មាន​បទ​ពិសោធន៍​ជូរចត់​ដែល​ត្រូវ​បាត់បង់​ឱពុក​ដោយសារ​គ្រាប់កាំភ្លើង​ក្នុង​សម័យ​ខ្មែរក្រហម ​ទើប​ជំរុញ​ឱ្យម្ចាស់​សិប្បកម្ម​មួយកន្លែង​ឈ្មោះ ​Angkor Bullet​ លោក ធឿន ចន្ថា​ សម្រេច​ប្រមូល​ទិញ​គា្រប់កាំភ្លើង​ដែល​ប្រើប្រាស់​រួច​មក​កែច្នៃ​ឱ្យ​ក្លាយ​ទៅជា​គ្រឿងអលង្ការ​យ៉ាង​មាន​សោភ័ណភាព។​ ទាក់​ទិន​នឹង​សិប្បកម្មច្នៃគ្រាប់​កាំភ្លើង​មក​ជាគ្រឿងអលង្ការ​នេះ ​លោក​មិន​ទទួល​បាន​ការសាទរលើក​ទឹក​ចិត្ត​ពីមហាជន​ច្រើននោះ​ទេ​នាពេល​ដំបូង​ឡើយ ​ប៉ុន្តែ​ក្រោយមក​សន្ទុះ​នៃការគាំទ្រ​មក​លើសិប្បកម្ម​របស់​លោក​ចាប់ផ្តើមកើនឡើង។​