នៅក្នុងនាទី​ជីវិតជោគជ័យរបស់វិទ្យុបារាំងអន្តរជាតិ​​R​f​i ​​នាពេលនេះ អោ ស្រីពេជ្រ សូមណែនាំលោកអ្នកនាងមកស្គាល់​កីឡាការនីប៉េតង់កម្ពុជាលោកស្រី អ៊ុក ស្រីមុំ ដែលទើប​ឈ្នះមេដាយមាសក្នុងការប្រកួតកីឡាប៉េតង់ពិភពលោកពី​ប្រទេសអេស្ប៉ាញ​​។ ភាពជោគជ័យរបស់កីឡាការី​វ័យ​៤៦ឆ្នាំរូប​នេះ បាន​​នាំអោយកម្ពុជា​កាន់មេដាយ​មាស​លំដាប់ពិភព​លោក​​៥លើកជាប់ៗគ្នា។ ​ ជីវិតខាង​ក្រៅទីលាន​ប្រកួត ​អ៊ុក ស្រីមុំ គឺជាកូនទោលកំព្រាឪពុក និង​កំពុងមានម្តាយជរានិងក្មួយកំព្រា២នាក់​នៅ​ក្នុងបន្ទុក។ កីឡាការនីប៉េតង់រូបនេះថា ​ចំពោះ​ជីវិតអ្នកក្រទ្រព្យនិងក្រចំណេះគ្មានអ្វីក្រៅតែពីការតស៊ូនោះទេ។