu 307 donna.

Bi juman aw segin ka caya Coupe du monde demi fianle ɲɔngɔndanw kan, aw seginna fana Mali ni ALgérie ka bɛn kan, aw kumana babu kura kan n'o ye Sénégal jamana ɲɛnma Macky SALL ka nanli ye Sénégal a ka cɛbɔya hukum na, diɲɛntɔnba ONU ɲɛnmayara. An bi na kuma di aw ninnu babuw saba bɛ kan ni wagati ma an ta an tɛgɛ ma, aw nɛgɛjuru sira kɔnkɔn +221 76 644 12 79.

San kelen ani kalo saba furuku-furukuw kɔ, Mali ni Algérie y'a lase k'u y'u ka sanfɛdancɛw dayɛlɛ ɲɔgɔn ye kokura juma tɛmɛnen na. Ka far'o kan,  Mali ka lasigiden seginni Algerie, ani Algérie fana ta ka seginni Mali la. Jamana fila nunu ka furuku-furuku daminana sɔrasiw nali kɔfɛ fanga la. Mali ye Algérie jalaki k'u sen b'u  lakanako gɛlɛyaw la. Nga Algerie tun y'o jalakilikanw bɛɛ sɔsɔ.

Latigɛ don min tara ka kɛɲɛ ni Mali sɔrasiw n’u dɛmɛbaga russiw ka sebaaya sɔrɔli ye Anéfis FLA banbaganciw kan, olu minnu furadama jatigila ye Algérie jamana ye. Faamuya cogo jumɛn de bɛ se ka sɔrɔ nin kow la? 

Pape THIAW tɛ Sénégal ntolantannaw ka degekaramɔgɔ ye kabini sibiri tɛmɛnen. Ntolantan koɲanabɔkulu y’a latigɛ k’a ka baraw jɔ waraw senbɔli kɔ Coupe du monde naa Belgique bolo.  Kasɔrɔ u tun bɛ ɲɛ ni celu 2 ani 0 fu, foo ntolan sanga 86 nan la. Dakar dugukɔnɔmɔgɔw ka hakilinaw tɛ kelen ye nin latigɛ in kan, dɔw fɛ, fosi tun tɛ se ka kisi nin ma nga dɔw fana k’o tamasiɲɛ ɲuman tɛ Sénégal ntolantan ma.

A ka dantigɛlikɛnɛ sigilen sɛnfɛ kunu ntɛnɛn, Sénégal ntolantan koɲanabɔjɛkulu ɲɛmaa Abdoulaye FALL ye jatɛminɛ kɛ jamana ka "coupe du monde" dɛsɛw kan. O min senfɛ, a ye degekemɔgɔ Pape THIAW tɛgɛ bɔli a ka baara la ɲɛfɔ, ale fɛ dannayabaliya de y'a ko kun dɔ ye. O kɛrɛfɛ fana ntolantankulu in n'a ɲɛmaa y'a lakodɔn ko Sénégal ka nin dɛsɛ kun fanba ye labɛnbaliya  ye. Aw hakilina ye mun ye Sénégal degekaramɔgɔ bolo bɔliko la a ka baara la? 

Ɲinan coupe du monde 1/4 finali ɲɔgɔnkunbɛnw kɔfɛ, demifinali tanbagaw dɔnna. Wa mɔgɔ caman fɛ, a ma kɛ balinako ye, bawo kulu  ŋana 4 minnu tun makɔnɔnen don, olu de ye demi finali sira sɔrɔ.  

Yala aw fana fɛ, balinako ma kɛ 1/4 de finalIw La wa? aw bƐ se ka jatiminɛ juman bɔ ɲɔngɔndanw tɛmɛcogo ra?

Sigi kɛlen don ka 1/4 de finali ɲɔgɔnkunbɛ fɔlɔ makɔnɔ bi, Maroc ni France cɛ. Nin t'a siɲɛ fɔlɔ ye, ntolantankulu fila ninnu ka ɲɔgɔn lasɔrɔ. Salon Coupe du monde na, France de tun ye Maroc senbɔ demifinali la.

O yɛrɛ tun ye Maroc siɲɛ fɔlɔ ye, ka demifinali sira sɔrɔ. A baaraw kɔni tena nɔgɔya France ɲɛkɔrɔ. Bawo, halini France ntolantankulu garisigɛ ka bon, Maroc fana b'a ka wagati la. Ntolantan in bena kɛ Boston, Etats-Unis jamana kɔnɔ. Yala, u bena se ka sira sɔrɔ kokura wa?

Yala aw fɛ Maroc bɛn'a ka salon mɔnɛ bɔ France la wa? .

Sanfɛkalanfa dɔw ka ɲininiw kɔ ji feeretaw kan,  o y'a yira ko ji min bɛ feere mananforoko kɔnɔ kɛmɛsara la 82 de man ɲi. walima,15 o hakɛ cɛma , banakɔtaga yɛrɛ de bɛ sɔrɔ olu la. 

Ka fara jagokow minisiriso ka lasɔminiw kan, kunu Sénégal jɛkulu min bɛ sannikɛlaw ka hakɛw lafasa de y’i kanbɔ. Sannikɛlaw ka hakɛ lafasajɛkulu ɲɛmaa ka fɔ la, ko marabagaw jɔyɔrɔ ka bon nin ko la wa ko filiw ka kan ka ka latilen walasa ka sannikɛlaw lakana. 

Yala aw ka jamanaw kɔnɔ ji min bi feere mananforokow kɔnɔ, o bi lahala juman  na? mun ka kan ka kɛ yasa sannikɛlaw ka fɛn sanuman sɔrɔ.

Bi Laguinée sannikɛlaw ka lafasakulu ɲɛmaa Bany SIDIBE b'aw ka ɲininkaliw jaabi.