នៅក្នុងបទយកការណ៍នៅថ្ងៃនេះ យើងអាច​ស្វែងយល់​ពី​តម្រូវការចាំបាច់​ឧស្ម័នសម្រាប់រដូវរងា​ នៅប្រទេស​បារាំង ជាមួយ​ការពន្យល់​ពីលោក ណុស ផាន់ណារ៉ា។ លោក​ណុស ផាន់ណារ៉ា ប្រជាជនខ្មែររស់​នៅ ខេត្ត​បឺសង់សុង ធ្វើការ​នៅក្រុមហ៊ុនបារាំង Atlantique ingénierie។ ការងារ​របស់​លោក​ណុស ផាន់ណារ៉ា​គឺ​ចុះវាស់វែង កំណត់ទីតាំងបំពង់ឧស្ម័នក្រោមដី ដើម្បីធ្វើ​បច្ចុប្បន្នភាព​​ផែនទីបំពង់បង្ហូរឧស្ម័ន​នៅក្នុងប្រទេស​បារាំង។ សង្រ្គាមរុស្ស៊ី​ឈ្លានពានអ៊ុយក្រែន ដែល​ឈាន​ដល់​ការបិទបំពង់បង្ហូរឧស្ម័ន ហ្កាស​មកទឹកដីអឺរ៉ុបកំពុង​ធ្វើ​ឲ្យ​បារាំង ដែល​នាំចូល​ឧស្ម័ន​ពី​រុស្ស៊ី​ ដោយ​ឆ្លងកាត់អាល្លឺម៉ង់​កំពុងប្រឈម​នឹង​ការខ្វះហ្កាស​សម្រាប់រដូវរងារ។