នៅ​ក្នុង​នាទី​ជីវិត​ជោគ​ជ័យ​នៅថ្ងៃ​នេះ អ៊ឹង ប៊ុនថន សូម​បង្ហាញ​ពី​ប្រវត្តិ​របស់​លោក អ៊ុល វ៉ាន់ ប្រ​ធាន​បណ្តាញ​យុវ​ជន​កម្ពុជា​។​ កូន​កសិករ​មក​ពី​ខេត្ត​ស្វាយ​រៀង​រូប​នេះ ​បាន​ឆ្លង​កាត់​ជីវិត​លំបាក​លំបិន​ដោយ​សារតែ​ជីវ​ភាព​ ហើយ​បោះ​បង់​ចោល​ការ​សិក្សា ​នៅ​ត្រឹម​ថ្នាក់​ទី៩​។​ ប៉ុន្តែ​ក្រោយ​ពី​សាង​ផ្នួល​បាន​៣​ វស្សា ​លោក អ៊ុល វ៉ាន់ ក៏​សម្រេច​ចិត្ត​បន្ត​ការ​សិក្សា​ឡើង​វិញ​ ពី​ថ្នាក់​ទី​៩​រហូត​ដល់​ចប់​បរិញ្ញា​បត្រ​។​ សកម្ម​ជន​សង្គម​រូប​នេះ ​លើក​ឡើង​ថា ផ្តើម​ចេញ​ពី​ការ​ងារ​ស្ម័គ្រ​ចិត្ត និង​ដើម​ទុន​ភាសា​អង់​គ្លេស បាន​ធ្វើ​ឲ្យ​លោក​ប្រែ​ប្រួល​ខ្សែ​ជីវិត​ប្រសើរ​ជាងមុន​។​