លោក​ សៅ ឈុំ​ ក្នុង​វ័យ​ជាង​៧៧​ឆ្នាំ​ជា​ជាង​កាត់​សក់​អំឡុង​ទស្សវត្ស​ឆ្នាំ៦០​បាន​បន្ត​អាជីព​នេះ​មក​ដល់​បច្ចុប្បន្ន ​ស្ថិត​ក្នុង​ភូមិ​បុសពោធិ ​នៃ​ឃុំ​មេសរជ្រៃ ​ស្រុក​ស្ទឹង​ត្រង់​ ខេត្ត​កំពង់ចាម។​ កន្លែង​កាត់​សក់​របស់​លោក​ សៅ ឈុំ ​មិន​ទំនើប​ទេ ​គឺ​មាន​តែ​កៅ​អី​ចំណាស់​ច្រេះ ​ដែល​លោក​ធ្វើ​ដោយ​ដៃ​នៅ​អំឡុង​ឆ្នាំ​១៩៨០​និង​កញ្ចក់​បញ្ឈរ​ពី​មុខ​មួយ។​ ត្បិត​ថា​ កន្លែង​កាត់​សក់​ធម្មតា​តែ​មាន​ការ​គាំទ្រ​មិន​ធម្មតា​ពី​ក្មេង​ចាស់​ នៅ​ក្នុង​ភូមិ​ព្រោះ​មាន​តម្លៃ​សមរម្យ។​ បើ​តាម​លោក​ សៅ ឈុំ ​របរ​នេះ​ជួយ​ចិញ្ចឹម​ជីវិត​លោក​ដោយ​មិន​រំខាន​អ្នក​ណា​ក្នុង​រយៈ​ពេល​ជាង​៣០​ឆ្នាំ​នេះ​។​