ខ្ទះត្នោតរបស់ខ្មែរត្រូវបានប្រើប្រាស់តាំងពីយូរលង់សម្រាប់ចម្អិនអាហារនៅក្នុងកម្មវិធីមង្គលការ ឬបុណ្យទាន។ តែគេកម្រឃើញពីការផលិតខ្ទះត្នោតដោយរបៀបណា។ លោក នួន ភារម្យដែលជាពលរដ្ឋរស់នៅឃុំទំនប់ធំ ស្រុកពញាឮ ខេត្តកណ្តាល គឺជាអ្នកផលិតខ្ទះត្នោតបន្តពីឳពុករបស់លោកជាង ៤០ឆ្នាំមកហើយ។ ជារៀងរាល់ថ្ងៃ លោកត្រូវប្រឈមនឹងកម្តៅភ្លើងក្តៅខ្លាំងពីការស្លដែកអេតចាយដើម្បីធ្វើខ្ទះត្នោត។