នៅក្នុងនាទីជីវិតជោគជ័យ​របស់វិទ្យុយើងនៅពេលនេះ សួង សុខភារី សូមណែនាំលោកអ្នក​នាងឱ្យ​បានស្គាល់​ពីលោក បួយ ដារី អគ្គលេខាធិការនៃក្លឹបបាល់ទាត់ Siem Reap United (SRU) និង​ជាអ្នក​ជំនួញមានជំនាញ​រៀបចំទីលានបាល់ទាត់។ លោក បួយ ដារី មានភាពជោគជ័យ ដោយ​​បានសម្រេចបំណង ក្នុងការ​ក្លាយជាចំណែក​ដំបូងមួយ ញុំាងឱ្យមានការ​បណ្តុះបណ្តាល​ថ្នាល​បាល់ទាត់​យ៉ាងផុសផុល ក្នុង​ប្រទេសកម្ពុជា។ លោក ​ដារី តែងតែជឿជាក់​ថា ក្នុងវិស័យ​បាល់ទាត់ ប្រសិនបើ​គ្មានការអភិវឌ្ឍថ្នាលយុវជនឱ្យ​បាន​រឹងមាំទេ នោះក្លឹប ឬ ប្រទេសនោះ គឺមិនអាចប្រកួត​ប្រជែងជាមួយបណ្តាប្រទេស ដែល​មានធនធាន​ច្រើន​ជាងខ្លួននោះឡើយ​។