Kuma bɛ aw bolo

Patrick Vieira de tara ka kɛ Sénégal ka waraw ka degekaramɔgɔ kura ye Pape Thiaw nɔ na. Patrick Vieira bangera Sénégal, nka France jamanaden n’a ntolantanna kɔrɔ don min tun ye tɔgɔba sɔrɔ diɲɛ ntolatanko dakun na. A tun bɛ san 1998 Coupe du monde jɔnjɔn tabagaw cɛma ka di France ma. Kabi san 10 ɲɔgɔn sisan Patrick Viera ye ntolantan degekaramɔgɔ ye. A ye Club dɔw dege ka tɛmɛ iko USA New York City, France ka Nice, Strasbourg ani Angleterre ka Crystalpalace.

Nka, a ma se ka koba kɛ nin yɔrɔ kofɔlenw si la. Nin yɛrɛ bɛna k’a siɲɛ fɔlɔ de ye jamana dɔ ntolantantɔn ka kalifa Patric Vieira la, wa kabi san 2025 novanburukalo la, ntolatantɔn tun kalifalen t’a la tuguni. 

Aw yɛrɛ hakilina ye mun ye Patrick Vieira ka nali in na Sénégal ka waraw kunna?  Aw bolo a bɛna se ka fɛn kɛ ka tɛmɛ degekaramɔgɔ kɔrɔw kan wa?  olu laban fila minnu ye CAN di jamana in ma.

Gɛlɛyaw ni ɲɔgɔn faamuyabaliya minnu bɛ ntolantɔnw kɔnɔ aw fɛ a bɛna se ka k’olu bɛ ɲɛnɛbɔ ni ka laɲiniw sabati joona wa? 

Ko ka dugu kolo lasegin a cogo kɔrɔ, nin ka jigiya lasegin. O de ye  jinan COP17 baabu ye min baaraw bɛ senkan nin waati Mongolile jamana kan fɔ Oautr kalo tile 28 nata.

Jakungo kɛlɛli lajɛ beleble don, min talikɛlaw bɔra diɲe jamana 200 ɲɔgɔn kɔnɔ waasa kana hakili jagabɔ kungo halakili kunw, a kɔlɔw n’a fɛɛrɛw kan.

Sanubɔ ko jugu, foro-kurabin dantɛmɛ, kungo jeni, tuw tigɛli ka kɛ began mara yɔrɔw ye…ka fara waati yɛlɛma kan, o ko ɲɛdɔnbagaw bɛka tekɛ sin nin bɛla minnu bɛ se ka kɛ ja sababu ye …

Ja kungo, o tɛ dunan ye farafinna bawo Farafinna ka yiriwa waribonba… BAD ko farafinna dugukolo kɛmɛsara 45 de tiɲɛna.

A ko ka jugun farafinna tilebinyanfan jamanaw yɛrɛ de kɔnɔ bawo ko san o san já be kungo kilomɛtɛrɛ 5 ɲɔg ɔn de dun… CEDEAO ka sɛne ani baloko bolofara ka jate dilen don…

Nka yala o já-kungo walangatali teliya bɛka aw jɔrɔ wa… Aw y’a jate minɛ aw ka sigidaw la ko kungow bɛka dɔgɔ wa ani ka camanba bɔ sɛnekedugukolow barika la…

Yala farafinna ka sɛnɛ sininɲɛsigi be faratila wa…Nin tiɲɛniw, hadamadenw bolo nɔ don wa tɛri waati-yɛlɛma yerɛ n’a kɔlɔlɔw dɔnrɔn don… fɛɛrɛ jumɛn b’a ko la… 

A  y'an weele 00221 76 644 12 79…

Burkina Faso, marabagaw ka latigɛ kura dɔ kumaw cayalen don kɔsɔbɛ nin don labanw na.

Kunnafonidilaw kalanni sɔrasiya baaraw la san o san, kɛɲɛrɛ ye taw fara foroba kunnafonidisow kan.

U k’a ma « immersion patriotique » Faso kanu-walew ɲɛdɔnni n’a bɛ se k’a fɔ ten.

Kunnafonidila kulu fɔlɔ taara o baara degew kɛ kjaban… u mɔgɔ 44, cɛw fara mùusow kan kabɔ kunnafonidiso caman kɔnɔ.

 U labɛnen sɔrasi finiw la ni maa kofɔlenw ye tile caman kɛ ka sɔrasiya baaraw kalan iko marifa kologrinw cili…

Burkina marabagaw ka fɔ la k’a dabɔra kunnafonnafodilaw ka sɔrasiw ka baaraɲɛdɔn nin lakanako gɛlɛya waati in na waasa k’u ka fɔtaw ni kɛtaw dɔn jatigewale kɛlɛ kunkan.

Nka, kunnafonidilaw ka lafasalitɔnw caman y’a ko sɛbɛ kɔrɔ kɔ nin k’u ka jɔrɔyira nin latige sugu la… Olu ka faamuya la k’a bɛna kunnafonidilaw waajibiya k’u makun wali ma ka fiyɛn bila u ka kunnafoni jɛlen dili la.

Ko wɛrɛ kumaw cayalen bɛ min nɔfɛ o ye sariya kalan in wajibiyali n’a waajibiya Baliya de ye kunbnafoinidilaw kan. Ni burkina yɛrɛ kunnafonidiso dɔw kɔnna k’o lase y’ani u ka segin kɔ kɔkan kunnafinidiso caman y’oi de carin.

Yala aw fɛla ye mun ye nin latige sugu kan. Aw bolo, kunnafonidilaw ka sɔrasiya baara dge in ye fasoɲumenya taamisyɛn ye nafa bɛ min n awa… tɛri a bɛ dankari don kunnafinidi yɛrɛyeya la.

Transformateurs politikitɔn ɲɛmɔgɔ Succès Masra ani GCAP farankan politikitɔn  ɲɛmɔgɔ seegin de ko don. Succès Masra yɛrɛ bɛ kaso la kabi kalo 15 ɲɔgɔn k’a ye kuma dɔw fɔ minnu kɛra sababu ye ka siyaw kari ɲɔgɔn na ni ka maa 40 ɲɔgɔn bɔnɛ u nin na. A tun kiirila ni k’a ɲangi san 20 kaso la. Nka juma tɛmɛnen ka kɛɲɛ ni jamana ka yɛrɛmahɔrɔnya laɲɛnɛmayali ye, jamanakuntugi, Mahamat- Idriss Deby ye yafa birifina da ale ni GCAP politikitɔn ɲɛmɔgɔ seegin tɔw bɛɛ kan.

 

Ko wɛrɛ, hali ni yafa kɛra u ma nin fangasinaw si tɛna se ka kɛ cɛbɔ ye kalata nataw la Tchad.

O bɛɛ n’a ta Succès Masra ka kuma fɔlɔw kɛra tɛgɛbɔli de ye ka baaraɲɔgɔnya kɛ jamanakuntigi ye, ko jamana ka bɛn ni kelenya kama. Yala aw y’o kow faamuya cogo di? Aw bolo nin labilali ninnu dabɔra Tchad ka politiki kɛnɛ basigili de kama wa? 

 Tɛri politikiko dɔrɔn de don walasa ka fangasinaw jolo kari? 

Yala Mali sɔrasi 82w ka kunu labilali ni France jamanaden Yann Veselier ta sirilen bɛ ɲɔgɔn na wa…. A ko kɔnin kumaw cayalen don barodaw ni bɔlɔlɔ forobabarokɛyɔrɔw la…

O sɔrasiw tun minɛnen bɛ JNIM jatigɛwalekulu ni FLA banbagaciw fɛ kunnafoniyaw la u caman minɛ na Avril kalo temɛnen kariɔgɔnaw de sen fɛ Kida, Mali kɔrɔyanfan na. 

Dantigelisɛbɛn dɔ kɔnɔ, Mali marabagaw ko nin labilaliw kɛra cɛsiriw caman de kɔ kabi n’u minɛ don kelɛdaga la…

Fan dɔ fɛ u ye dantigɛli wɛrɛ kɛ, k’o jamanakuntigi Assimi Goita ye yafa birifinida  France jamanden ni gudolakunnafonikow cakɛda baarakɛla Yann Veselier kan.. 

Maroc Musow ka CAN finali tanbagaw dɔnna surɔ. Cameroun ka Musow ni Malawi taw de bɛna ɲɔgɔn sɔrɔ o kɛnɛ kan karidon. Malawi ye bɛɛ dabaliban, sabu la nin y’olu siɲɛ fɔlɔ ye ka na musow ka CAN ntolan kunbɛnba in kɛnɛ kan. O CAN min yɛrɛ daminɛnen ni sisan cɛ, ko belebele, ɲɛ tɛmɛ man di min kan, o ye jama yebaliya ye ka musow kɔkɔrɔmadon.

A kunbɛn caman de kɛra iko ntolantankɛnɛ lakolon to. Nka CAN dɔrɔn tɛ,  hali Farafinna yɛrɛ jamanaw kɔnɔ Championaw san tɔw kɔnɔ, Musow ka ntolantan bɛ nin cogo de la.  A ko bilaman bɛ ka farafinna ntolantannamusow ka cɛsiriw kɛ dibilabaara ye.

Aw bolo kun jumɛn na, farafinna jama tɛ bɔ ka musow ka ntolatanw kɔkɔrɔmadon? 

Danfaraba min b’a ni cɛw ta cɛ ɲɛfɔcogo jumɛn de b’o la ? Yala kunnafoniko ni nafolodonbaliya de don wa? 

Tɛri musow yɛrɛ ka ntolantan sen de tɛ kɔkɔrɔdonbagaw ɲɛminɛ?  

An ka Paris lasigiden ni farikoloɲanajɛ kunnafonikow dɔnbaga Sira Niambele, de ben’aw ka bi ɲiningaliw jaabi.

Sénégal, a ko kumaw cayalen barodaw la. Jamanakuntigi ani jɔrɔyɔrɔbatigiw ka nafolo kofɔli de kodon jama ye yann’u ka baara daminɛni cɛ, ani u bɔtɔla o jɔrɔyɔ la. 

Pastef politikitɔn ka sariya dayiralen don min bɛ ka fɛsɛfɛsɛ wasabulon ɲɛma kabi ntɛnɛndon. Zuwɛnkalo tɛmɛnen,  sariyasunba kɔslɔsilikiribulon tun y’i ban nin sariya in ni sariya caman wɛrɛw la ɲɔgɔn fɛ. 

Nka sisan Pastef wasadenw ye sariya in ta a kelen na kana da wasabulon ɲɛkɔrɔ  min bɛ sariyasen 37nan kunkan sariyasunba kɔnɔ. Ko jamanakuntigi k’a bololanafolo hakɛ fɔ jamanadenw ye sarati daminɛ n’a kuncɛli waati. O ka fara a ka kalenbkandi sariyaw kan.

Laɲini ye k'u ka jɛlenya ni tilennenya lasinsin forobanafolo labaarali la. Nka Sénégal dɔrɔn tɛ,  nin laɲini bɛ kɛ farafinna jamana kan. Yala aw ye mun faamu nin sariya in ko la? 

Aw bolo jamanakuntigi ka nafolo kofɔli ye kɔlɔsili ni jɛlenya taamasiyɛn sinsinen wa? tɛri politikiko hakilina dɔ de don dɔrɔn nafaba tɛ min na.

Guinée-Bissau, fangasinaw k’u tɛ jɛ n’u dɛnni ye kɛrɛfɛ, cedeao ka kumaɲɔgɔnyaw la.  O kɛra CEDEAO ka cidenkulu fila bɛɛ ka Bissau taama de ye kɔsa in na. Ka fangadafirisɔrasiw bɔ a la u ni politikitɔnw ni jamanaden tɔgɔlatɔn si ma kuma i n'a fɔ a tun bɛ cogo min kakɔrɔ. 

O kama, fangasinaw bɛ ka farafinna tilebiyanfantɔnba  in jalaki k’o ka soronadon baaraw bɛ ka kɛ ko fan kelenma de ye. wa k’u ni fangadafirisɔrasiw bɛ bɛnbɛnbɛn de la hakilinaɲinikalata "referêndum" labɛnni ko la fangasinaw ma jɛn n’o min ye.

Aw yɛrɛ hakilina ye mun ye o kow kan?  Aw bolo cedeao ye dan sago wa i n'a fɔ fangasinaw b’a fɔla cogomin wa? tɛri kumaɲɔgɔnya kɛli ni donnatɛmɛnfanga marabagaw dɔrɔn ye, o de y’a fɛɛrɛ ɲuman ye? 

Jamana in ɲɛmɔgɔyabulon  kura don min ɲɛmɔgɔya minɛna jamanakuntigi kɔrɔ n’a hakilina sigibaga Patrice Talon yɛrɛ fɛ, fɔ san duuru nata. U mɔgɔ 25 de b’a kɔnɔ, jamanakuntigi kɔrɔw, minisiri jɔyɔrɔbatigi kɔrɔw, wasabulon ɲɛmɔgɔ kɔrɔw ka fara sariyasoba ɲɛmɔgɔ kɔrɔw kan. Nka a ko kumaw cayalen don,  Ka da Senat ka baara kan n’a sigicogo, kala te ta u ye, u bɛɛ lajɛlen bɛ sugandi wa olu de bɛna jamana sariyakow n’a politikow bɛɛ kɔlɔsi don nataw la Benin.

 

Misali la, sariyasunba kɔnɔkow yɛlɛmani, walima kalata sariyaw, fɔ ka taa se politikimaaw ka jamandenya n’u ka politikiko hakɛw sonsoroli ma, walima k’u bɔsi pewu.

N’u ye wale kɛ walima ka kumaw fɔ, min bɛ dankarikɛ jamana ka yɛrɛyeya n’a ka basigi la. O min bɛ ka mɔgɔw jɔrɔ a kana kɛ fangasina da bilali sababu ye bara kɔnɔ.

Aw yɛrɛ dun aw fɛla ye mun ye Senat in ko kan Benin?  Yala basigi ni jamana ka bɛɛjɛfanga sinsin fɛɛrɛ don i n'a fɔ Patrice Talon y’a fɔ cogo min wa? 

An bɛn’an dadon aw ka baabu sugandilen saba de la. FIFA ɲɛmɔgɔ Gianni Infantino ni diɲɛ gun wɛrɛw ntolan koɲɛŋɛbɔkuluw ka ɲɔgɔn sama-samaw nin don labanaw na.

O sɔrɔla diɲɛ ntolankoɲenɛbɔkulu ɲemɔgɔ ka hakilina dɔ de laɲini kan n’o ye ka keɲɛrɛye sɔrɔbatigiw sendon ntolanko ɲɔgɔndanw labɛnni fan fila bɛ k’i ka tɔnɔ sɔrɔ jagoko boloma. Kumaw cayali kɔsɔn Fifa y’a ko b o a ma ka tila ka yafadeliw kɛ ko fili y’u sɔrɔ.

O ben’a ta Hakilina in ma kunbɛ ni ɲɛɲuman ye tɔn caman de fe diɲɛ kɔnɔ… Eurɔpe jamanaw ka tɔn UEFA, Asie jamanaw ta fɔ ka taa Amerique gun taw ma Cocacaf.    

U ye Gianni Infantino sɛbekɔrɔ kɔrɔfɔ k’a b’a fɛ ka notolanko don ŋalamana… Aw y’o ko faamu cogo min an bɛ n’o hakilinaw lasɔrɔ.

An be sɔrɔ ka taa Laguine ka kuma Forces Vives de la nation fanga sinamatɔnw ka la tigɛ kan…

N’o ye k’u tɛna jamana fan,gabondaw lakodɔn tun minnu sigira kalata labanw sen fɛ jamana in kɔnɔ… 

Laɲini ye ka Mamadi Doumbouya ka fanga kɔ.. u ka fɔ la k’o min bɛka mara kɛ yuru-yuruku ani fariyanwalew kan ka ɲɛsi a ka fanga kɔrɔfɔ bagaw ma.

Ni waati m’an ta an tɛgɛ ma  an be sɔrɔ k’a ko kunce CEUTA Espagne ani Maroc dancɛ dugu min na sifin ba 70 ɲɔgɔn tun y’a ɲini ka don Eurɔpu hali n’u fanba kɔseginna ako kɔnin ye ɲinigaliw caya… 

janogo maa 70 ni de bɔnɛ u ninw la jitigɛ sen fɛ…wasa ka talikɛ jɛmukan na nin baabu dɔ kan, an y’an weele, nɛkɛjurusira labilalen don  00021 76 644 12 79