នាទីជីវិតជោគជ័យរបស់វិទ្យុបារាំងអន្តរជាតិrfi នាពេលនេះ អោ ស្រីពេជ្រ សូមណែនាំលោកនាងមកស្គាល់លោកជំទាវ​​​ ម៉ម ដាត្ថាលីណែត ដែលជា​​ទីប្រឹក្សាក្រសួងព័ត៌មាន និងជា​សមាជិកក្រុមប្រឹក្សាភិបាល​នៃសមាគមសហគ្រិនស្ត្រីកម្ពុជា​។ ស្ត្រីឆ្នើមរូបនេះបានចំណាយពេលវេលា១០ឆ្នាំ​រៀនសូត្រ​​និងធ្វើការងារ​​​នៅ​សហរដ្ឋ​អាមេរិក។ ​នៅពេលត្រលប់មកមាតុប្រទេសវិញ ​លោកជំទាវ​ដាត្ថាលីណែត បាន​ចូល​រួមចំណែក​ជួយសង្គមជាតិ​​ តាមរយៈការបណ្តុះបណ្តាល​ធនធានមនុស្ស​ដែលជា​សហគ្រិនស្ត្រី សិស្សនិស្សិត និង​យុវជនកម្ពុជា​​។ សម្រាប់លោកជំទាវ ការបណ្តុះស្មារតីនិងពុទ្ធិនៅក្នុងខ្លួនសម្រាប់បុគ្គលម្នាក់ៗ​​គឺជាទុនកសាងសង្គមជាតិដ៏រឹងម៉ាំ។