ក្រោម​ការ​សហការ​វាង​អង្គការ​ស៊ីប៉ា ​នឹង​អគ្គ​នាយកដ្ឋាន​ពន្ធនាគារ​ គម្រោង​បណ្ណាល័យ​ក្នុង​ពន្ធនាគារ​ទី​មួយ​បាន​បិទ​បញ្ចប់​ទៅ​ប្រកប​ដោយ​ជោគជ័យ​ បន្ទាប់​ពី​បាន​ដាក់​ឱ្យ​ដំណើរ​ការ​អស់​រយៈពេល​មួយ​ទស្សវត្សន៍​កន្លង​មក។​ ហើយ​នា​ពេល​បច្ចុប្បន្ន​នេះ ​គម្រោង​ថ្មី​មួយ​បន្ថែម​ទៀត​បាន​បង្កើត​ឡើង​នោះ ​គឺ​គម្រោង​ការ​អប់រំ​ក្នុង​ពន្ធនាគារ។​ បើ​តាម​លោក ​សំ លាងអេង​ ប្រធាន​កម្មវិធី​អប់រំ​ក្នុង​ពន្ធនាគារ​បាន​លើក​ឡើង​ថា​ ក្រោម​គម្រោង​នេះ ​អង្គការ​ស៊ីប៉ា​នៅ​តែ​បន្ត​អនុវត្ត​ និង​មាន​ទិសដៅ​បញ្ជៀប​ការ​អប់រំ​ក្នុង​ពន្ធនាគារ​ដដែល។​ លោក​ថា ​ក្រោម​វត្តមាន​របស់​បណ្ណាល័យ​ក្នុង​ពន្ធនាគារ​ជន​ជាប់​ឃុំ​ភាគច្រើន​ទទួល​បាន​ឱកាស​អប់រំ​ស្មើ​មុខ​ស្មើ​មាត់​ដូច​ទៅ​នឹង​ពលរដ្ឋ​ទូទៅ​ដែរ។​