កញ្ញា កឹម កែវសុជាតិ ជាសិល្បករគំនូរសហសម័យមួយរូប ដែលបានប្រើប្រាស់ទេពកោសល្យគូរគំនូរប្លែកពីគំនូរដទៃ។ រូបគំនូរនីមួយៗរបស់និស្សិតបរិញ្ញាបត្រគំនូរវិចិត្រកម្មរូបនេះ គឺតែងបានបញ្ចូលអតីតកាល បច្ចុប្បន្នកាល និងអនាគតកាលនៅក្នុងផ្ទាំងគំនូររបស់ខ្លួន ដោយផ្សារភ្ជាប់រូបគំនូរទាំងនោះឲ្យមានព្រលឹងរស់រវើក​នឹងវប្បធម៌របស់ខ្មែរ។ កញ្ញា កែវ សុជាតិ រៀបរាប់ថា ការបញ្ចូលព្រលឹងទៅក្នុងរូបគំនូរ​ គឺប្រៀបបានជាការដាស់ស្មារតីយុវជនឲ្យរៀនចាប់អារម្មណ៍នូវអ្វីដែលដូនតាបន្សល់ទុកឲ្យ សម្រាប់ជាប្រយោជន៍តទៅអនាគត។