ក្នុងរយៈពេលជាង១០ឆ្នាំចុងក្រោយនេះ មានអ្នកប្រកបរបរចម្លាក់ស្ពាន់ជាច្រើនបានបោះបង់របរមួយនេះចោល។ លោក វ៉ាន់ ស៊ីថា ម្ចាស់សិប្បកម្មភ្ញីទេសដែលមានទីតាំងនៅជិតស្ពានព្រែកក្តាមបានអះអាងថា សព្វថ្ងៃនេះ ផលិតផលធ្វើពីស្ពាន់ដែលឆ្លាក់ដោយដៃកំពុងប្រឈមបញ្ហាខ្វះទីផ្សារ ព្រោះអតិថិជនមួយចំនួនធំបានងាកទៅប្រើប្រាស់របស់ដែលផលិតចេញពីរោងចក្រ និងនាំចូលពីប្រទេសក្រៅ។