នៅក្នុង​នាទីជីវិតជោគជ័យ​របស់វិទ្យុយើងនៅរាត្រីនេះ សួង សុខភារី សូមណែនាំលោកអ្នក​នាងឱ្យ​បានស្គាល់ពីលោក​កឹម សុវណ្ណា អ្នក​ថតរូបឯករាជ្យ ដែលចេញមុខ​ដើរថតរូបកីឡា តាំងពីមុន​ពេល​វិស័យកីឡាកម្ពុជា មានសន្ទុះគាំទ្រខ្លាំង។​ ក្នុង​ពេលប្រមាណ ១០​ឆ្នាំ នៃការ​តស៊ូ​ហាល​ថ្ងៃហាល​ខ្យល់ ដើម្បីផ្តិតរូបភាពទាក់ទងនឹង​កីឡា លោក​សុវណ្ណា យល់ថាជាមោទនភាពមួយ ព្រោះលោក​បានចូលរួម​ធ្វើឱ្យ​ជីវភាព​កីឡាករ ទទួលបាន​ប្រាក់ចំណូល​ច្រើន ព្រោះកាន់តែមាន​ការគាំទ្រពីមហាជន។