នៅក្នុងនាទីជីវិតជោគជ័យរបស់វិទ្យុបារាំងអន្តរជាតិRfiនាពេលនេះ អោ ស្រីពេជ្រ សូមណែនាំ​លោកអ្នកនាង​មកស្គាល់លោក វ៉េង សិរីវុឌ្ឍ អតីត​រដ្ឋមន្ត្រីក្រសួងទេសចរណ៍ បច្ចុប្បន្ននេះ លោកកំពុងងាកទៅ​បម្រើការងារនៅក្នុងវិស័យអប់រំធនធានមនុស្ស។ នៅក្រោមស្នាដៃស្លាបកាដំបូងបង្អស់របស់លោក វ៉េង សិរីវុឌ្ឍ ក្រោមចំណងជើងថា «គ្មាននរណា កើតមកក្រទេ» បានឆ្លុះបញ្ចាំងពី​ដំណើរ​ជីវិតតស៊ូ​ដ៏កំសត់របស់លោកតាំងពីកាល​នៅជាអ្នកធាក់ស៊ីក្លូចិញ្ចឹមក្រពះដើម្បី​ចំណេះ។ ជាសៀវភៅសម្រាប់​ផ្តល់ទស្សនៈទាននិង​ការអប់រំថា ជោគវាសនា គឺស្ថិត​នៅលើដៃមនុស្សដែលប្រឈមនឹងបញ្ហា ដោយក្តីសង្ឃឹម​និងស្មារតី​តស៊ូនៅក្នុងដំណើរជីវិត​​។ ហើយ​វា​ប្រាកដជាអាចអោយ​មនុស្ស​ទៅបានកាន់តែ​ឆ្ងាយ។