នៅ​ក្នុង​នាទី​ជីវិត​ជោគ​ជ័យ​របស់​វិទ្យុ​បារាំង​អន្តរ​ជាតិ​RFI​នៅពេល​នេះ​ អ៊ឹង ប៊ុនថន សូម​ណែនាំ​លោក​អ្នក​ឲ្យ​ស្គាល់​លោកស្រី ដួង សុផាវី ម្ចាស់​សិប្បកម្ម​ផ្ទះចល័ត​ វីភី។ ជា​ស្ត្រី​ម៉េមាយ​កូន​២នាក់ លោកស្រី ដួង សុផាវី និយាយ​ថា ទោះ​បី​ការ​ងារ​ប្រភេទ​នេះ គឺ​ជា​ការ​ងារ​របស់​បុរស តែ​ចំណង់​ចំណូលចិត្ត និង​ភាព​អត់​ធ្មត់​ធ្វើ​ឲ្យ​គាត់​បង្កើត​សិប្បកម្ម​ផ្ទះ​ចល័ត​នេះ​ទទួល​បាន​ជោគ​ជ័យ​។ មិន​ត្រឹម​តែ​​ទទួលបាន​ចំណូល​ផ្ទាល់​ខ្លួន​ប៉ុណ្ណោះ​ទេ ​តែ​ការ​ងារ​សិប្បកម្ម​មួយ​នេះ​ក៏​បាន​រួម​ចំណែក​ដល់​ពលរដ្ឋ​ខ្មែរ​កាត់​បន្ថយ​ចំណាក​ស្រុក​ផង​ដែរ​។