នៅក្នុងនាទីជីវិតជោគជ័យ​របស់វិទ្យុយើងនៅថ្ងៃនេះ សួង សុខភារី សូមណែនាំលោកអ្នក​នាងឱ្យបានស្គាល់ពីលោក លី សេងហួរ អ្នកជំនួញផ្នែកអលនទ្រព្យ សំណង់ និងជាម្ចាស់ក្លឹបបាល់ទាត់ Siem Reap United (SRU)។ ក្នុងវ័យជាង ៣០ឆ្នាំ លោក​សេងហួរ មានទុនវិនិយោគជាង ១លានដុល្លារ លើការកសាងក្លឹបបាល់ទាត់ Siem Reap United ឱ្យ​មានស្តង់ដារល្អបំផុតមួយប្រចាំខេត្តសៀមរាប។ ការវិនិយោគក្នុង​បាល់ទាត់ មិន​អាចបានផល​ចំណេញដូចការរកស៊ីផ្សេងទៀតឡើយ ប៉ុន្តែលោក​សេងហួរ ប្តេជ្ញាពុះពារ ព្រោះតែចិត្តស្រលាញ់ និងការចង់អភិវឌ្ឍន៍បាល់ទាត់កម្ពុជា ឱ្យមានសក្កានុពល​ប្រជែងជាមួយប្រទេសជិតខាង។