«គំនូរស្រមោល» ជាប្រភេទសិល្បៈច្នៃប្រឌិតបែបថ្មីដែលមានការរួមបញ្ចូលគ្នារវាងពន្លឺនិងស្រមោល។ ច្នៃចេញសិល្បៈនេះឡើងនៅ​​ក្នុងឆ្នាំ​២០២០ លោក អ៊ួ ដារិទ្ធ​ ​ត្រូវដាក់ចិត្តដោយមានអំណត់អត់ធ្មត់ខ្ពស់នៅក្នុងការផលិតគំនូរមួយ​ផ្ទាំងៗឡើង។ ​យុវជន​ដារិទ្ធ ត្រូវសិក្សាស្វែងយល់​​ធ្វើសិល្បៈនេះ​ខ្លួនឯង ​ពីមួយថ្ងៃទៅមួយថ្ងៃ​ ដោយក្តី​រំពឹងខ្ពស់នាំយក​ផ្ទាំងគំនូររបស់ខ្លួន​ឱ្យគេស្គាល់និងគាំទ្រកាន់តែច្រើនឡើងថែមទៀត​។