La classica

Dus geners atgnamain dal tuttafatg differents: La sinfonia è in gener instrumental. L'opera percunter collia musica, chant e moviment ed è plain emoziuns. E tuttina pon ins constatar tar Mozart lioms tranter quels dus geners. Ils onns 1780, cura che Mozart viveva a Vienna, cumponeva el tant operas sco er sinfonias. Uschia han ovras da quels differents geners er influenzà ina l'autra. Quai sa mussa per exempel tar la «Prager Sinfonie» e l'opera «Le Nozze di Figaro».

L'incarica per cumponer la sinfonia ha Mozart be retschavì, perquai che l'opera aveva in tal grond success a Prag. Omaduas ovras dateschan dal medem onn ed era musicalmain datti in connex: En in duettino da l'opera surpiglia Mozart in motiv ritmic caracteristic sco era la tempra hectica dal terz moviment da la «Prager Sinfonie».

Il cas cuntrari, pia ch'ina opera ha influenzà ina sinfonia datti era: En la «Jupiter Sinfonie» citescha Mozart schizunt in'aria cumpletta.

En il decurs dal 19avel tschientaner na stat la musica sinfonica savens betg pli per sasezza. En il temp da la romantica sa basan ovras savens per exempel sin istorgias u maletgs. «La Classica» dat ina survista da talas ovras enconuschentas, pia da poems sinfonics u sinfonias da program. La «Symphonie Fantastique» da Hector Berlioz è stada ina da las emprimas sinfonias cun in program. Ina fitg enconuschenta ovra è era «Die Moldau» ord il ciclus «Mein Vaterland» da Bedrich Smetana. I sa tracta d'ina ovra sinfonica che descriva il percurs dal flum tschec. «Eine Steppenskizze aus Mittelasien» è la pli enconuschenta ovra dal cumponist russ Alexander Borodin. In ulteriur poem sinfonic è «Danse Macabre» da Camille Saint-Saëns che sa basa sin ina poesia da l'autur Henri Cazalis.

Bels muments musicals, quai è il tema da «La Classica». En la seria da stad cun hits porta «La classica» questa giada singulas parts (moviments) dad ovras pli voluminusas (sinfonias, concerts).

Nus udin cumposiziuns dals classichers da Vienna: Joseph Haydn, Wolfgang Amadeus Mozart e Ludwig van Beethoven. E lura anc dad in auter da Vienna, da Franz Schubert.

Bels muments musicals, quai è il tema da «La Classica». En ina seria da stad preschenta l'emissiun «La Classica» hits dal mund da la classica. Questa giada cumposiziuns da: Jacques Offenbach, Wolfgang Amadeus Mozart, Carl Maria von Weber, Johannes Brahms, Felix Mendelssohn-Bartholdy e Franz Schubert.

La classica porta ovras popularas che stgaudan adina puspè cor ed olma. En sia seria cun hits porta la classica questa giada cumposiziuns da Carl Maria von Weber, Johann Peter Salomon, Jacques Offenbach, Wolfgang Amadeus Mozart, Felix Mendelssohn-Bartholdy, Tommaso Giordani, Bedrich Smetana, Johannes Brahms, Piotr Ilitsch Tschaikowsky e Gioacchino Antonio Rossini.

La classica porta ovras popularas che stgaudan adina puspè cor ed olma. En sia seria cun hits porta la classica questa giada cumposiziuns da: Franz Schubert, Emil Waldteufel, Franz von Suppé, Johannes Brahms, Hans May, Joseph Haydn, Ludwig van Beethoven, Gioacchino Antonio Rossini, Antonín Dvo?ák, Piotr Iljitsch Tschaikowsky, Francesco Paolo Tosti ed Edward Elgar.

Dus geners atgnamain dal tuttafatg differents: La sinfonia è in gener instrumental. L'opera percunter collia musica, chant e moviment ed è plain emoziuns. E tuttina pon ins constatar tar Mozart lioms tranter quels dus geners. Ils onns 1780, cura che Mozart viveva a Vienna, cumponeva el tant operas sco er sinfonias. Uschia han ovras da quels differents geners er influenzà in l'auter. Quai sa mussa per exempel tar la «Prager Sinfonie» e l'opera «Le Nozze di Figaro». L'incarica per cumponer la sinfonia ha Mozart be retschavì, perquai che l'opera aveva in tal grond success a Prag. Omaduas ovras dateschan dal medem onn ed er musicalmain datti in connex: En in duettino da l'opera surpiglia Mozart in motiv ritmic caracteristic sco era la tempra hectica dal terz moviment da la «Prager Sinfonie». Il cas cuntrari, pia ch'ina opera ha influenzà ina sinfonia datti era: En la «Jupiter Sinfonie» citescha Mozart schizunt in'entira aria.

En il decurs dal 19avel tschientaner na stat la musica sinfonica savens betg pli per sasezza. En il temp da la romantica sa basan ovras savens per exempel sin istorgias u maletgs. «La Classica» dat ina survista da talas ovras enconuschentas, pia da poems sinfonics u sinfonias da program. La «Symphonie Fantastique» da Hector Berlioz è stada ina da las emprimas sinfonias cun in program. Ina fitg enconuschenta ovra è era «Die Moldau» ord il ciclus «Mein Vaterland» da Bedrich Smetana. I sa tracta d'ina ovra sinfonica che descriva il percurs dal flum tschec. «Eine Steppenskizze aus Mittelasien» è la pli enconuschenta ovra dal cumponist russ Alexander Borodin. In ulteriur poem sinfonic è «Danse Macabre» da Camille Saint-Saëns che sa basa sin ina poesia da l'autur Henri Cazalis.

En il rom da la Festa da chant chantunala ha era il Chor svizzer da giuvenils concertà. Il Chor svizzer da giuvenils – dapi 25 onns delectescha questa furmaziun il public en ed ordvart la Svizra cun in chant viv-frestg-variant d'auta qualitad. Precisiun, motivaziun, musicalitad e scharm èn ils facturs da quest success. E quest chor fa era punts tranter las regiuns linguistic-culturalas da la Svizra. A Chiavenna han 40 giuvenils concertà duas giadas sut las batgettas da Nicolas Fink e Gonzague Monney. RTR ha registrà il concert da sonda saira en la Chiesa San Lorenzo. La classica porta parts da quai concert.

Reznicek, Rossini, Czerny , M. Haydn, Rosetti e Juon – ils cumponists. L'istorgia numna el «der Ein-Werk-Komponist»: Emil Nikolaus Joseph, Freiherr von Reznicek. In'opera ha el cumponì: Donna Diana. Ed el ha ditg da sia atgna cumposiziun «soeben habe ich ein Stück komponiert, das mich weltberühmt machen wird». Nagut da «weltberühmt»! L'opera è emblidada, l'uvertura restada! Carl Czerny e sias etudes enconuscha mintgin ch'ha insacura emprendì da sunar clavazin. El ha era cumponì bler, passa 1'000 ovras. 0z èn quellas tant sco emblidadas! Daspera udin nus musica dal teolog Frantisek Antonin Rossetti, da Gioacchino Rossini, Michael Haydn e Paul Juon.