La classica

Primavaira tar: Vivaldi, Schubert, Strauss, Berlioz, Grieg, Delibes, Goldmark, Dvo?ák e Zeller. La Classica dechanta la stagiun dal prosperar, chatschar e dal flurir. Nus udin: Un bal (Hector Berlioz), Dôme épais le jasmin (Léo Delibes), Serenade (Karl Goldmark), Solveig's Song (Edvard Grieg), Ballet ord Rosamunde (Franz Schubert), Frühlingsstimmen (Johann Strauss, fegl), La primavaira (Antonio Vivaldi), Schenkt man sich Rosen im Tirol (Carl Zeller), Rosen aus dem Süden (Johann Strauss, fegl) e Slavischer Tanz Nr. 6 (Antonin Dvorak).

Serenada (sereno, serain) – musica da divertiment dada la saira sut tschiel avert. Ina da questas serenadas enconuscha mintg'uffan «Ein kleine Nachtmusik». Wolfgang A. Mozart ha cumponì questa musica da curturella 1787. Tenor la scienza da musica duess quell'ovra avair tschintg moviments. Oz èn be quatter enconuschaints: Allegro – Romanze – Menuett – Rondo. Il 5avel sto esser ì a perder. E la scienza da musica di era che questa serenada en G-Dur KV 525 è vegnida dada per l'emprima giada pir suenter la mort da Mozart.

La classica - questa giada cun serenadas da Mozart, Haydn e Dvorak.

Pavane, menuett, valzer, habanera – furmas da saut chattan ins dapertut en la musica classica.  Il saut sco furma cumpositorica datti en mintga epoca da la musica e bunamain tar mintga cumponist. Musica e saut – ina simbiosa: surtut il ballet, per part era sco element dramaturgic-divertent en l'opera.

Musica, saut e pled – qua èn ils dus ciclus «Liebeslieder Walzer» da Johannes Brahms buns exempels. La classica porta tals sauts. Nus udin: musica d'Aram Khachaturian, Alexander Borodin, Bedrich Smetana, Frédéric Chopin, Antonin Dvorak, Charles Gound, Wolfgang A. Mozart e Johannes Brahms.

Beethoven cun Oliver Schnyder ed il Zürcher Kammerorchester. La SSR SRG è era ina da las pli impurtantas promoturas e producentas da musica classica en Svizra. Sper co-producziuns fa ella era registraziuns da concerts ed emetta quellas en ils divers radios da cultura (SRF 2 Kultur, RSI rete due, RTS Espace deux e per part era RTR La classica u Artg musical).

Questa classica porta parts d'in concert registrà ils 26 da schaner 2016 a Turitg en la Tonhalle. Sin il program musica da Ludwig van Beethoven: Concert per clavazin ed orchester nr. 5 e la Sinfonia nr. 3 «Eroica». Ils interprets: Oliver Schnyder al piano ed il Zürcher Kammerorchester ZKO cun il dirigent sir Roger Norrington. Nus udin il concert da clavazin cun ses trais moviments e l'emprim moviment da la sinfonia.

La classica construescha questa giada sezza ina sinfonia. Tschintg moviments ha questa sinfonia constriuida ord parts da diversas sinfonias dals trais classichers da Vienna: Joseph Haydn (Sinfonia nr. 48 - 1. Allegro), Ludwig van Beethoven (Sinfonia nr. 2 - 2. Larghetto), Wolfgang Amadé Mozart (Sinfonia nr. 39 - 3. Menuetto+Trio) e da ses successurs Franz Schubert (Sinfonia nr. 6 - 3. Scherzo) e Felix Mendelssohn-Bartholy (Sinfonia nr. 4 - 4. Saltarello-Presto). Las punts da moviment a moviment fan chanzuns d'art da Franz Schubert (Der Erlkönig, Heidenröslein, Das Wandern e Ständchen).

Èn ins in cultur-banauser sch'ins taidla mo ils hits da la musica classica? Na! Quellas ovras popularas - era sch'ellas èn in zichel isadas - stgaudan adina puspè cor ed olma. La classica porta en ina seria da quatter emissiuns tals hits.

Oz la segunda part cun ovras da Gioacchino Antonio Rossini (1792-1868), Luigi Boccherini (1743-1805), Pjotr IljitschTschaikowsky (1840-1893), Edvard Grieg (1843-1907), Nikolaj Rimski-Korsakow (1844-1908) ed Emanuel Chabrier (1841-1894).

«La classica» cun musica per il temp da barlot. «La classica» fa tschaiver: Nus udin be cumposiziuns cun il pled «carnaval» en il titel. E nus visitain ils carnavals da Paris, Roma, Venezia e Vienna. E nus giudain era anc il carnaval spagnol ed il carnaval russ. Musica da Johann Strauss, bab e fegl, da Cesare Ciardi, Daniel Popper e da Carl Michael Ziehrer.

Gade, Grieg, Hallén e Sibelius - La classica cun quatter cumponists dal nord. Niels Wilhelm Gade dal Danemarc (1817-1890) è stà l'emprim cumponist da la Scandinavia cun in tschert resun en l'Europa. Dad el udin nus l'Allegro molto (8. sinfonia). Dapli irradiaziun internaziunala ha il Norvegiais Edvard Grieg (1843-1907) gì. Dad el: Landerkennung, l'Intermezzo (sinfonia c-moll) ed ord: Peer Gynt: Solvejg's Lied e Morgenstimmung. Lura Johan Andreas Hallén da la Svezia (1846-1925) cun la romanza per violina ed orchester ed a la fin udin nus dal Finlandais Jean Sibelius (1865-1957) ses poem sinfonic cun chor viril Finlandia cumponì 1899.

La classica cun musica sinfonica da Joseph Haydn. La musica da Franz Joseph Haydn (1732-1809), numnà era «il bab da la sinfonia», è anc oz frestga e viscla. Gist sias 104 sinfonias èn dad ina forza vitala e dad emoziuns che fan surstar. Ellas han ina dimensiun pli graschla e cumpacta che sinfonias da ses collegas Mozart, Beethoven u Schubert e stattan a l'entschatta dal svilup da quest gener cumpositoric. La classica porta la sinfonia nr. 1 e la nr. 94 «Paukenschalg» e lura moviments da las sinfonias nr. 6 fin 8 ch'illustreschan il curs dal di (le matin, le midi, le soir).

La classica cun musica da Wolfgang A. Mozart e Muzio Clementi.Mozart e Clementi: Dus schenis che han vivì quasi durant il medem temp. Els n'han regalà nagut in l'auter. Els èn stads concurrents – surtut al clavazin.Muzio Clementi è naschì il 1752 a Roma. La gronda part da sia vita ha el vivì e lavurà a Londra. Il 1832 è el mort là. Wolfgang Amadeus Mozart è naschì quatter onns suenter Clementi. Mort è el dentant 41 onns avant Clementi.Dus schenis, in pariMozart ha integrà ina melodia da Clementi en l'uvertura «Die Zauberflöte». E Clementi ha transcrit ovras sinfonicas da Mozart per piano. 1781 han els dus gì in cumbat pianistic a Vienna. Il resultat: in pari. Dapli en La classica!