MANNEGI ÞÁTTURINN FIMMTUDAGUR 27.sept

Umsjón: Guðrún Gunnarsdóttir og Margrét Blöndal

Úr gamalli myglaðri verksmiðju í aðra verksmiðju sem aldrei varð. Nú hefur sviðslistadeild Listaháskólann fluttst í Laugarnesið, húsið er gríðarstórt og Listaháskólinn nýtir sirka helminginn af því. Lísa Páls fór í heimsókn þangað.

Heimsækjum líka Matarbúr kaju - sem er að finna á Akranesi - þar ræður Karen Jónsdóttir ríkjum og bíður bara upp lífrænar vörur - og margar seldar eftir vigt.

Við sláum á þráðinn til Vopnafjarðar og heyrum í Magnúsi Má Þorvaldssyni, nú er Makrílvertíð brátt lokið og VÍS mun brátt loka umboðsskrifstofu sinni þar í bæ og einnig mun umferðarhraði bera á góma í okkar spjalli hér á eftir.

MANNEGI ÞÁTTURINN MIÐVIKUDAGUR 26.sept

Umsjón: Guðrún Gunnarsdóttir og Margrét Blöndal

Upphaf: Loftmengun getur ýtt undir öndunarfærasjúkdóma, leitt til heilablóðfalla og valdið hjartsláttatruflunum. Nýlega kom í ljós að hvergi í Evrópu hefur mælst eins mikið svifryk og hér var um síðustu áramót. Bergljót Baldursdóttir ræðir, á Heilsuvaktinni, við Ragnhildi Guðrúnu Finnbjörnsdóttur, sem rannsakað hefur áhrif loftmengunar á heilsu fólks.

Strengjasveitin Íslenskir strengir kom með krafti inní íslenskt tónlistarlíf í ársbyrjun á sunnudaginn kemur stígur 18 manna strengjasveit á svið í Salnum undir stjórn Ólafar Sigursveinsdóttur og flytur metnaðarfulla dagskrá. Þetta er frumraun Ólafar sem hljómsveitarstjóri á Íslandi og við litum inn á æfingu.

og hér í upphafi þáttar ætlum við að heyra af litlum hópi í Hveragerði sem kallar sig "Leiðin út á þjóðveg" Þau eru að vinna að geðheilbrigðismálum og erunú að hefja sitt 3ja starfsár.

Mannlegi þátturinn 24.sept

Umsjón Guðrún Gunnarsdóttir og Margrét BLöndal

1)Maximús músíkús/Hallfríður Ólafsdóttir höfundur segir frá útrás bókanna og tónlistarinnar.

2)Kristín Einarsdóttir talar við Indriða Aðalsteinsson bónda á Skjaldfönn um sauðfjárræktina,smalamennsku og sitthvað sem snýr að lífi bóndans.

MANNEGI ÞÁTTURINN MÁNUDAGUR 24.sept

Umsjón: Guðrún Gunnarsdóttir og Lísa Pálsdóttir

Haustið er tími námskeiða af ýmsum toga og við munum heyra af nokkrum hér í Mannlega þættinum á næstu vikum. Í dag forvitnumst við um eitt sem heitir:Eldhúsið-Hjarta heimilisins og þar verður farið yfir skipulag og fyrirkomulag eldhússins, hvað þarf að hafa í huga þegar maður fer í smáar sem stórar framkvæmdir og hvernig hægt er að gera einfaldar breytingar en stórar útlitslega.

Við ræðum við Emelíu Borgþórsdóttur iðnhönnuð.

Í íslenskum þjóðsögum er mannát algengast í tröllasögunum og þar spila átök kynjanna stórt hlutverk, því yfirleitt eru það tröllskessur sem leggja sér mennska karlmenn til munns. Dagrún Ósk Jónsdóttir þjóðfræðingur segir frá rannsóknum sínum á mannáti í íslenskum þjóðsögum, í tengslum við sýninguna Skessur sem éta karla.Við heyrum í Dagrúnu hér á eftir.

Og lesandi vikunnar er Guðríður Gyða Halldórsdóttir ilmkjarnafræðingur.

Föstudagsgestur Mannlega þáttarins í þetta sinn var Valur Freyr Einarsson leikari, hann var að frumsýna í síðustu viku leikritið Allt sem er frábært í Borgarleikhúsinu, samkvæmt lýsingu er það gleðileikur um depurð. Við fræddumst um bakgrunn, hvar hann er fæddur, æskuna og skólagönguna og hvenær leiklistin kom inn í líf hans. Auk þess sagði Valur Freyr betur frá leikritinu Allt sem er frábært, sem er einleikur, en hann fær samt sem áður talsverða hjálp frá áhorfendum.

Ætli hvert mannsbarn noti ekki talsvert magn af salti og pipar á lífsleiðinni á lífsleiðinni. Krydd eru dásamleg í mat og gera góðan mat enn betri. Ferskar kryddjurtir sem og þurrkaðar. Í dag talaði Sigurlaug Margrét Jónasdóttir til dæmis um hvernig kryddjurtir á 14. öld voru notaðar til að slá á ýldulykt af matnum.

Umsjón: Guðrún Gunnarsdóttir og Gunnar Hansson

Nú stendur yfir Samgönguviku og á morgun fer fram áttunda ráðstefna Hjólafærni og Landssamtaka hjólreiðamanna undir heitinu Hjólum til framtíðar. Meginþema ráðstefnunnar í ár er Veljum fjölbreytta ferðamáta. Við fengum þær Sesselju Traustadóttur, framkvæmdastýru Hjólafærni á Íslandi og Lilju Guðríði Karlsdóttur, samgönguverkfræðing í þáttinn til að segja okkur frá viðburðinum.

Við heyrðum viðtal úr safni útvarpsins frá árinu 1978 í þættinum í dag. Þar ræddi Jónas Jónasson við Njál Benediktsson, framkvæmdastjóra í Garði, um liðna tíð, erfiða æsku, stutta skólagöngu ofl. Og eins og Jónas skrifaði sjálfur í kynningu: Átakalaust og opið viðtal um kraftakall í alþýðustétt sem vildi vera ungur aftur en með reynsluna á herðum og takast á við nýja tímann.

Það finnst vafalaust einhverjum skrýtið að tala um jólin í september. En ef fólk vill breyta áherslum jólanna í takt við hugmyndir Gerðar Pálmadóttur, þá er þetta akkurat rétti tíminn. Lísa Pálsdóttir talaði við Gerði í þættinum í dag.

Umsjón: Guðrún Gunnarsdóttir og Gunnar Hansson

MANNEGI ÞÁTTURINN MIÐVIKUDAGUR 19.sept

Umsjón: Guðrún Gunnarsdóttir og Margrét Blöndal

Eftir einn mánuð verður kannabis lögleyft til neyslu í Kanada. Kannabis er nú þegar löglegt í níu ríkjum Bandaríkjanna og í þrjátíu ríkjum þess er kannabis löglegt til neyslu í lækningaskyni, þrátt fyrir að lítið sem ekkert hafi verið sannað um lækningamátt þess. Í þessum pistli segir Magnús frá nokkrum af þeim rannsóknum sem hafa verið gerðar vestan hafs á áhrifum kannabis á neytendur og samfélagið í heild.

Breytingaskeiðið , matur,jurtir og jóga er blanda sem við ætlum að fjalla um í dag. Þær koma hingað Jóhanna Briem jóga nidra sérfræðingur og Kolbrún Björnsdóttir grasalæknir og þær segja að matur og jógastöður fyrir orkustöðvarnar stuðli að betra jafnvægi.

Við heimsækjum líka Bókasafn Árborgar á Selfossi - en þar eru margar skemmtilegar hugmyndir viðraðar á hverjum degi. Sumar koma til framkvæmda og ein sú frumlegasta tengist bakstri og kökuformum. Meira um það á eftir.

Mannlegi þátturinn 18.sept 2018

Umsjón Guðrún Gunnarsdóttir og Margrét Blöndal

Svokallaður fólksflótti af landsbyggðinni hefur verið viðvarandi í

áratugi og mörgum þykir nauðsynlegt að bregðast við með einhverjum

ráðum. Kristín Einarsdóttir fór á fund á Hólmavík þar sem rætt var um leiðir til úrbóta en það var Jón Jónsson þjóðfræðingur sá um verkefnið ásamt þeim Agnesi

Jónsdóttur og Guðrúnu Gígju Jónsdóttur sem einnig eru báðar þjóðfræðingar.

Um síðust helgi var haldin Ráðstefna í Morsfellsbæ sem bar yfirskiftina Heimsljós. Þar var rætt um andlega og líkamlega heilsu okkar frá mögum hliðum - hefðbundum og óhefðbundnum. Valdimar Gísli Valdimarsson skólastjóri Raftækniskólans var einn þeirra sem hélt erindi - og ræddi að sjálfsögðu um áhrif rafmagns á okkur mennina. Valdimar kemur til okkar á eftir

Söngurinn eflir félagsauð og ræktar sálir, segir Þórunn Björnsdóttir kórstjóri, sem hélt fyrstu söngstundirnar í Hannesarholti , þar sem textar birtast á tjaldi og allir taka undir. Nú er nýtt fólk tekið við söngstundunum en þær eru nú orðnar frá upphafi 42 talsins. Hannesarholt vill efla söngarfinn með kynslóðunum og allmargir hafa lagst á árar með okkur til að halda úti SyngjumSaman stundum einu sinni til tvisvar í mánuði. Við sláum á þráðinn niðrí Hannesarholt.

MANNEGI ÞÁTTURINN MÁNUDAGUR 17.sept

Umsjón: Guðrún Gunnarsdóttir og Lísa Pálsdóttir

Áhersla á hluttekningu og velvild í stjórnun og menningu vinnustaða er öflugt mótsvar við álagi og jafnvel þjáningu sem fyrirfinnst á vinnustöðum og í lífinu almennt. Mikilvægi mannúðar á við alla geira atvinnulífsins og þá er viðskiptalífið ekki undanskilið. Í ljósi aukinnar tæknivæðingar og hraða virðist nú, sem aldrei fyrr, vera þörf fyrir hluttekningu og félagslegri næringu á vinnustöðum. Við heyrum af námskeiði hjá Endurmenntun Háskóla Íslands þar sem þetta er tekið fyrir.

Í dag verður haldin stofnfundur samtaka um meðferðarsetur fyrir ungt fólk í vanda.

Útgangspunktur hópsins er tvíþátta greiningarmódel í meðferðarstarfi fyrir ungmenni á aldrinum 18-25 ára. Hugmyndin er að vinna út frá valdeflingu og endurhæfingu og að koma ungu fólki í þessari stöðu til heilsu og virkni. Að öll meðferð miði við einstaklinginn en ekki greiningarnar. Við ræðum við Sigurþóru Bergsdóttur, móður og stjórnarformann Minningarsjóðs Bergs Snæs.

Og lesandi vikunnar er Jóhann Sigurðarsson leikari...

MANNEGI ÞÁTTURINN FÖSTUDAGUR 14.sept

Umsjón: Guðrún Gunnarsdóttir og Gunnar Hansson

Föstudagsgesturinn okkar er Karl Olgeirsson tónlistarmaður en hann er að gefa út geisladisk /plötu með 14 nýjum jazzlögum og nótnabók í leiðinni, ekki alveg eins og felstir gera með sínum útgáfum í dag, en stundum er þetta gert eftir á. Kalli hefur verið í tónlistarbransanum lengi, útsetningar leika í höndunum á honum enda hefur hann verið partur af stórtónleikum margra annara, má þar nefna Frostrósi þar sem hann sá lengi um allar útsetningar. Næsta fimmtudag mun hann stíga á svið með Helenu Eyjólfs og strengjasveit í Salnum, þannig að það er nóg að gera. Meira um það hér rétt strax.

Heimsljós er heilsuhátíð sem haldin er í Mosfellsbæ og þar kennir ýmissa grasa, fyrirlestur um örmögnun, rafmögnun og húsasótt, hjálp að handan, mikilvægi þarmaflórunnar ofl. Heyrum hvað er í boði hér á eftir.

Sigurlaug Margrét Jónasdóttir kemur til okkar með matarspjallið og í dag hefur ákveðið að tala um hvernig hægt er að setja allt í eina pönnu, eins og kallað er.