នៅ​ក្នុង​នាទី​ជីវិត​ជោគជ័យ​របស់​វិទ្យុ​បារាំង​អន្តរជាតិ​RFI នៅ​ពេល​នេះ អ៊ឹង ប៊ុនថន សូម​ណែនាំឲ្យ​ស្គាល់​លោក  ឆែន ចន្ទដារ៉ា អគ្គនាយក«​រោង​ចក្រ​ចំរ៉ាញ់​ប្រេង​​កន្ទក់​អង្ករ​ផ្កា​ម្លិះ​កម្ពុជា»។​ ប្រេង​ចំអិន​ម្ហូប​ដែលមាន​​ឈ្មោះ​ថា​«សុខៈ»​នឹង​ត្រូវ​ដាក់​លក់​លើទី​ផ្សារ​នៅពេល​ខាង​មុខ​នេះ បន្ទាប់ពី​ចំរ៉ាញ់​សាក​ល្បង​បានជោគជ័យ។ លោក  ចន្ទដារ៉ា និយាយថា លោក​ដេកគិត​អស់រយៈពេល​២ឆ្នាំ ទើបហ៊ាន​ប្រថុយ​ចំណាយ​ទុន៦លាន​ដុល្លារ​ដើម្បី​បង្កើត​រោង​ចក្រ​ផលិតប្រេង​ឆាចេញពីកន្ទក់​ដាក់លក់​សម្រាប់​ទី​ផ្សារ​ក្នុង​ស្រុក​​ជាមួយ​តម្លៃ​ទាប​ជាង​ប្រេង​នាំចូល​។