ពិព័រណ៍ «ដីមាស» ជាស្នាដៃសិល្បៈគំនូរថ្មីចុងក្រោយគេបង្អស់មួយរបស់សិល្បករគំនូរសហសម័យដ៏ល្បីឈ្មោះ គឺលោកលាង ស៊ីកន។ លោកធ្លាប់មានស្នាដៃសិល្បៈតាំងបង្ហាញជាច្រើនលើកច្រើនសារនៅក្នុងសារមន្ទីរផ្សេងៗលើពិភពលោក។ តែអ្វីដែលធ្វើឲ្យលោកស៊ីកនសប្បាយចិត្ត និងមានមោទនភាពខ្លាំង គឺការតាំងបង្ហាញស្នាដៃគំនូរ «ដីមាស» នៅសារមន្ទីរក្នុងទីក្រុងភ្នំពេញ។ តាមលោកលាង ស៊ីកន ស្នាដៃ «ដីមាស» នេះជាការដឹងគុណទឹកដីសុវណ្ណភូមិ និងសម្បតិ្តវប្បធម៌ខ្មែរ។