លោកស្រី ម៉ុត កោះសុម៉ាលី ជាអ្នករបាំមួយរូប និងជាគ្រូបង្រៀនរបាំស្ម័គ្រចិត្តដល់ក្មេងៗនៅមណ្ឌលកុមារកំព្រាវិសាខានៃក្តីសង្ឃឹមវត្តខ្ចាស់ក្នុងខេត្តបន្ទាយមានជ័យ។ តែលោកស្រី ម៉ុត កោះសុម៉ាលីត្រូវធ្វើដំណើរពីផ្ទះទៅមណ្ឌលកុមារកព្រានោះក្នុងចម្ងាយផ្លូវ ៤០គីឡូម៉ែត្រជារៀងរាល់ថ្ងៃ ក្រោមក្តីរំពឹងថា ក្មេងៗជំនាន់ក្រោយ ពិសេសក្មេងៗនៅតាមទីជនបទក្នុងតំបន់ជាប់ព្រំដែនកម្ពុជា-ថៃបានស្គាល់ច្បាស់ពីរបាំខ្មែរ។