Ella ha fatg lavur da pioniera sisum la Surselva cun esser part dal team da l'emprima canorta d'uffants a Mustér.

La famiglia, amias e collegas han in plaz impurtant en la vita da la dunna da 36 onns che ha sezza gì ina uffanza tut auter che simpla. La perdita da ses bab en la vegliadetgna da 12 onns saja stada ina cesura en sia vita. «E lura èsi in pau ina dumonda da cletg co i vegn ora». Ella saja creschida vi da questa situaziun, di la dunna ch'è oz sezza mamma da dus uffants e che s'engascha per la cumpatibilitad da famiglia e professiun. En il Profil raquinta ella da sia uffanza a Schlans, sias visiuns professiunalas ed era da sia passiun per il karaoke.